„სახელმწიფო ქონების პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 23 მარტის №23/03/07 განკარგულებით განსაზღვრულისგან განსხვავებული საპრივატიზებო პირობების დადგენისა და შპს „დემეს“ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №315

2015 წლის 23 თებერვალი

ქ. თბილისი

 „სახელმწიფო ქონების პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 23 მარტის №23/03/07 განკარგულებით განსაზღვრულისგან განსხვავებული საპრივატიზებო პირობების დადგენისა და შპს „დემეს“ საქმიანობის ხელშესაწყობად რიგ ღონისძიებათა განხორციელების შესახებ

     1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტისა და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037-Iს საქართველოს კანონის მე-2 მუხლის პირველი პუნქტის შესაბამისად, გაუქმდეს „სახელმწიფო ქონების პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2012 წლის 23 მარტის №23/03/07 განკარგულების დანართით შპს „დემესთვის“ (ს/კ: 448385827) განსაზღვრული დამატებითი საპრივატიზებო პირობა.

     2. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შპს „დემე“ გათავისუფლდეს საქართველოს ეკონომიკისა და მდგრადი განვითარების სამინისტროს (უფლებამონაცვლე - სსიპ - სახელმწიფო ქონების ეროვნული სააგენტო) და შპს „დემეს“ შორის 2012 წლის 28 მარტს დადებული ნასყიდობის ხელშეკრულების 5.2.2 და 5.2.3 პუნქტების საფუძველზე დაკისრებული/დასაკისრებელი პირგასამტეხლოსგან.

     3. „სახელმწიფო ქონების შესახებ“ საქართველოს კანონის 49¹ მუხლის მეორე პუნქტის საფუძველზე, შპს „დემემ“ უზრუნველყოს 5 000 (ხუთი ათასი) ლარის გადახდა სახელმწიფო ბიუჯეტის სასარგებლოდ, ამ განკარგულების გამოცემიდან 30 (ოცდაათი) კალენდარული დღის ვადაში.

     4. ამ განკარგულების პირველი და მე-2 პუნქტები ამოქმედდეს იმ შემთხვევაში, თუ  შპს „დემე“ უზრუნველყოფს ამ განკარგულების მე-3 პუნქტით გათვალისწინებული ვალდებულების შესრულებას.

     5. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                                    ირაკლი ღარიბაშვილი