,,აჭარის ავტონომიური რესპუბლიკის სოფლის მეურნეობის სამინისტროს საჯარო მოხელეთა დამატებითი საკვალიფიკაციო მოთხოვნების დამტკიცების შესახებ“ აჭარის ავტონომიური რესპუბლიკის სოფლის მეურნეობის მინისტრის 2013 წლის 15 ივლისის №125 ბრძანებაში ცვლილების შეტანის თაობაზე

,,აჭარის ავტონომიური რესპუბლიკის ნორმატიული აქტების შესახებ” აჭარის ავტონომიური რესპუბლიკის კანონის 26-ე მუხლის პირველი პუნქტის შესაბამისად,   ვბრძანებ:

,,აჭარის ავტონომიური რესპუბლიკის სოფლის მეურნეობის სამინისტროს საჯარო მოხელეთა დამატებითი საკვალიფიკაციო მოთხოვნების დამტკიცების შესახებ“ აჭარის ავტონომიური რესპუბლიკის სოფლის მეურნეობის მინისტრის 2013 წლის  15 ივლისის №125 ბრძანებით (საკანონმდებლო მაცნეს ვებგვერდი, 17/07/2013  სარეგისტრაციო კოდი 010320000.33.058.016044) დამტკიცებულ აჭარის ავტონომიური რესპუბლიკის სოფლის მეურნეობის სამინისტროს საჯარო მოხელეთა დამატებით საკვალიფიკაციო მოთხოვნებში შეტანილ იქნეს შემდეგი ცვლილება და  დამატება:

 

1.  ამოღებულ იქნეს მე-2 თავის მე-14 და მე-15 მუხლები;

 

2. VI თავს დაემატოს შემდეგი შინაარსის  48-ე და 49-ე მუხლები:

 

,,მუხლი 48

საინფორმაციო-საკონსულტაციო დეპარტამენტის რეგიონალური განვითარების ანალიტიკის განყოფილების უფროსის თანამდებობაზე განისაზღვროს შემდეგი საკვალიფიკაციო მოთხოვნები:

1. უმაღლესი განათლება;

2. მუშაობის არანაკლებ 2 წლის სტაჟი;

3. ძირითადი საოფისე კომპიუტერული პროგრამების (MS office Word, Excel) და Internet-ის სამომხმარებლო დონეზე ცოდნა.

4. შემდეგი სამართლებრივი აქტების ცოდნა:

ა) საქართველოს კონსტიტუცია;

ბ) აჭარის ავტონომიური რესპუბლიკის კონსტიტუცია;

გ) ,,საჯარო სამსახურის შესახებ” საქართველოს კანონი;

დ) საქართველოს საგადასახადო კოდექსის XI, XIII, XX, XXIX თავები;

ე) „მეწარმეთა შესახებ” საქართველოს კანონი;

ვ)  ,,სასოფლო-სამეურნეო კოოპერატივის შესახებ“ საქართველოს კანონი;

ზ) აჭარის ავტონომიური რესპუბლიკის მთავრობის 2007 წლის 3 აპრილის №32 დადგენილებით დამტკიცებული ,,აჭარის ავტონომიური რესპუბლიკის სოფლის მეურნეობის სამინისტროს დებულება’’.

5. შემდეგი თემატიკის ცოდნა:

სასოფლო-სამეურნეო წარმოების ეკონომიკა (პროდუქციის თვითღირებულების კალკულაცია და წარმოების დანახარჯები);  ბიზნეს პროექტის შედგენის ძირითადი პრინციპები; ინდიკატორული გეგმის (პროგნოზის) შემუშავება.

 

მუხლი 49

საინფორმაციო-საკონსულტაციო დეპარტამენტის რეგიონალური განვითარების ანალიტიკის განყოფილების მთავარი სპეციალისტის თანამდებობაზე განისაზღვროს შემდეგი საკვალიფიკაციო მოთხოვნები:

1. უმაღლესი ეკონომიკური განათლება (აგრარულ სფეროში);

2. ძირითადი საოფისე კომპიუტერული პროგრამების (MS office Word, Excel) და Internet-ის სამომხმარებლო დონეზე ცოდნა.

3. შემდეგი სამართლებრივი აქტების ცოდნა:

ა) საქართველოს კონსტიტუცია;

ბ) აჭარის ავტონომიური რესპუბლიკის კონსტიტუცია;

გ) ,,საჯარო სამსახურის შესახებ” საქართველოს კანონი;

დ) საქართველოს საგადასახადო კოდექსის XI, XIII, XX, XXIX თავები;

ე) „მეწარმეთა შესახებ” საქართველოს კანონი;

ვ) აჭარის ავტონომიური რესპუბლიკის მთავრობის 2007 წლის 3 აპრილის №32 დადგენილებით დამტკიცებული   ,,აჭარის ავტონომიური რესპუბლიკის სოფლის მეურნეობის სამინისტროს დებულება“.

4. შემდეგი თემატიკის ცოდნა:

სასოფლო-სამეურნეო წარმოების ეკონომიკა (პროდუქციის თვითღირებულების კალკულაცია და წარმოების დანახარჯები);  ბიზნეს პროექტის შედგენის ძირითადი პრინციპები; ინდიკატორული გეგმის (პროგნოზის) შემუშავება.“.

 

ეს ბრძანება ამოქმედდეს გამოქვეყნებისთანავე.