ხულოს მუნიციპალიტეტში, გოდერძის უღელტეხილის მიმდებარე ტერიტორიაზე, სამთო–სათხილამურო კურორტისათვის,8-ადგილიანი გონდოლებიანი საბაგირო გზა „G01“–ისა და 6-ადგილიანი სავარძლებიანი საბაგირო გზა „G02“–ის მშენებლობის ნებართვის გამარტივებული წესით გაცემის შესახებ

საქართველოს მთავრობის

განკარგულება №353

2015 წლის 5 მარტი

ქ. თბილისი

ხულოს მუნიციპალიტეტში, გოდერძის უღელტეხილის მიმდებარე ტერიტორიაზე,  სამთო–სათხილამურო კურორტისათვის,  8-ადგილიანი გონდოლებიანი საბაგირო  გზა ,,G01“–ისა და 6-ადგილიანი სავარძლებიანი საბაგირო გზა ,,G02“–ის  მშენებლობის ნებართვის გამარტივებული წესით გაცემის შესახებ

ქვეყნისათვის განსაკუთრებული სოციალურ-ეკონომიკური მნიშვნელობიდან გამომდინარე, „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის №57 დადგენილების 39-ე მუხლის მე-5 პუნქტის შესაბამისად, საქართველოს ეკონომიკისა და მდგრადი განვითარების სამინისტროს სახელმწიფო კონტროლს დაქვემდებარებულმა საჯარო სამართლის იურიდიულმა პირმა – ტექნიკურმა და სამშენებლო ზედამხედველობის სააგენტომ, შესაბამისი სამშენებლო დოკუმენტაციისა და გამოკვლევის შედეგების საფუძველზე, გამარტივებული წესით გასცეს ხულოს მუნიციპალიტეტში, გოდერძის უღელტეხილის მიმდებარე ტერიტორიაზე,  სამთო–სათხილამურო კურორტისათვის,  8-ადგილიანი გონდოლებიანი საბაგირო გზა ,,G01“–ისა და 6-ადგილიანი სავარძლებიანი საბაგირო გზა ,,G02“–ის მშენებლობის ნებართვა.

პრემიერ–მინისტრი                               ი . ღარიბაშვილი