საქართველოს მთავრობას, სს „საქართველოს ნავთობისა და გაზის კორპორაციას“, აზერბაიჯანის რესპუბლიკის ნავთობის სახელმწიფო კომპანიასა და შპს „სოკარ გაზ ექსპორტ-იმპორტს“ შორის დასადები კომპლექსური შეთანხმება №6-ის პროექტის თაობაზე

საქართველოს მთავრობის

განკარგულება №640

2015 წლის 26 მარტი

ქ. თბილისი

საქართველოს მთავრობას, სს „საქართველოს ნავთობისა და გაზის კორპორაციას“, აზერბაიჯანის რესპუბლიკის ნავთობის სახელმწიფო კომპანიასა და შპს „სოკარ გაზ ექსპორტ-იმპორტს“ შორის დასადები კომპლექსური შეთანხმება №6-ის პროექტის თაობაზე

1. „უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილების შესაბამისად, მოწონებულ იქნეს საქართველოს მთავრობას, სს „საქართველოს ნავთობისა და გაზის კორპორაციას“, აზერბაიჯანის რესპუბლიკის ნავთობის სახელმწიფო კომპანიასა და შპს „სოკარ გაზ ექსპორტ-იმპორტს“ შორის დასადები კომპლექსური შეთანხმება №6-ის პროექტი.

2. საქართველოს ზოგადი ადმინისტრაციული კოდექსის 27² მუხლის მე-3 ნაწილის შესაბამისად, პირველი პუნქტით გათვალისწინებული შეთანხმების პროექტი მიჩნეულ იქნეს კომერციულ საიდუმლოებად.

3. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 27-ე მუხლის შესაბამისად, შეთანხმებას, საქართველოს მთავრობის სახელით, ხელი მოაწეროს საქართველოს ენერგეტიკის მინისტრმა კახა კალაძემ.

პრემიერ-მინისტრი  ი. ღარიბაშვილი