„საქართველოს ცენტრალური საარჩევნო კომისიის რეგლამენტის დამტკიცების თაობაზე” საქართველოს ცენტრალური საარჩევნო კომისიის 2012 წლის 3 თებერვლის №1/2012 დადგენილებაში ცვლილებების შეტანის შესახებ

1. მე-8 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. ცენტრალური საარჩევნო კომისიის აპარატში იქმნება და ფუნქციონირებს შემდეგი სტრუქტურული ერთეულები:

ა) საორგანიზაციო დეპარტამენტი:

ა.ა) საარჩევნო კომისიებთან ურთიერთობისა და კოორდინაციის განყოფილება;

ა.ბ) საარჩევნო ინფორმაციის მართვის განყოფილება.

ბ) იურიდიული დეპარტამენტი:

ბ.ა) სამართლებლივი უზრუნველყოფის განყოფილება;

ბ.ბ) სასამართლოებთან ურთიერთობის და საარჩევნო დავების განყოფილება.

გ) ადმინისტრაციული დეპარტამენტი:

გ.ა) საქმისწარმოებისა და რეგისტრაციების განყოფილება;

გ.ბ) ადამიანური რესურსების მართვისა და განვითარების განყოფილება.

დ) საზოგადოებასთან ურთიერთობის დეპარტამენტი:

დ.ა) საზოგადოებასთან ურთიერთობის განყოფილება;

დ.ბ) საერთაშორისო ურთიერთობების განყოფილება.

ე) საფინანსო დეპარტამენტი:

ე.ა) საფინანსო და მატერიალური რესურსების მართვის განყოფილება;

ე.ბ) ბიუჯეტის მართვისა და სახელმწიფო შესყიდვების განყოფილება.

ვ) საინფორმაციო ტექნოლოგიების დეპარტამენტი:

ვ.ა) პროგრამული უზრუნველყოფისა და სტატისტიკური მონაცემების დამუშავების განყოფილება;

ვ.ბ) კორპორატიული ქსელებისა და კომპიუტერული უსაფრთხოების განყოფილება;

ვ.გ) მონაცემთა ბაზების მართვის განყოფილება.

ზ) კოორდინაციის, დაგეგმვისა და ანგარიშგების დეპარტამენტი.

2. ცესკოს აპარატის მოხელეთა თანამდებობებია: 

ა) დეპარტამენტის უფროსი;

ბ) ინფორმაციული უსაფრთხოების მენეჯერი;

გ) განყოფილების უფროსი;

დ) თავმჯდომარის მრჩეველი;

ე) სპეციალისტი (I, II, III კატეგორია);

ვ) ცესკოს ხელმძღვანელი პირების თანაშემწე.”.

2. მე-10 მუხლი ჩამოყალიბდეს შემდეგი რედაქციით:

„მუხლი 10. კოორდინაციის, დაგეგმვისა და ანგარიშგების დეპარტამენტი

ფუნქციების შესასრულებლად დეპარტამენტი უზრუნველყოფს:

1. საარჩევნო ადმინისტრაციის სხვადასხვა სტრუქტურული ერთეულების პერიოდულ ანგარიშგების მომზადების კოორდინაციას, მათ კონსოლიდაციასა და საჭიროებისამებრ ცესკოსათვის განსახილველად წარდგენას.

2. იმ პროექტების კოორდინაციას, რომელთა განხორციელებაში ჩართულია საარჩევნო ადმინისტრაციის სხვადასხვა სტრუქტურული ერთეულები.

3. პროექტების მართვას ან/და კოორდინაციას, რომლებსაც საარჩევნო ადმინისტრაცია ახორციელებს სხვა სახელმწიფო უწყებებთან ან დაინტერესებულ მხარეებთან ერთად.

4. პროექტების ინიცირებასა და მომზადებას, პროექტების განსახორციელებლად საჭირო რესურსების (ადამიანური, მატერიალურ-ტექნიკური) დაგეგმვასა და განაწილებას. პროექტების განხორციელებასთან დაკავშირებული სხვა ადმინისტრაციული ღონისძიებების ჩატარებას.

5. საჯარო სამართლის იურიდიული პირის – საარჩევნო სისტემების განვითარების, რეფორმებისა და სწავლების ცენტრის მიერ ჩატარებული სწავლების მონიტორინგის პროცესის ორგანიზებასა და კოორდინაციას.

6. საარჩევნო ადმინისტრაციის საქმიანობის დაგეგმვას (სტრატეგიული და სამოქმედო გეგმების შემუშავება).

7. საარჩევნო ადმინისტრაციის მიერ განხორციელებული საქმიანობის შეფასებასა და ანალიზს.

