„შემსყიდველი ორგანიზაციების მიერ 2015 წლის მაისის თვეში ევროპის რეკონსტრუქციისა და განვითარების ბანკის (EBRD) თბილისში გასამართი ყოველწლიური შეხვედრის ორგანიზებისათვის საჭირო საქონლის, სამშენებლო სამუშაოს და მომსახურების სახელმწიფო შესყიდვის გამარტივებული შესყიდვის საშუალებით განხორციელების შესახებ“ საქართველოს მთავრობის 2014 წლის 23 ოქტომბრის №1904 განკარგულებაში ცვლილების შეტანის თაობაზე

საქართველოს მთავრობის

განკარგულება №461

2015 წლის 12 მარტი

ქ. თბილისი

„შემსყიდველი ორგანიზაციების მიერ 2015 წლის მაისის თვეში ევროპის რეკონსტრუქციისა და განვითარების ბანკის (EBRD) თბილისში გასამართი ყოველწლიური შეხვედრის ორგანიზებისათვის საჭირო საქონლის, სამშენებლო სამუშაოს და მომსახურების სახელმწიფო შესყიდვის გამარტივებული შესყიდვის საშუალებით განხორციელების შესახებ“ საქართველოს მთავრობის 2014 წლის 23 ოქტომბრის № 1904 განკარგულებაში ცვლილების შეტანის თაობაზე

საქართველოს  ზოგადი ადმინისტრაციული კოდექსის 63-ე მუხლის შესაბამისად, „შემსყიდველი ორგანიზაციების მიერ 2015 წლის მაისის თვეში ევროპის რეკონსტრუქციისა და განვითარების ბანკის (EBRD) თბილისში გასამართი ყოველწლიური შეხვედრის ორგანიზებისათვის საჭირო საქონლის, სამშენებლო სამუშაოს და მომსახურების სახელმწიფო შესყიდვის გამარტივებული შესყიდვის საშუალებით განხორციელების შესახებ“ საქართველოს მთავრობის 2014 წლის 23 ოქტომბრის №1904 განკარგულებაში შეტანილ იქნეს ცვლილება და დაემატოს შემდეგი შინაარსის მე-3 პუნქტი:

„3. „გამარტივებული  შესყიდვის,  გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სსიპ - სახელმწიფო შესყიდვების სააგენტოს  თავმჯდომარის 2011 წლის 7 აპრილის № 9 ბრძანებით დამტკიცებული წესის მე-19 მუხლის მე-12 პუნქტის საფუძველზე, სსიპ - სახელისუფლებო სპეციალური კავშირგაბმულობის სააგენტოსთან  2015 წლის 13-15 მაისს, ევროპის რეკონსტრუქციისა და განვითარების ბანკის (EBRD),  თბილისში გასამართი ყოველწლიური შეხვედრის ჩატარების ადგილებში, საინფორმაციო ტექნოლოგიების ქსელური ინფრასტრუქტურის, საკომუნიკაციო და სატელეფონო კავშირების მოწყობის უზრუნველყოფისა და სათანადო სერვისის მიწოდების შესყიდვისათვის სსიპ - სახელისუფლებო სპეციალური კავშირგაბმულობის სააგენტოსთან  გასაფორმებელი ხელშეკრულების მიმართ დადგინდეს, ამავე ბრძანების მე–19 მუხლის მე–7 პუნქტითა და 21-ე მუხლით დადგენილისაგან განსხვავებული პირობები და აღნიშნული ორგანიზაცია გათავისუფლდეს წინასწარ გადასახდელი თანხის ოდენობის გარანტიის,  ხელშეკრულების შესრულების გარანტიისა და დაზღვევის წარდგენის ვალდებულებისაგან.“.

პრემიერ-მინისტრი                                                  ი. ღარიბაშვილი