საქართველოს სპორტისა და ახალგაზრდობის საქმეთა სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ

საქართველოს მთავრობის

განკარგულება №527

2015 წლის 13 მარტი

 ქ. თბილისი

საქართველოსსპორტისადაახალგაზრდობისსაქმეთასამინისტროსათვისსაქართველოს რეგიონებში განსახორციელებელიპროექტების ფონდიდან თანხის გამოყოფის შესახებ

1. სახელმწიფოს 100% წილობრივი მონაწილეობით შექმნილი საწარმო შპს „სპორტმშენსერვისის“ (ს/ნ 204878542) კაპიტალის გაზრდის მიზნით, საქართველოს ფინანსთა სამინისტრომ, „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული, საქართველოს რეგიონებში განსახორციელებელი პროექტების ფონდიდან, საქართველოს სპორტისა და ახალგაზრდობის საქმეთა სამინისტროს გამოუყოს 7 000 000 (შვიდი მილიონი) ლარი, მათ შორის:

   ა) 6 684 504 (ექვსი მილიონ ექვსას ოთხმოცდაოთხი ათას ხუთას ოთხი) ლარი – 2015 წელს ქ. თბილისში გასამართი, ევროპის ახალგაზრდული ოლიმპიური ფესტივალისათვის აუცილებელი ინფრასტრუქტურის მოწყობისათვის საჭირო ხარჯების დასაფინანსებლად;

   ბ) 315 496 (სამას თხუთმეტი ათას ოთხას ოთხმოცდათექვსმეტი) ლარი – 2017 წელს საქართველოში გასამართი, ხელბურთში მსოფლიოს ახალგაზრდული ჩემპიონატისათვის შესაბამისი სტანდარტების ორი სპორტის სასახლის (ბათუმსა და თელავში) მოსაწყობად საჭირო საპროექტო სამუშაოების დასაფინანსებლად.

  2. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, ამ განკარგულების პირველი პუნქტით გათვალისწინებული 7 000 000 (შვიდი მილიონი) ლარის ფარგლებში, შპს „სპორტმშენსერვისმა“ შესაბამისი სახელმწიფო შესყიდვები განახორციელოს გამარტივებული შესყიდვის საშუალებით.

პრემიერ-მინისტრიირაკლი ღარიბაშვილი