„საქართველოს სასჯელაღსრულებისა და პრობაციის სამინისტროს სისტემაში შემავალი სახელმწიფო საქვეუწყებო დაწესებულების – სასჯელაღსრულების დეპარტამენტის დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2012 წლის 17 დეკემბრის №176 ბრძანებაში ცვლილების შეტანის თაობაზე

„3. უსაფრთხოების მთავარი სამმართველოს ძირითადი ფუნქციები  და ამოცანებია:

ა) პატიმრობისა და თავისუფლების აღკვეთის აღსრულების სისტემაში უსაფრთხოების დაცვის უზრუნველყოფა;

ბ) პატიმრობისა და თავისუფლების აღკვეთის აღსრულების სისტემის ინფრასტრუქტურული, ტექნიკური და ტექნოლოგიური უსაფრთხოების უზრუნველყოფა;

გ) პატიმრობისა და თავისუფლების აღკვეთის აღსრულების სისტემაში სამართლებრივი რეჟიმის დაცვის უზრუნველყოფა;

დ)  პატიმრობისა და თავისუფლების აღკვეთის აღსრულების სისტემის უსაფრთხოების უზრუნველსაყოფად საინფორმაციო-ანალიტიკური საქმიანობის განხორციელების უზრუნველყოფა;

ე) კომპეტენციის ფარგლებში სხვა სახელმწიფო დაწესებულებებთან თანამშრომლობის უზრუნველყოფა;

ვ) დაწესებულებებში უსაფრთხოებასთან დაკავშირებით არსებული ინფორმაციის საქართველოს კანონმდებლობით დადგენილი წესით შეგროვება, ანალიზი, შესაბამისი წინადადებების შემუშავება და დეპარტამენტის თავმჯდომარის პირველი მოადგილისთვის წარდგენა;

ზ) უსაფრთხოების დაცვის მიზნით მსჯავრდებულთა დაწესებულებებში და საკნებში/საკნის ტიპის საცხოვრებელში გადანაწილების პროცესის კოორდინაცია, ანალიზი, შესაბამისი წინადადებების შემუშავება და დეპარტამენტის თავმჯდომარის პირველი მოადგილისთვის წარდგენა;

თ) დაწესებულებების ტერიტორიებზე სასაშვო-გამშვები პუნქტების ფუნქციონირების ტექნიკური უზრუნველყოფა და სასაშვო-გამშვები რეჟიმის ორგანიზების კონტროლი;

ი) მსჯავრდებულთა მიერ სამრეწველო მოწყობილობების, სამუშაო ინსტრუმენტების, ელექტროენერგიის, ნედლეულისა და მასალების არადანიშნულებისამებრ ან ფარულად გამოყენების აღკვეთის, აგრეთვე მსჯავრდებულთა მიერ სხვადასხვა ნაგებობების, მოწყობილობების, სათავსოების თვითნებურად აგების/გადაკეთების აღკვეთის კოორდინაცია, ანალიზი და წინადადებების შემუშავება;

კ) მსჯავრდებულთა პირადი ნივთებისა და სათავსოების, აგრეთვე დაწესებულებათა საცხოვრებელი, სასწავლო/სარეკრეაციო და საწარმოო სივრცეების დათვალიერების, აკრძალული საგნების, ნივთიერებებისა და კვების პროდუქტების ამოღების  კოორდინაცია, ანალიზი და წინადადებების შემუშავება;

ლ) ბრალდებულთა/მსჯავრდებულთა სატელეფონო საუბრებზე კონტროლის განხორციელების, მათთვის განკუთვნილი, აგრეთვე მათ მიერ გასაგზავნი წერილებისა და გზავნილების დათვალიერების და შემოწმების უზრუნველყოფა საქართველოს კანონმდებლობით დადგენილი წესით;

მ) დაწესებულებების ტერიტორიაზე წარმოებულ დატვირთვა-გადმოტვირთვის სამუშაოებზე კონტროლი;

ნ) ზედამხედველობისა და კონტროლის საინჟინრო და ოპერატიულ-ტექნიკური საშუალებების და პროგრამული საშუალებების პერიოდული შემოწმება მათი გამართულ მდგომარეობაში შენარჩუნების მიზნით;

ო) დაწესებულებების საინჟინრო-ტექნიკური პერსონალის მიერ მოწყობილობების გამოყენების დადგენილი მოთხოვნების დაცვაზე, მსჯავრდებულთათვის ბასრი, მჭრელი და მჩხვლეტავი ინსტრუმენტების გაცემა-ჩაბარებაზე კონტროლი;

პ) დაწესებულებებში კრიმინალური გავლენების გამოვლენა და ანალიზი, კრიმინალური სუბკულტურის წარმომადგენლების და სამართლებრივი რეჟიმის  სისტემატურად დამრღვევი  პირების გამოვლენა და აღრიცხვა;

ჟ) დაწესებულებებში შექმნილი ვითარების საერთო კონტროლი, ანალიზი, შესაბამისი წინადადებების შემუშავება და დეპარტამენტის თავმჯდომარის პირველი მოადგილისთვის წარდგენა;

რ) კომპეტენციის ფარგლებში დეპარტამენტში არსებული სახელმწიფო საიდუმლოების შემცველი დოკუმენტების აღრიცხვა და დაცვა;

ს) დაწესებულებებში უსაფრთხოების უზრუნველსაყოფად გამოყოფილი ძალებისა და საშუალებების განლაგების გეგმების შედგენა და მათი შესრულების კოორდინაცია;

