,,საქართველოს თავდაცვის სამინისტროს გენერალური ინსპექციის დებულების დამტკიცების შესახებ’’ საქართველოს თავდაცვის მინისტრის 2015 წლის 10 თებერვლის №3 ბრძანებაში ცვლილების შეტანის თაობაზე

1. დებულების  მე-3 მუხლის პირველი პუნქტის ,,ა’’ და ,,ბ’’ ქვეპუნქტები  ჩამოყალიბდეს შემდეგი რედაქციით:

,,ა) ოპერატიულ-სამძებრო ღონისძიებების დაგეგმვა/განხორციელება (მათ შორის, სამინისტროს სხვა ოპერატიულ-სამძებრო საქმიანობის განმახორციელებელი სტრუქტურული ერთეულების შესაძლებლობების გამოყენებით) „ოპერატიულ-სამძებრო საქმიანობის შესახებ“ საქართველოს კანონისა და საქართველოს სისხლის სამართლის საპროცესო კოდექსის საფუძველზე, ამავე კანონებით განსაზღვრული მიზნის  მიღწევის უზრუნველსაყოფად;

ბ) გენერალური ინსპექციის მიერ გამოვლენილი დანაშაულის გამოძიება საქართველოს სისხლის სამართლის საპროცესო კოდექსის საფუძველზე;’’.

2. დებულების მე-4 მუხლის მე-3 პუნქტის ,,ა’’ ქვეპუნქტი ჩამოყალიბდეს შემდეგი რედაქციით:

,,ა)  ფინანსური შემოწმების სამმართველო;’’.

3. დებულების მე-5 მუხლის მე-2 პუნქტის  ,,დ’’ ქვეპუნქტი ჩამოყალიბდეს შემდეგი რედაქციით:

,,დ) გამოსცემს ინდივიდუალურ ადმინისტრაციულ-სამართლებრივ აქტებს,  ხელს აწერს გენერალურ ინსპექციაში მომზადებულ დოკუმენტებს (გარდა კანონმდებლობით პირდაპირ გათვალისწინებული შემთხვევებისა) და ამტკიცებს დასკვნებს;’’.

4. დებულების მე-8 მუხლი ჩამოყალიბდეს შემდეგი რედაქციით:

,,მუხლი 8. საგამოძიებო ნაწილი (სამმართველო)

საგამოძიებო ნაწილი (სამმართველო) ახორციელებს გენერალური ინსპექციის მიერ გამოვლენილი დანაშაულის გამოძიებას საქართველოს სისხლის სამართლის საპროცესო კოდექსის საფუძველზე.’’.