საჯარო სამართლის იურიდიული პირის - ვეტერანების საქმეთა სახელმწიფო სამსახურისა და სს ,,საპარტნიორო ფონდის“ მიერ გასატარებელი რიგი ღონისძიებების შესახებ

საქართველოს მთავრობის

განკარგულება №599

2015 წლის 19 მარტი

ქ. თბილისი

საჯარო სამართლის იურიდიული პირის - ვეტერანების საქმეთა სახელმწიფო სამსახურისა და  სს ,,საპარტნიორო ფონდის“ მიერ გასატარებელი რიგი ღონისძიებების შესახებ

1. „საჯარო სამართლის იურიდიული პირის - ვეტერანების საქმეთა სახელმწიფო სამსახურის დებულების დამტკიცების შესახებ“ საქართველოს მთავრობის 2014 წლის 23 იანვრის №102 დადგენილების მე-11 მუხლის პირველი პუნქტის შესაბამისად და ეკონომიკური საბჭოს 2015 წლის 20 თებერვლის რიგით მე-3 სხდომაზე მიღებული გადაწყვეტილების გათვალისწინებით, სახელმწიფოებრივი და საზოგადოებრივი მნიშვნელობის ღონისძიების ჩატარების მიზნით, საჯარო სამართლის იურიდიულმა პირმა - ვეტერანების საქმეთა სახელმწიფო სამსახურმა განახორციელოს ქ. გარდაბანში, ყოფილ სამხედრო დასახლება „პობედასა“ და მის მიმდებარე ტერიტორიაზე არსებულ 1400 ჰექტარ მიწის ნაკვეთებსა და მათზე არსებულ შენობა-ნაგებობებზე საქართველოში ვეტერანთა კოოპერატიული სასოფლო-სამეურნეო გაერთიანების შექმნის საპილოტე პროექტის ტექნიკურ-ეკონომიკური კვლევის  ჩატარების მომსახურების შესახებ ხელშეკრულების გაფორმება , Fortuna Holdings BV-სთან, 200000 (ორასი ათასი) აშშ დოლარის ფარგლებში, რომელიც არ მოიცავს საქართველოს კანონმდებლობით დადგენილ გადასახადებს.

2. „სს „საპარტნიორო ფონდის“ წესდების დამტკიცებისა და კაპიტალის ფორმირების შესახებ“ საქართველოს მთავრობის 2011 წლის 2 ივნისის №230 დადგენილებით დამტკიცებული წესდების პირველი მუხლის მე-7 პუნქტის „ბ“ ქვეპუნქტისა და მე-3 მუხლის პირველი პუნქტის შესაბამისად,  სს „საპარტნიორო ფონდმა“ უზრუნველყოს ამ განკარგულების პირველი პუნქტით გათვალისწინებული მომსახურების ღირებულების 100%-ის გადახდა საკუთარი სახსრებიდან, ამავე განკარგულების პირველი პუნქტით გათვალისწინებული მომსახურების მიმწოდებლისათვის, სსიპ - ვეტერანების საქმეთა სახელმწიფო სამსახურის მიმართვის საფუძველზე.

პრემიერ-მინისტრი                                                                     ი . ღარიბაშვილი