ტ) დაწესებულებებში უსაფრთხოების ფუნქციების განმახორციელებელ პირთათვის სპეციალური სამსახურებრივი მითითებების მიცემა და მათი შესრულების შეფასება;

უ) დაწესებულებაში აკრძალული  საგნებისა და ნივთიერებების მიღების არხების გამოვლენისა და აღკვეთის უზრუნველყოფის კოორდინაცია, ანალიზი და წინადადებების შემუშავება;

ფ) კომპეტენციის ფარგლებში საგანგებო სიტუაციებში მოქმედების დროს დეპარტამენტის სამოქმედო გეგმების შემუშავებაში მონაწილეობა;

ქ) პატიმრობისა და თავისუფლების აღკვეთის აღსრულების სისტემის ორგანოებში კომპიუტერული ქსელების გამართული მუშაობის, კომპიუტერული ტექნიკის გამართულ მდგომარეობაში ყოფნისა და კიბერუსაფრთხოების უზრუნველყოფა;

ღ) ბრალდებულთა/მსჯავრდებულთა გაყვანა/გადაყვანისა და ექსტრადირებისას საშიშროების რისკების შეფასება და წინადადებების წარდგენა დაწესებულებებისათვის და დეპარტამენტის შესაბამისი სტრუქტურული ქვედანაყოფებისათვის;

ყ)  სისტემის ორგანოების თანამედროვე კომპიუტერული პროგრამებით უზრუნველყოფა;

შ) ოპერატიულ-სამძებრო საქმიანობის განმახორციელებელ ორგანოებთან თანამშრომლობა საქართველოს კანონმდებლობით დადგენილი წესით;

ჩ) ბრალდებულთა/მსჯავრდებულთა  დაწესებულების დებულებისა და დღის განრიგის დაცვის, საქართველოს კანონმდებლობით განსაზღვრული შეხვედრების განხორციელების ზედამხედველობა;

ც) ბრალდებულთა/მსჯავრდებულთა განთავსებისა და სამუშაო ადგილებში მათ ქცევაზე ვიზუალური და  ელექტრონული მეთვალყურეობის განხორციელების კოორდინაცია, ანალიზი, შესაბამისი წინადადებების შემუშავება და დეპარტამენტის თავმჯდომარის პირველი მოადგილისთვის წარდგენა;

ძ) დაწესებულების ტერიტორიაზე მსჯავრდებულთა გადაადგილების, მათ მიერ, საქართველოს კანონმდებლობით დადგენილი ფორმის ტანსაცმლის, აქსესუარების, სამკერდე და სხვა ამოსაცნობი ნიშნების გამოყენების დაცვაზე კონტროლის კოორდინაცია, ანალიზი და წინადადებების შემუშავება;

წ) დაწესებულებების თანამშრომელთა და დაწესებულებებში მყოფ პირთა მიერ ბრალდებულებთან/მსჯავრდებულებთან ურთიერთობის დადგენილი წესების დაცვაზე კონტროლის კოორდინაცია, ანალიზი; შესაბამისი წინადადებების შემუშავება და დეპარტამენტის თავმჯდომარის პირველი მოადგილისთვის წარდგენა;

ჭ) საჭიროების შეთხვევაში, დაწესებულებაში სამართლებრივი რეჟიმის დაცვასთან დაკავშირებული ღონისძიებების უშუალო დაგეგმვა და განხორციელება დაწესებულების  თანამშრომლებთან ერთად, აგრეთვე დაწესებულების სამართლებრივი რეჟიმის განყოფილების და უსაფრთხოების განყოფილების თანამშრომლებისთვის კომპეტენციის ფარგლებში დახმარების აღმოჩენა;

ხ) დაწესებულებების სამართლებრივი რეჟიმის განყოფილებების და უსაფრთხოების განყოფილებების საქმიანობის კოორდინაცია, კონტროლი, წინადადებების შემუშავება;

ჯ) დაწესებულებებში სამართლებრივი რეჟიმის დაცვისა და უსაფრთხოების უზრუნველყოფის სფეროში არსებული პრაქტიკის პერიოდული ანალიზი, ანალიზის შედეგად არსებული ხარვეზების აღმოჩენა და მათი გადაჭრის სტრატეგიული გეგმების შემუშავება;

ჰ) პატიმრობისა და თავისუფლების აღკვეთის აღსრულების სისტემაში ელექტრონული საშუალებით მეთვალყურეობის, კონტროლის და ამ პროცესის შედეგად მიღებული ინფორმაციის ჩაწერის საერთო კოორდინაცია, ანალიზი და ელექტრონული საშუალების ტექნიკური უზრუნველყოფა;

ჰ¹)  სისტემის ორგანოებში არსებული მონაცემთა ელექტრონული ბაზების ოპერირების უზრუნველყოფა, მათზე დაშვების ტექნიკური უზრუნველყოფა და კონტროლი;

ჰ²) შემოსული კორესპონდენციის განხილვა და მათზე შესაბამისი რეაგირების განხორციელება კომპეტენციის ფარგლებში;

ჰ³)  სისტემის ორგანოების კინოლოგიური მომსახურება;

ჰ⁴) შესაბამისი სამართლებრივი აქტების პროექტების მომზადებაში მონაწილეობის მიღება;

ჰ⁵) საქართველოს კანონმდებლობით განსაზღვრული სხვა ფუნქციების განხორციელება.“.