„ხულოს მუნიციპალიტეტის გამგეობის ეკონომიკური პოლიტიკისა და ინფრასტრუქტურის სამსახურის დებულების დამტკიცების შესახებ“ ხულოს მუნიციპალიტეტის საკრებულოს 2014 წლის 5 სექტემბრის N18 დადგენილებაში ცვლილების შეტანის შესახებ

1.  დადგენილების დანართის მე-2 მუხლის ,,3’’ პუნქტი შეიცვალოს და ჩამოყალიბდეს შემდეგი რედაქციით:

„3) სამსახურის განყოფილება შედგება განყოფილების უფროსის, განყოფილების მთავარი სპეციალისტებისა და წამყვანი სპეციალისტისაგან.“.

2. დადგენილების დანართის მე-2 მუხლს დაემატოს შემდეგი შინაარსის ,,5¹’’ პუნქტი და ჩამოყალიბდეს შემდეგი რედაქციით:

„5¹) განყოფილების  წამყვანი სპეციალისტის  უფლება-მოვალეობები   განისაზღვრება  საქართველოს  კანონმდებლობით  და გამგეობის დებულებით. განყოფილების წამყვანი სპეციალისტის ფუნქციები განისაზღვრება შესაბამისი სამუშაოთა  აღწერილობით.“.

3. დადგენილების დანართის მე-6 მუხლი შეიცვალოს და ჩამოყალიბდეს შემდეგი რედაქციით:

„1. განყოფილება უზრუნველყოფს:

ა) მუნიციპალიტეტის ინფრასტრუქტურის განვითარების პროგრამების შემუშავებას და მათი განხორციელების მონიტორინგს;

ბ) წინადადებების, დასკვნებისა და რეკომენდაციების  შემუშავებას მუნიციპალიტეტის ინფრასტრუქტურის ობიექტების შექმნის, განვითარებისა და მათი ექსპლოატაციის საკითხებზე;

გ)  ადგილობრივი მნიშვნელობის   გზების,  ხიდების,  გარე  განათების  რეაბილიტაციისა  და  განვითარების დაგეგმვას, შესაბამისი პროგრამებისა და პროექტების მომზადებას, მათი განხორციელების კოორდინაციას;

დ) ტერიტორიის კეთილმოწყობის, მუნიციპალური პროგრამებისა და პროექტების მომზადებას და მათ განსახორციელებლად რეკომენდაციებისა და წინადადებების შემუშავებას;

ე) ხულოს მუნიციპალიტეტში განხორციელებული ინფრასტრუქტურის მშენებლობა-რეაბილიტაციის  პროგრამების შედგენას, შესრულებას, მონიტორინგს;

ვ)  შესასრულებელი  სამუშაოების სახარჯთაღრიცხვო დოკუმენტების მოქმედ კანონმდებლობასთან შესაბამისობაში მოყვანას;

ზ)  ხულოს მუნიციპალიტეტის გამგეობის მიერ განხორციელებულ ეკონომიკური პლიტიკისა და ინფრასტრუქტურის სამსახურის კომპეტენციის ფარგლებში სახელმწიფო შესყიდვებზე შესყიდვის ობიექტების ტექნიკური ზედამხედველობის განხორციელება და განსაზღვრულ შემთხვევებში მიღება-ჩაბარება ხელშეკრულებითა და მოქმედი კანონმდებლობის შესაბამისად;

თ)  შემსრულებელი  ორგანიზაციების და  ფიზიკური პირების  მიერ  წარმოდგენილი სამშენებლო დოკუმენტაციის შესწავლა- ვიზირებას;

ი)  ტექნიკური დოკუმენტაციის მომზადებას, მშენებლობის პრიორიტეტების განსაზღვრისათვის წინადადებების მომზადებას;

კ) სატენდერო კომისიებში მონაწილეობის მიღებას;

ლ) მშენებლობა-რეაბილიტაციის სახელშეკრულებო პირობების დაცვაზე სისტემატურ კონტროლს;

მ) შემსრულებელი   პირების   მიერ  სახელშეკრულებო   პირობების   დარღვევის   შემთხვევაში   მათ  მიმართ სათანადო ღონისძიებების გატარებისათვის წინადადებების დროულ შემოტანას;

ნ) კაპიტალური მშენებლობის საკითხებზე სამსახურში შემოსული კორესპონდენციის განხილვა და პასუხების მომზადებას;

ო) წყალმომარაგების (მათ შორის, ტექნიკური წყლით მომარაგების) და წყალარინების უზრუნველყოფის კოორდინაცია;

პ) წინადადებების   შემუშავებას   ტერიტორიების   დასუფთავებისა   და   ნარჩენების   გატანის   საკითხებზე, შესაბამის სამუშაოთა დაგეგმვისა და ორგანიზების კოორდინაციას;

ჟ) წინადადებების შემუშავებას ვაჭრობის და გარე რეკლამის რეგულირების საკითხებზე;

რ) ტერიტორიის  კეთილმოწყობის  განსახორციელებლად  რეკომენდაციებისა  და წინადადებების შემუშავებას, მათი განხორციელების კოორდინაციას;

ს) მოსახლეობის  მუნიციპალური  ტრანსპორტით  მომსახურების  ორგანიზებას;  წინადადებების  მომზადებას მუნიციპალური საზოგადოებრივი ტრანსპორტის შექმნის, რეაბილიტაციისა და განვითარების თაობაზე;

ტ) მოქმედი კანონმდებლობით და გამგეობის სამართლებრივი აქტებით განსაზღვრული სხვა ფუნქციების განხორციელებას.