ქალაქ გორის მუნიციპალიტეტის საკრებულოს 2015 წლის 05 იანვრის N5 დადგენილებაში „ქალაქ გორის მუნიციპალიტეტის 2015 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ცვლილებების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

ქალაქ გორის მუნიციპალიტეტის საკრებულოს 2015 წლის 05 იანვრის N5 დადგენილებაში „ქალაქ გორის მუნიციპალიტეტის 2015 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ცვლილებების შეტანის თაობაზე
დოკუმენტის ნომერი	20
დოკუმენტის მიმღები	ქალაქ გორის მუნიციპალიტეტი
მიღების თარიღი	27/02/2015
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 05/03/2015
სარეგისტრაციო კოდი	190040000.35.174.016062

PDF გადმოწერა

ქალაქ გორის მუნიციპალიტეტის საკრებულოს 2015 წლის 05 იანვრის N5 დადგენილებაში „ქალაქ გორის მუნიციპალიტეტის 2015 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ცვლილებების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის 1-ლი და მე-2 პუნქტის, საქართველოს კანონის „საქართველოს ზოგადი ადმინისტრაციული კოდექსი“ 63-ე მუხლის და საქართველოს კანონის „ნორმატიული აქტების შესახებ“ მე-20 მუხლის მე-4 პუნქტის შესაბამისად, ქალაქ გორის მუნიციპალიტეტის საკრებულო ადგენს:

მუხლი 1

„ქალაქ გორის მუნიციპალიტეტის 2015 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ქალაქ გორის მუნიციპალიტეტის საკრებულოს 2015 წლის 5 იანვრის №5 დადგენილებაში (www.matsne.gov.ge 09/01/2015, 190040000.35.174.016046) შეტანილ იქნას შემდეგი ცვლილება:

ა) დადგენილებით დამტკიცებული წესის მე-15 მუხლის 1-ლი პუნქტი ჩამოყალიბდეს შემდეგი რედაქციით:

„1. ამ მუხლით დახმარება გაეწევათ სიღარიბის ზღვარს მიღმა/ზღვარზე მყოფ (0-დან 70000 ქულის მქონე) პირებს (ბენეფიციარებს) გადაუდებელი საჭიროების დაკმაყოფილების მიზნით, საქონლის გადაცემის ფორმით ან ფულადი დახმარებით არაუმეტეს 100 (ასი) ლარის ოდენობით.“;

ბ) დადგენილებით დამტკიცებული წესის მე-15 მუხლის მე-2 პუნქტი ჩამოყალიბდეს შემდეგი რედაქციით:

„2. ბენეფიციარებს პირველადი დახმარება გაეწევა შემდეგ პირველად საჭიროებაზე: საკვები; პირადი მომსახურების ნივთები; ჰიგიენის საშუალებები ან ფულადი დახმარება არაუმეტეს 100 (ასი) ლარის ოდენობით.“;

გ) დადგენილებით დამტკიცებული წესის მე-15 მუხლის მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) კრიზისულ მდგომარეობაში მყოფი არასაპენსიო ასაკის მქონე ბენეფიციარები.“ ;

დ) დადგენილებით დამტკიცებული წესის მე-15 მუხლის მე-4 პუნქტს დაემატოს შემდეგი შინაარსის „ე“ ქვეპუნქტი:

„ე) მე-15-ე მუხლის მე-3 პუნქტის „ა“ ქვეპუნქტით სარგებლობის შემთხვევაში, ინფორმაცია მერის წარმომადგენლისგან ბენეფიციარის ოჯახის სოციალური მდგომარეობის შესახებ.“;

ე) დადგენილებით დამტკიცებული წესის მე-15 მუხლის მე-4 პუნქტს დაემატოს შემდეგი შინაარსის „ვ“ ქვეპუნქტი:

„ვ) თანხით დახმარების შემთხვევაში ანაზღაურება მოხდება უნაღდო ანგარიშსწორების ფორმით, ბანკში გახსნილ პირად ანგარიშზე.“;

ვ) დადგენილებით დამტკიცებული წესის მე-16 მუხლის 1-ლი პუნქტი ჩამოყალიბდეს შემდეგი რედაქციით:

„1. გადაუდებელი საჭიროების დაკმაყოფილების მიზნით, ბენეფიციარებს ამ მუხლით დახმარება გაეწევათ საქონლის გადაცემის ფორმით, ან თანხობრივად - არაუმეტეს 100 (ასი) ლარის ოდენობით.“;

ზ) დადგენილებით დამტკიცებული წესის მე-16 მუხლის მე-2 პუნქტი ჩამოყალიბდეს შემდეგი რედაქციით:

„2. ბენეფიციარებს პირველადი დახმარება გაეწევა შემდეგ პირველად საჭიროებაზე: საკვები; პირადი მომსახურეობის ნივთები; ჰიგიენის საშუალებები ან ფულადი დახმარება არაუმეტეს 100 (ასი) ლარის ოდენობით.“;

თ) დადგენილებით დამტკიცებული წესის მე-16 მუხლის მე-2 პუნქტს დაემატოს შემდეგი შინაარსის „ე“ ქვეპუნქტი:

„ე) ფულადი დახმარების შემთხვევაში ანაზღაურება მოხდება უნაღდო ანგარიშსწორების ფორმით, ბაკში გახსნილ პირად ანგარიშზე.“.

მუხლი 2

დადგენილება ამოქმედდეს გამოქვეყნებისთანავე.

ქალაქ გორის მუნიციპალიტეტის საკრებულოს თავმჯდომარე პაპუნა კობერიძე