დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის შემოღებისა და მისი გადახდის ინსტრუქციის დამტკიცების შესახებ“ თვითმმართველი ქალაქის – ბათუმის საკრებულოს 2013 წლის 30 ივლისის №27 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 9 |
| დოკუმენტის მიმღები | ქალაქ ბათუმის მუნიციპალიტეტი |
| მიღების თარიღი | 30/04/2015 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 06/05/2015 |
| ძალის დაკარგვის თარიღი | 03/12/2019 |
| სარეგისტრაციო კოდი | 210020010.35.132.016255 |
|
საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის 1-ლი პუნქტის „დ.ბ)“ ქვეპუნქტის, „ადგილობრივი მოსაკრებლების შესახებ“ საქართველოს კანონის მე-3 მუხლის 1-ლი პუნქტისა და მე-4 მუხლის მე-2 პუნქტისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ქალაქ ბათუმის მუნიციპალიტეტის საკრებულო ადგენს: |
1.
„ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის შემოღებისა და მისი გადახდის ინსტრუქციის დამტკიცების შესახებ“ თვითმმართველი ქალაქის - ბათუმის საკრებულოს 2013 წლის 30 ივლისის №27 დადგენილებით დამტკიცებულ „ქალაქ ბათუმის ტერიტორიაზე სპეციალური (ზონალური) შეთანხმების გაცემისათვის მოსაკრებლის განაკვეთების განსაზღვრისა და მისი გადახდის ინსტრუქციაში“ (შემდგომში - „ინსტრუქცია“) შეტანილ იქნეს შემდეგი ცვლილებები: |
ა)
მე-6 პუნქტის „ზ“ ქვეპუნქტი შეიცვალოს და ჩამოყალიბდეს შემდეგი რედაქციით:
„ზ) მიწის ნაკვეთის ერთ საკადასტრო ერთეულსა ან/და ერთ საკადასტრო ერთეულსა და მის მომიჯნავედ არსებულ მიწის ნაკვეთის საკადასტრო ერთეულებზე არანაკლებ ასნომრიანი სასტუმროსა ან/და არანაკლებ ასნომრიანი სასტუმროსა და მრავალფუნქციური კომპლექსის მშენებლობა, რომლის განხორციელების მიზნით სახელმწიფო ან/და აჭარის ავტონომიური რესპუბლიკის ან/და თვითმმართველი ქალაქი ბათუმის უძრავი ქონების პრივატიზების ან კანონიერი სარგებლობის ფორმით (აღნაგობა, უზუფრუქტი, იჯარა და ა.შ) გაფორმებული საინვესტიციო ხელშეკრულება ან/და საინვესტიცო ხელშეკრულებასთან დაკავშირებით გაფორმებული დამატებითი შეთანხმება ითვალისწინებს ჯამში არანაკლებ ოცდაათი მილიონი ამერიკული დოლარის ინვესტირებას. საინვესტიციო ხელშეკრულება ან/და საინვესტიციო ხელშეკრულებასთან დაკავშირებით გაფორმებული დამატებითი შეთანხმება ასევე უნდა ითვალისწინებდეს, რომ მშენებლობის ნებართვის მაძიებელს აღნიშნული პუნქტით ნაკისრი ვალდებულების დარღვევის შემთხვევაში უპირობოდ ეკისრება სპეციალური (ზონალური) შეთანხმების გაცემისათვის დადგენილი მოსაკრებლის ოდენობის შესაბამისი თანხის ქ. ბათუმის მუნიციპალიტეტის მერიისათვის დაუყონებლივ გადახდის ვალდებულება. დაკისრებული თანხის 10 სამუშაო დღის ვადაში ქ. ბათუმის მუნიციპალიტეტის მერიისათვის გადაუხდელობის შემთხვევაში ხელშეკრულება ასევე უნდა ითვალისწინებდეს მხარეების შეთანხმებას, რომ ქ. ბათუმის მუნიციპალიტეტს მომდევნო 1 თვის განმავლობაში საკუთრებაში გადაეცემა საქართველოს მთავრობის სამართლებრივი აქტით განსაზღვრული რომელიმე აუდიტორული კომპანიის აუდიტორული დასკვნით დადასტურებული შესაბამისი თანხის ოდენობის უძრავი ქონება ამ პუნქტით გათვალისწინებული უძრავი ქონებიდან.“. |
ბ)
მე-6 პუნქტის „ზ“ ქვეპუნქტის შემდეგ დაემატოს შემდეგი შინაარსის „თ“ ქვეპუნქტი
„თ) მიწის ნაკვეთის ერთ საკადასტრო ერთეულსა ან/და ერთ საკადასტრო ერთეულსა და მის მომიჯნავედ არსებული მიწის ნაკვეთის საკადასტრო ერთეულებზე არანაკლებ ასნომრიანი სასტუმროსა ან/და არანაკლებ ასნომრიანი სასტუმროსა და მრავალფუნქციური კომპლექსის მშენებლობა, რომელშიც ჯამში საპროექტო სახარჯთაღრიცხვო დოკუმენტაციის თანახმად განხორციელდება არანაკლებ ოცდაათი მილიონი ამერიკული დოლარის ინვესტირება (საბოლოოდ ინვესტიციის მოცულობა დადასტურებული უნდა იყოს საქართველოს მთავრობის სამართლებრივი აქტით განსაზღვრული რომელიმე აუდიტორული კომპანიის აუდიტორული დასკვნით). ამ პუნქტის შესაბამისად სპეციალური (ზონალური) შეთანხმების გაცემისათვის დადგენილი მოსაკრებლის გადახდისაგან გათავისუფლებამდე მშენებლობის ნებართვის მაძიებელმა ქ.ბათუმის მუნიციპალიტეტის მერიას ნაკისრი ვალდებულების შესრულების უზრუნველსაყოფად უნდა წარმოუდგინოს უპირობო და გამოუხმობი საბანკო გარანტია სპეციალური (ზონალური) შეთანხმების გაცემისათვის დადგენილი მოსაკრებლის ოდენებაზე მეტ თანხაზე, რომლის მოქმედების ვადა 90 დღით უნდა აღემატებოდეს მშენებლობის ნებართვის მოთხოვნილ მოქმედების ვადას და რომელიც ასევე ნაკისრი ვალდებულების დარღვევის შემთხვევაში უნდა ითვალისწინებდეს ქ. ბათუმის მუნიციპალიტეტის მერიის მხრიდან პირველი წერილობითი მოთხოვნისთანავე ქ. ბათუმის მუნიციპალიტეტის მერიისათვის შესაბამისი თანხის დაუყონებლივ გადახდის ვალდებულებას.“. |
2.
დადგენილება ძალაშია გამოქვეყნებისთანავე.
|
|
დოკუმენტის კომენტარები