„ხობის მუნიციპალიტეტის გამგეობასა და ხობის მუნიციპალიტეტის საკრებულოს აპარატში საჯარო თანამდებობათა დასაკავებლად დამატებითი საკვალიფიკაციო მოთხოვნების დამტკიცების შესახებ“ ხობის მუნიციპალიტეტის საკრებულოს 2014 წლის 21 ნოემბრის №39 დადგენილებაში ცვლილების შეტანის თაობაზე

„მუხლი 7¹. მოთხოვნები ხობის მუნიციპალიტეტის საკრებულოს აპარატის უფროსის საჯარო თანამდებობათა დასაკავებლად

ხობის მუნიციპალიტეტის საკრებულოს აპარატის უფროსის თანამდებობის დასაკავებლად, ფუნქციური მოვალეობებიდან გამომდინარე, გარდა ამ საკვალიფიკაციო მოთხოვნების პირველი და მე-2 მუხლებით შესაბამისი თანამდებობისთვის გათვალისწინებული მოთხოვნებისა:

ა) პირს, რომელიც იკავებს საკრებულოს აპარატის უფროსის თანამდებობას, დამატებით მოეთხოვება:

ა.ა) კომუნიკაბელობა;

ა.ბ) შეხვედრებისა და მოლაპარაკებების წარმოების უნარი;

ა.გ) შემდეგი სამართლებრივი აქტების ცოდნა:

ა.გ.ა) საქართველოს ორგანული კანონი „საქართველოს შრომის კოდექსი“;

ა.გ.ბ) საქართველოს კანონი „საჯარო ინფორმაციის ასლის გადაღების მოსაკრებლის შესახებ“;

ა.გ.გ) „საქმისწარმოების ერთიანი წესების დამტკიცებისა და ამოქმედების შესახებ“ საქართველოს პრეზიდენტის 1999 წლის 1 ივლისის №414 ბრძანებულება.“.