8. საარჩევნო ადმინისტრაციის გენდერული თანასწორობის საკითხებზე სამოქმედო გეგმის შესრულებას, ამავე საკითხებზე მომუშავე საარჩევნო ადმინისტრაციის გენდერული თანასწორობის კომისიის მუშაობის ორგანიზებას.

9. შეზღუდული შესაძლებლობების მქონე პირთა, ახალგაზრდებისა და სხვა კატეგორიის მოწყვლადი ჯგუფების წარმომადგენელთა შესაძლებლობების გაზრდას საარჩევნო პროცესში, კოორდინაციას უწვეს ამ მიმართულებით საარჩევნო ადმინისტრაციის საქმიანობის დაგეგმვასა და შესრულებას.

10. ეთნიკური უმცირესობების ჯგუფებთან მუშაობას და ახორციელებს ამ ჯგუფთა საარჩევნო კანონმდებლობით მინიჭებული უფლებების რეალიზების პროცესის ხელშეწყობას და კოორდინაციას უწევს ამ მიმართულებით საარჩევნო ადმინისტრაციის საქმიანობის დაგეგმვასა და შესრულებას.

11. ასრულებს კანონით გათვალისწინებულ სხვა მოვალეობებს.”.

3. მე-11 მუხლის მე-10 და მე-11 პუნქტები ჩამოყალიბდეს შემდეგი რედაქციით:

„10. საფინანსო დეპარტამენტთან ერთად ადგენს არჩევნების მოსამზადებლად და ჩასატარებლად საჭირო დაფინანსების გეგმას.

11. ადგენს და საფინანსო დეპარტამენტს გადასცემს ინფორმაციას არჩევნების ჩასატარებლად საჭირო ინვენტარისა და სხვადასხვა საარჩევნო დოკუმენტაციის რაოდენობის შესახებ.”.

4. მე-13 მუხლი ჩამოყალიბდეს შემდეგი რედაქციით:

„მუხლი 13. ადმინისტრაციული დეპარტამენტი

ფუნქციების შესასრულებლად დეპარტამენტი მასში შემავალი განყოფილებების მეშვეობით უზრუნველყოფს:

