„კასპის მუნიციპალიტეტის 2015 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ კასპის მუნიციპალიტეტის საკრებულოს 2014 წლის 19 დეკემბრის №64 დადგენილებაში ცვლილების შეტანის თაობაზე

ა)       დადგენილებით დამტკიცებული წესის 1-ლი მუხლის მე-2 პუნქტის „ე’’ ქვეპუნქტი ჩამოყალიბდეს შემდეგი რედაქციით:

„ე) ხარჯთაღრიცხვის დოკუმენტი ან/და ანგარიშფაქტურა სამედიცინო დაწესებულებიდან ან/და აფთიაქიდან;“;

ბ)    დადგენილებით დამტკიცებული წესის მე-3 მუხლის 1-ლი პუნქტი  ჩამოყალიბდეს შემდეგი რედაქციით:

„1.       ცერებრალური დამბლით ან აუტიზმით დაავადებული ბავშვების (0-დან 18 წლამდე) სოციალური დახმარება გაიცემა ერთჯერადად, 200 ლარის ოდენობით;“;

გ)      დადგენილებით დამტკიცებული წესის მე-8 მუხლის მე-5 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე)       ხარჯთაღრიცხვის დოკუმენტი ან/და ანგარიშფაქტურა აფთიაქიდან;“;

დ)     დადგენილებით დამტკიცებული წესის მე-15 მუხლის 1-ლი პუნქტი ჩამოყალიბდეს შემდეგი რედაქციით:

„1.       ამ მუხლით, 500 ლარის ოდენობით დახმარება გაეწევა სტუდენტს, რომელიც სწავლობს აკრედიტირებულ, ავტორიზებულ, უმაღლეს საგანმანათლებლო დაწესებულებაში  (უნივერსიტეტი, სასწავლო უნივერსიტეტი), გადის აკრედიტირებულ პროგრამას და აკმაყოფილებს შემდეგ მოთხოვნებს:“;

ე)       დადგენილებით დამტკიცებული წესის მე-15 მუხლის მე–3  პუნქტის, „ბ’’ ქვეპუნქტი ჩამოყალიბდეს შემდეგი რედაქციით:

„ბ)       ცნობა აკრედიტებული, ავტორიზებული, უმაღლესი საგანმანათლებლო დაწესებულებიდან (უნივერსიტეტი, სასწავლო უნივერსიტეტი), მასზე სახელმწიფო დაფინანსების არ არსებობის, სწავლის საფასურის  ოდენობისა და შესაბამისი სასწავლებლის რეკვიზიტების შესახებ;“

ვ)        დადგენილებით დამტკიცებული წესის 24-ე მუხლის 1-ლი პუნქტი ჩამოყალიბდეს შემდეგი რედაქციით:

„1.       დაუშვებელია ამ წესით გათვალისწინებული დახმარების გაცემა იმ დაავადებათა მკურნალობაზე, რაზედაც ანალოგიური დახმარების გაცემა გათვალისწინებულია მოსახლეობის იმ ჯგუფისათვის, რომლებიც სახელმწიფო პროგრამის მიხედვით, ითვლებიან დახმარების მიმღებად, გარდა ამ წესის 1-ლი,   1¹ , მე-2, მე-6,  და  მე-7   მუხლებით გათვალისწინებული დაფინანსებისა;“.