„ქალაქ თბილისის მუნიციპალიტეტისათვის თანხის გამოყოფის შესახებ“

საქართველოს მთავრობის

განკარგულება №605

2015 წლის 20 მარტი

ქ. თბილისი

ქალაქ თბილისის მუნიციპალიტეტისათვის თანხის გამოყოფის შესახებ

1. ქალაქ თბილისის მუნიციპალიტეტში ევროპის ახალგაზრდული ოლიმპიური ფესტივალი „თბილისი 2015“-ის ორგანიზებასთან დაკავშირებული ხარჯების ნაწილობრივი დაფინანსების მიზნით, საქართველოს ფინანსთა სამინისტრომ ქალაქ თბილისის  მუნიციპალიტეტს გამოუყოს 10 000 000  (ათი მილიონი) ლარი, მათ შორის: 

ა) „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან სამშენებლო, სარემონტო/სარეკონსტრუქციო სამუშაოების, შესაბამისი აღჭურვისა და სხვა ინფრასტრუქტურული სამუშაოების დასაფინანსებლად 7 561 000 (შვიდი მილიონ ხუთას სამოცდაერთი ათასი) ლარი;

ბ) „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან ოლიმპიური ფესტივალის გახსნა-დახურვის ოფიციალური ცერემონიალის ნაწილობრივი დაფინანსებისათვის 2 439 000 (ორი მილიონ ოთხას ოცდაცხრამეტი ათასი) ლარი .

2.  „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, ქალაქ თბილისის მუნიციპალიტეტმა ამ განკარგულების პირველი პუნქტის ,,ა“ ქვეპუნქტით გათვალისწინებულ ღონისძიებებთან დაკავშირებული სახელმწიფო შესყიდვები განახორციელოს გამარტივებული შესყიდვის საშუალებით.

პრემიერ-მინისტრი                                                                 ი . ღარიბაშვილი