ხაშურის მუნიციპალიტეტის ტერიტორიაზე მიმდინარე სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში ჯარიმის ოდენობის განსაზღვრის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

ხაშურის მუნიციპალიტეტის ტერიტორიაზე მიმდინარე სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში ჯარიმის ოდენობის განსაზღვრის შესახებ
დოკუმენტის ნომერი	11
დოკუმენტის მიმღები	ხაშურის მუნიციპალიტეტი
მიღების თარიღი	12/03/2015
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 17/03/2015
სარეგისტრაციო კოდი	330010040.35.143.016320

PDF გადმოწერა

ხაშურის მუნიციპალიტეტის ტერიტორიაზე მიმდინარე სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში ჯარიმის ოდენობის განსაზღვრის შესახებ

საქართველოს ორგანული კანონის ,,ადგილობრივი თვითმმართველობის კოდექსი“ მე-16 მუხლის მე-2 პუნქტის ,,ე“ ქვეპუნქტის, 61-ე მუხლის 1-ლი და მე-2 პუნქტის, საქართველოს კანონის ,,პროდუქტის უსაფრთხოებისა და თავისუფალი მიმოქცევის კოდექსი“ 46-ე მუხლის პირველი პუნქტის, საქართველოს კანონის „საქართველოს ზოგადი ადმინისტრაციული კოდექსი“ 61-ე მუხლის 1-ლი პუნქტის და საქართველოს კანონის „ნორმატიული აქტების შესახებ“ 25-ე მუხლის 1-ლი პუნქტის „ბ“ ქვეპუნქტის შესაბამისად, ხაშურის მუნიციპალიტეტის საკრებულო ადგენს:

მუხლი 1

განისაზღვროს ჯარიმის ოდენობები ხაშურის მუნიციპალიტეტის ტერიტორიაზე მიმდინარე სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში შესაბამისი ზონების მიხედვით, დანართი №1-ის (თან ერთვის 2 ფურცლად) შესაბამისად.

მუხლი 2

ამ დადგენილების ძალაში შესვლის დღიდან ძალადაკარგულად გამოცხადდეს ,,სამშენებლო სამუშაოების ან მშენებლობის ეტაპის მშენებლობის ნებართვით დადგენილ ვადაში დაუსრულებლობის შემთხვევაში ჯარიმის ოდენობის განსაზღვრის შესახებ“ ხაშურის მუნიციპალიტეტის საკრებულოს 2012 წლის 25 მაისის №22 დადგენილება (www.matsne.gov.ge, 04/06/2012; 330010040.35.143.016103).

მუხლი 3

დადგენილება ამოქმედდეს გამოქვეყნებისთანავე.

ხაშურის მუნიციპალიტეტის საკრებულოს თავმჯდომარე ვაჟა შუბითიძე

ჯარიმის ოდენობები ხაშურის მუნიციპალიტეტის ტერიტორიაზე მიმდინარე სამშენებლო სამუშაოების ან მშენებლობის ეტაპის მშენებლობის ნებართით დადგენილ ვადაში დაუსრულებლობის შემთხვევაში შესაბამისი ზონების მიხედვით

ზონა

ზონის აღწერა

ჯარიმის ოდენობა(ლარებში) ყოველ ვადაგადაცილებულ დღეზე შემოწმების აქტის შედგენის დღისთვის არსებული სამშენებლო პროექტით გათვალისწინებული ასაშენებელი შენობა-ნაგებობის საერთო ფართობის თითოეულ კვადრატულ მეტრზე

I ზონა

ხაშურის მუნიციპალიტეტის ტერიტორიაზე გამავალი საერთაშორისო მნიშვნელობის საავტომობილო გზების ( საქართველოს მთავრობის დადგენილება № 407 (18.06.2014 წ.) საერთაშორისო და შიდასახელმწიფოებრივი მნიშვნელობის საავტომობილო გზების ნუსხის დამტკიცების შესახებ) ღერძული ხაზიდან ორივე მხარეს 100 (ასმეტრიან) ზოლში

0,5 ლარი

II ზონა

ხაშურის შემავალი ცენტრალური ქუჩები:შოთა რუსთაველის, დავით აღმაშენებლის, ზაქარია ფალიაშვილის, მერაბ კოსტავას, ნიკო ლომოურის, გიორგი ჭანტურიას, ექვთიმე თაყაიშვილის, ვაჟა-ფშაველას, კარლო ტაბატაძის, თევდორე მღვდლის, გიორგი სააკაძის, გალაკტიონ ტაბიძის, აბონ ციციშვილის, თამარ მეფის, გორის, ოქტომბრის, იური გაგარინის, იაკობ გოგებაშვილის ქუჩები

დაბა სურამში შემავალი ცენტრალური ქუჩები:შოთა რუსთაველის, დავით აღმაშენებლის, მშვიდობის, ლესია-უკრაინკას, 9 აპრილის, 26 მაისის ქუჩები

0,4 ლარი

III ზონა

ხაშურის მუნიციპალიტეტის ადგილობრივი მნიშვნელობის საავტომობილო გზების ღერძული ხაზიდან ორივე მხარეს 50 (ორმოცდაათმეტრიან) ზოლში

(ხაშურის მუნიციპალიტეტის საკრებულოს დადგენილება №51 (23.12.2011წ))

0,15 ლარი და

კურორტზე 0,2 ლარი

IV ზონა

ხაშურში შემავალი ყველა ქუჩა პირველ, მე-2 და მე-3 ზონაში შემავალი ცენტრალური ქუჩების გარდა და დაბა სურამში შემავალი ყველა ქუჩა მე-2 ზონაში შემავალი ცენტრალური ქუჩების გარდა

0,2 ლარი

V ზონა

ხაშურის მუნიციპალიტეტის ტერიტორიაზე არსებული ყველა სხვა ტერიტორია, რაც მოცემული არ არის I-IV ზონებში

0,1 ლარი