„საჯარო სამართლის იურიდიული პირის - საქართველოს საერთაშორისო ხელშეკრულებათა თარგმნის ბიუროს მიერ გაწეული მომსახურების სახეების, ვადების, ამ მომსახურებისათვის დაწესებული საფასურის ოდენობისა და გადახდის წესის დამტკიცების თაობაზე” საქართველოს საგარეო საქმეთა მინისტრის 2012 წლის 10 ივლისის №155 ბრძანებაში ცვლილების შეტანის შესახებ

1. მე-2 მუხლის პირველი პუნქტის ,,გ“ ქვეპუნქტი ჩამოყალიბდეს შემდეგი რედაქციით:

,,გ) დოკუმენტის უცხოენოვანი/აფხაზურენოვანი/ქართულენოვანი ტექსტის რედაქტირებას;“.

2. მე-2 მუხლის პირველი პუნქტის ,,დ“ ქვეპუნქტის შემდეგ დაემატოს ,,დ¹“ ქვეპუნქტი შემდეგი რედაქციით:

,,დ¹) სინქრონული აპარატურით მომსახურება;“.

3. მე-2 მუხლის მე-2 პუნქტი ჩამოყალიბდეს შემდეგი რედაქციით:

,,2. ამ ბრძანების დანართით განისაზღვრება:

ინგლისურ, გერმანულ, ფრანგულ, რუსულ, ესპანურ, იტალიურ, აგრეთვე აფხაზურ ენებთან დაკავშირებით ამ მუხლის პირველი პუნქტის „ა“-„გ“ ქვეპუნქტებით გათვალისწინებული მომსახურებების ვადები და საფასურის ოდენობა;“.

4. მე-2 მუხლის მე-3 პუნქტის შემდეგ დაემატოს 3¹ და 3² პუნქტები შემდეგი რედაქციით:

,,3¹. ყველა უცხო ენაზე ამ მუხლის პირველი პუნქტის „დ“ ქვეპუნქტით გათვალისწინებული მომსახურების საფასურის ოდენობა განისაზღვრება ხელშეკრულებით, 1 საათში გაწეული მომსახურებისათვის 300 ლარამდე ოდენობით.

3². ამ მუხლის პირველი პუნქტის ,,დ¹“ ქვეპუნქტით გათვალისწინებული მომსახურების საფასურის ოდენობა განისაზღვრება ხელშეკრულებით.“.

5. მე-5 მუხლს დაემატოს მე-4 პუნქტი შემდეგი რედაქციით:

,,4. ბიუროს  მომსახურებისათვის საფასურის ოდენობა განისაზღვრება დღგ-ის გარეშე.“.

6. ბრძანებით დამტკიცებული დანართი ჩამოყალიბდეს თანდართული სახით.

* ქართული ენიდან უცხო/აფხაზურ ენაზე თარგმნის/რედაქტირებისას დოკუმენტის მოცულობის განსაზღვრის წესი და მომსახურების საფასური იდენტურია იმ შემთხვევისა, როდესაც თარგმნა/რედაქტირება ხორციელდება უცხო/აფხაზური ენიდან ქართულ ენაზე.