არასამეწარმეო(არაკომერციული)იურიდიული პირისათვის-საქართველოს რაგბის კავშირისათვის უძრავი ქონების უსასყიდლო აღნაგობის უფლებით გადაცემაზე თანხმობის მიცემის შესახებ

საქართველოს მთავრობის

განკარგულება №497

2015 წლის 12 მარტი

ქ. თბილისი

არასამეწარმეო (არაკომერციული) იურიდიული პირისათვის -   საქართველოს რაგბის კავშირი სათვის  უძრავი ქონების უსასყიდლო  აღნაგობის უფლებით  გადაცემაზე თანხმობის მიცემის შესახებ 

1. ,,სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ -   სახელმწიფო ქონების ეროვნულ სააგენტოს, ა(ა)იპ - საქართველოს რაგბის კავშირს უსასყიდლო აღნაგობის უფლებით, შესაბამისი ხელშეკრულების გაფორმებიდან 25 (ოცდახუთი) წლის ვადით, გადასცეს სახელმწიფო საკუთრებაში არსებული, სენაკის მუნიციპალიტეტში, სოფელ ნოქალაქევში  მდებარე 48043 კვ.მ.   არასასოფლო-სამეურნეო დანიშნულების მიწის ნაკვეთი  (მიწის (უძრავი ქონების) საკადასტრო კოდი: №44.06.23.208 ).

2. ამ განკარგულების პირველი პუნქტით გათვალისწინებული ქონების უსასყიდლო აღნაგობის უფლების გადაცემის პირობება დ განისაზღვროს, პირადად ან/და მესამე პირის მეშვეობით, შესაბამისი ხელშეკრულების გაფორმებიდან  3 (სამი ) წლის  ვადაში:

ა) გადაცემულ ქონებაზე 3 (სამი) ბუნებრივი საფარის მქონე რაგბის მოედნის (ფართით 125 X 80 მ )  და ასევე  ტრიბუნის (არანაკლებ 500 (ხუთასი) მაყურებელზე) მოწყობა;

ბ) გადაცემულ ქონებაზე შენობა-ნაგებობის აშენება (სადაც განთავსებული იქნება  გასახდელები, ექიმის ოთახი და სველი წერტილები -  საშხაპეები, ტუალეტები); 

გ) გადაცემული ქონების  კეთილმოწყობა (გამწვანება, ავტოსადგომი, საფეხმავლო ბილიკები);

დ) ამ პუნქტის „ა“ -,,გ“ ქვეპუნქტებით გათვალისწინებული პირობების შესრულების მიზნით, არანაკლებ  300 000 (სამასი ათასი) ლარის სამუშაოების განხორციელება.

3. სსიპ - სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                       ი.  ღარიბაშვილი