„ნინოწმინდის მუნიციპალიტეტის გამგეობის ეკონომიკური განვითარებისა და ქონების მართვის სამსახურის დებულების დამტკიცების შესახებ" ნინოწმინდის მუნიციპალიტეტის საკრებულოს 2014 წლის 25 აგვისტოს №27 დადგენილებაში ცვლილების შეტანის თაობაზე

1. დებულების მეორე მუხლის მე-2 პუნქტი ჩამოყალიბდეს შემდეგი რედაქციით: 

,,2. სამსახური შედგება 3 განყოფილებისაგან:“.

2. დებულების მე-2 მუხლის მე-2 პუნქტს დაემატოს შემდეგი შინარსიის  ,,გ“ ქვეპუნქტი:

 ,,გ) გარემოს დაცვის და აგრარულ საკითხთა განყოფილება.“.

3. დებულებას დაამატოს შემდეგი შინაარსის 8¹  მუხლი:

,,მუხლი 8¹. გარემოს  დაცვისა  და აგრარულ საკითხთა განყოფილების ფუნქციებია:

ა)მუნიციპალური გარემოს დაცვითი პროექტების(წინადადებების) დასკვენებისა და რეკომენდაციების მომზადება, მუნიციპალური გარემოს დაცვითი პროექტების განხორციელების მონიტორინგი კომპეტენციის ფარგლებში;

ბ)მუნიციპალიტეტის მიერ დაგეგმილი სოფლის მეურნეობის განვითარების პროექტების განხორციელების ხელშეწყობა;

გ)აგრარულ სექტორში საინვესტიციო პროექტების განხორციელების ხელშეწყობა და დაინტერესებული პირებისათვის შესაბამისი ინფორმაციის მიწოდება;

დ)მუნიციპალიტეტის ტერიტორიაზე არსებული სასურსათო პროდუქტების გადამამუშავებელი და შესანახი ინფასტრუქტურის, სასოფლო-სამეურნეო მანქანა-დანადგარების, მომსახურების ცენტრების და სასოფლო-სამეურნეო დანიშნულების მიწების შესახებ შესაბამისი ინფორმაციის კონსოლიდაცია და დაინტერესებული უწყებებისათვის /პირებისათვის მიწოდება;

ე) მუნიციპალური მელიორაციული პროექტების შემუშავება, მუნიციპალური პროექტების და კომპეტენციის ფარგლებში საქართველოს მთავრობისა და საერთაშორისო ორგანიზაციების მიერ მელიორაციის სფეროში დაგეგმილი პროექტების ხელშეწყობა;

ვ) მოსახლეობისათვის სასოფლო-სამეურნეო დანიშნულების მიწების მართვის და დამუშავების ხელშეწყობა კომპეტენციის ფარგლებში;

ზ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელება.“.