1. ცენტრალურ საარჩევნო კომისიის სტრუქტურულ ერთეულებში საქმისწარმოების ერთიანი სისტემის ორგანიზებას.
2. შემოსული და გასული ყველა სახის კორესპონდენციის მიღებასა და რეგისტრაციას, სისტემატიზაციასა და დროულად მიწოდებას სხვა სტრუქტურული ერთეულებისათვის.
3. ცესკოს მიერ მიღებული დადგენილებების გადაცემას სსიპ „საქართველოს საკანონმდებლო მაცნე”-სათვის, მის ვებგვერდზე (www.matsne.gov.ge) გამოქვეყნების მიზნით.
4. დოკუმენტაციის გაგზავნას ფოსტით და კურიერის მეშვეობით.
5. საარქივო მასალების დამუშავებასა და შენახვას.
6. ცესკოსა და ცესკოს სამუშაო ჯგუფების სხდომის ოქმების შედგენას.
7. საარჩევნო სუბიექტების რეგისტრაციაში გასატარებლად მასალების მომზადებასა და შენახვას.
8. კანდიდატთა და არჩეულ პირთა რეგისტრაციის შემოწმებას.
9. საარჩევნო სუბიექტების მხარდამჭერთა სიების შემოწმებას.
10. საინფორმაციო ტექნოლოგიების დეპარტამენტისათვის შესაბამისი ინფორმაციის კომპიუტერული დამუშავებისათვის გადაცემას.
11. თავისი კომპეტენციის ფარგლებში ცესკოს სხდომებზე განსახილველი დადგენილებების ან/და განკარგულებების პროექტების მომზადებას.
12. მასალების ცესკოს სხდომებისათვის გამრავლებას.
13. ცესკოს მიერ დადებული ხელშეკრულებების რეგისტრაციასა და არქივში შენახვას.
14. ცესკოში შემოსული საქართველოს მთავრობის აქტების კრებულის, აგრეთვე, ჟურნალებისა და ბროშურების აღრიცხვასა და შენახვას.
15. გერბიანი ბლანკებისა და ბეჭდების დამზადების, გამოყენებისა და შენახვის კონტროლს, აღრიცხვას, განადგურებას და შენახვას სათანადოდ ჩაკეტილ და დაცულ ადგილას, „იმ ბლანკების, ბეჭდებისა და სხვა საშუალებების დამზადების, გამოყენების, შენახვისა და განადგურების წესების განსაზღვრის შესახებ, რომლებზედაც საქართველოს სახელმწიფო გერბია გამოსახული” საქართველოს პარლამენტის 2014 წლის 30 ნოემბრის №2858-Iს დადგენილებით განსაზღვრული წესის შესაბამისად.
16. გერბიანი ბლანკების აღრიცხვისათვის სააღრიცხვო-სარეგისტრაციო ფორმის (ბარათი, ჟურნალი) შემუშავებას და ფორმების დაწესებულების საქმეთა ნომენკლატურაში შეტანას.
17. „ნარკოტიკული დანაშაულის წინააღმდეგ ბრძოლის შესახებ” საქართველოს კანონის საფუძველზე ამომრჩევლისათვის პასიური საარჩევნო და საჯარო ხელისუფლების ორგანოებში საქმიანობის უფლებების ჩამორთმევის შესახებ ცესკოში შემოსული სასამართლოს განაჩენების აღრიცხვა-დამუშავებას.
18. რეკომენდაციების შემუშავებას ცესკოს საკადრო პოლიტიკის ძირითადი მიმართულებების შესახებ და წარუდგენს ცესკოს განსახილველად.
19. საარჩევნო ადმინისტრაციის მოხელეთა ტრენინგების თანამედროვე სისტემების შექმნის მეთოდოლოგიურ-კონცეპტუალური მიდგომების პრინციპებისა და სტრატეგიის შემუშავებას.
20. „პერსონალურ მონაცემთა დაცვის შესახებ” საქართველოს კანონის მოთხოვნების შესრულებასა და დაცვას თავისი კომპეტენციის ფარგლებში.
21. ცესკოს თავმჯდომარის ბრძანების პროექტების მომზადებას საარჩევნო ადმინისტრაციის მოხელეთა დანიშვნის, განთავისუფლების, შვებულებების, პრემირების, აპარატის მოხელეთა დაჯილდოების, წახალისებისა და სხვა საკადრო საკითხებთან დაკავშირებით.
22. საარჩევნო ადმინისტრაციის ეთიკის კოდექსის შემუშავებას.
23. ცესკოს განკარგულების პროექტების მომზადებას საოლქო საარჩევნო კომისიის წევრთა არჩევისა და უფლებამოსილების შეწყვეტის შესახებ.
24. ცესკოს წევრთა, აპარატის თანამშრომელთა და საოლქო საარჩევნო კომისიის წევრთა საკადრო აღრიცხვას, პირადი საქმეებისა და სააღრიცხვო ბარათების წარმოებასა და შენახვას. 
25. აპარატის მოხელეთა თანამდებობრივი ინსტრუქციებისა და სტრუქტურული ერთეულების დებულებების შემუშავებისა და დამტკიცების ორგანიზებას.
26. აპარატის თანამშრომელთა სამსახურში გამოცხადების ელექტრონული აღრიცხვიანობის წარმოებას და ყოველი თვის ბოლოს ცესკოს თავმჯდომარისათვის ინფორმაციის წარდგენას აპარატის თანამშრომელთა სამსახურში გამოცხადების შესახებ, შესაბამისი რეაგირებისათვის.
27. აპარატის თანამშრომელთა სამსახურში მიღების, გადაადგილებისა და მათი გათავისუფლების ტექნიკურ უზრუნველყოფას.
28. საკადრო საკითხებთან დაკავშირებული დოკუმენტაციის წარმოებასა და შენახვას.
29. აპარატის თანამშრომელთა და საოლქო საარჩევნო კომისიის წევრთა შესარჩევი კონკურსის ჩატარებას და ამ საკითხებზე ცესკოს შესაბამისი დადგენილების პროექტის მომზადებას.
30. შტატგარეშე და დამხმარე მოსამსახურეთა შრომითი და აპარატის სტაჟიორთა ხელშეკრულებების გაფორმებას.
31. საარჩევნო ადმინისტრაციის მოხელეთა სახელფასო ცნობების დამზადებას.
32. ცესკოს წევრების, აპარატის თანამშრომელთა და ქვემდგომი საარჩევნო კომისიის წევრთა სამსახურეობრივი მოწმობების დამზადებას.
33. იმ საარჩევნო კომისიის წევრთა შესახებ მონაცემთა ბაზის წარმოებას, რომელთა მიერ საქართველოს საარჩევნო კანონმდებლობის დარღვევა დაადასტურა სასამართლომ; რომლებიც საქართველოს საარჩევნო კანონმდებლობის დარღვევისათვის საარჩევნო კომისიამ ან სასამართლომ გაათავისუფლა საქართველოს საარჩევნო ადმინისტრაციაში დაკავებული თანამდებობიდან; რომელთაც შეეფარდათ დისციპლინური პასუხისმგებლობის ზომა მათ მიერ სამსახურებრივი მოვალეობის ბრალეულად შეუსრულებლობისთვის ან არაჯეროვნად შესრულებისთვის.
34. საარჩევნო კოდექსითა და ამ რეგლამენტით ცესკოს მდივნისათვის განკუთვნილი უფლებამოსილებების შესრულებისათვის საჭირო დოკუმენტაციის მომზადებას, კერძოდ, საარჩევნო კომისიებში საარჩევნო სუბიექტებისა და ადგილობრივი სადამკვირვებლო ორგანიზაციების წარმომადგენლების რეგისტრაციისა და სააკრედიტაციო დოკუმენტაციის მომზადებას.
35. ასრულებს კანონით გათვალისწინებულ სხვა მოვალეობებს.”

