,,აჟარის (ზემო აფხაზეთის) მუნიციპალიტეტის 2015 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ აჟარის (ზემო აფხაზეთის) მუნიციპალიტეტის საკრებულოს 2014 წლის 30 დეკემბრის №29 დადგენილებაში ცვლილებების შეტანის თაობაზე

         1. დადგენილებით დამტკიცებული წესის მე-13 მუხლი ჩამოყალიბდეს შემდეგი რედაქციით:

       „მუხლი 13. ომში დაღუპულ და უგზო-უკვლოდ დაკარგულ პირთა ოჯახების დახმარება

 1. ერთჯერად (200 ლარის ოდენობით) აჟარის (ზემო აფხაზეთის) მუნიციპალიტეტის  ბიუჯეტიდან გაეწევა სოციალური დახმარება იძულებით გადაადგილებულ ომში დაღუპულ და უგზო-უკვლოდ დაკარგულ პირთა ოჯახებს, რომლებიც რეგისტრირებულნი არიან აჟარის (ზემო აფხაზეთის) მუნიციპალიტეტში.

        2. მუნიციპალიტეტში წარსადგენი დოკუმენტებია:

       ა) ომში დაღუპული ან უგზო-უკვლოდ დაკარგული პირის ოჯახის სრულწლოვანი წევრის განცხადება მუნიციპალიტეტის გამგებლის სახელზე;

       ბ) უგზო-უკვლოდ დაკარგულად მიჩნევის დამადასტურებელი ცნობა ან სხვა დოკუმენტი;

       გ) პირადობის მოწმობის ასლი;

       დ) გარდაცვალების მოწმობის ასლი;

       ე) დევნილის მოწმობის ასლი;

       ვ) ბანკში გახსნილი პირადი ანგარიშის მონაცემები.

       3. ანაზღაურება მოხდება უნაღდო ანგარიშსწორების ფორმით ბანკში გახსნილ პირად ანგარიშზე“.

        2. დადგენილებით დამტკიცებული წესის მე-20 მუხლის პირველი პუნქტი ჩამოყალიბდეს შემდეგი რედაქციით:

       ,,1. აჟარის (ზემო აფხაზეთის) მუნიციპალიტეტის ბიუჯეტიდან ერთჯერადად ანაზღაურდება იძულებით გადაადგილებული პირების, რომლებიც რეგისტრირებულნი არიან აჟარის (ზემო აფხაზეთის) მუნიციპალიტეტში, ოპერაციების თანადაფინანსების ხარჯები, თუ მათ ისარგებლეს კერძო სადაზღვევო კომპანიის ან/და სახელმწიფო ჯანდაცვის პროგრამებით და მიიღეს ნაწილობრივი დაფინანსება.