,,ახმეტის მუნიციპალიტეტის ტერიტორიაზე Ι კლასის შენობა-ნაგებობათა განთავსება/მშენებლობის შესახებ“ ახმეტის მუნიციპალიტეტის საკრებულოს 2011 წლის 11 ნოემბრის №46 დადგენილებაში ცვლილების შეტანის თაობაზე

1. დადგენილების პრეამბულა ჩამოყალიბდეს შემდეგი რედაქციით:

„საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „ე“ ქვეპუნქტისა და 61-ე მუხლის მე-2 პუნქტის, „მშენებლობის ნებართვის გაცემის წესისა და სანებართვო პირობების შესახებ“ საქართველოს მთავრობის 2009 წლის 24 მარტის N 57  დადგენილების 65 და 66 მუხლების შესაბამისად, ახმეტის მუნიციპალიტეტის საკრებულო ადგენს:“

2. დადგენილების მე-2 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ახმეტის მუნიციპალიტეტის ტერიტორიაზე გამავალი, „საერთაშორისო და შიდასახელმწიფოებრივი მნიშვნელობის საავტომობილო გზების ნუსხის დამტკიცების შესახებ“ საქართველოს მთავრობის 2014 წლის 18 ივნისის N 407 დადგენილებით განსაზღვრული, საქართველოს შიდასახელმწიფოებრივი მნიშვნელობის გზების ორივე მხარეს მიმდებარე 50 მეტრიან ზოლში;“