5.  მე-15 მუხლი ჩამოყალიბდეს შემდეგი რედაქციით:

„მუხლი 15. საფინანსო დეპარტამენტი

ფუნქციების შესასრულებლად დეპარტამენტი უზრუნველყოფს:

1. პროგრამული ბიუჯეტ(ებ)ის შემუშავებას (პროგრამა, ქვეპროგრამა, ღონისძიება).
2. საარჩევნო ადმინისტრაციის ბიუჯეტის პროექტის (საბიუჯეტო განაცხადის) შემუშავებას.
3. საარჩევნო ადმინისტრაციის ფინანსური საქმიანობის კოორდინაციას.
4. ბიუჯეტის მართვას, ბიუჯეტში ცვლილებების განხორციელებას, ბიუჯეტის შესრულების კონტროლს, ბიუჯეტის შესრულების წლიური და კვარტალური ანგარიშების შედგენას.
5. საოლქო საარჩევნო კომისიის არჩევნებთან/რეფერენდუმთან დაკავშირებული ხარჯების ანგარიშის ფორმის პროექტის მომზადებას.
6. წლიურ საბიუჯეტო კანონზე დაყრდნობით ხარჯების კვარტალურ განწერას.
7. სახელმწიფო შესყიდვების წლიური გეგმის მომზადებას.
8. საარჩევნო ადმინისტრაციის საქმიანობის – პროგრამების, ქვეპროგრამების, ღონისძიებების – ანალიზი შეფასების კრიტერიუმების (ინდიკატორების) მიხედვით კოორდინაციას.
9. ამ რეგლამენტით დადგენილი უფლებამოსილებების ფარგლებში განსაზღვრულ ფინანსურ საკითხებთან დაკავშირებული დადგენილებებისა და განკარგულებების პროექტების მომზადებას.
10.  წლიური შესყიდვების გეგმის შედგენას მოსალოდნელი მოთხოვნილების გეგმის საფუძველზე: წლიური გეგმის შეჯერებას, დამტკიცებასა და კორექტირების მოხდენას.
11.  სახელმწიფო შესყიდვებს, შესყიდვებთან დაკავშირებით გაფორმებულ ხელშეკრულებებზე მონიტორინგს.
12.  სახელმწიფო შესყიდვაზე ანგარიშების შედგენას კანონმდებლობით დადგენილი წესით.
13.  ბუღალტრული ოპერაციების დოკუმენტურ გაფორმებასა და მათ ასახვას საბუღალტრო რეგისტრში.
14.  ქონებისა და სამეურნეო ოპერაციების შეფასებას.
15.  ქონების, მოთხოვნებისა და ვალდებულებების ინვეტარიზაციას.
16.  ბუღალტრული აღრიცხვის ორგანიზებასა და ანგარიშგებას, საარჩევნო კომისიის ბალანსის შედგენას.
17.  ცესკოს ადმინისტრაციის შენობის ინფრასტრუქტურის გამართულ ფუნქციონირებას, ტექნიკური და სამეურნეო საქმიანობის ზედამხედველობას.
18.  ცესკოს საქმიანობის სათანადო მატერიალურ-ტექნიკური პირობების ორგანიზებას.
19.  ცესკოს ტექნიკური ბაზის, სატრანსპორტო საშუალებების ექსპლუატაციის ორგანიზებასა და საამისოდ აუცილებელი საშუალებებით განხორციელებას.
20.  ასრულებს კანონით გათვალისწინებულ სხვა მოვალეობებს.”.

6. დაემატოს 16¹ მუხლი შემდეგი რედაქციით:

„მუხლი 16¹. ინფორმაციული უსაფრთხოების მენეჯერი და სპეციალისტი

1. ინფორმაციული უსაფრთხოების მენეჯერისა და სპეციალისტის უფლებამოსილებები განისაზღვრება „ინფორმაციული უსაფრთხოების შესახებ” საქართველოს კანონით, ამ რეგლამენტითა და სხვა საკანონმდებლო აქტების შესაბამისად.
2. ინფორმაციული უსაფრთხოების მენეჯერი ექვემდებარება უშუალოდ ცესკოს თავმჯდომარეს, სპეციალისტი კი მენეჯერსა და ცესკოს თავმჯდომარეს.
3. ინფორმაციული უსაფრთხოების მენეჯერისა და სპეციალისტის უფლებამოსილებები მტკიცდება ცესკოს განკარგულებით”.