„თვითმმართველი თემი თელავის მუნიციპალიტეტის ტერიტორიაზე გარე რეკლამის განთავსების და ნებართვის მიღების წესის დამტკიცების შესახებ“ თელავის მუნიციპალიტეტის საკრებულოს 2014 წლის 13 ნოემბრის №53 დადგენილებაში ცვლილების შეტანის შესახებ

„მუხლი 3. გარე რეკლამის განთავსების ნებართვის მიღება

1. გარე რეკლამის განთავსების ნებართვა მიიღება საჯარო ან/და ელექტრონული აუქციონის წესით, რომლის ორგანიზებას ახორციელებს აუქციონატორი.

2. აუქციონის ჩატარების წესი და პირობები განისაზღვრება  „თვითმმართველი თემის - თელავის მუნიციპალიტეტის ქონების პრივატიზების, სარგებლობისა და მართვის უფლებებით გადაცემის, საწყისი საპრივატიზებო საფასურის, ქირის საფასურის, ქირის საწყისი საფასურის განსაზღვრის და ანგარიშსწორების წესების დამტკიცების შესახებ“ თელავის მუნიციპალიტეტის საკრებულოს 2015 წლის 30 იანვრის №4 დადგენილებით.

3. საჯარო ან/და ელექტრონული აუქციონის ჩატარებისას გარე რეკლამის ნებართვის მისაღებად გამოსაქვეყნებლი პირობები უნდა შეიცავდეს შემდეგ მონაცემებს:

ა)  ნებართვის გამცემის  დასახელებას;

ბ) პირობებს და გამარჯვებულის გამოვლენის კრიტერიუმებს (აუქციონის პირობებით  გამოცხადების შემთხვევაში);

გ) ნებართვის გასაცემი ადგილის დასახელებას;

დ) „ბეს“ოდენობას, რომელიც არის თითოეულ ლოტზე საწყისი ფასის 10%-ის ოდენობით;

ე) ბიჯის სიდიდეს თითოეულ ლოტზე საწყისი ფასის 10%-ის ოდენობით;    

ვ) ყველა სხვა ინფორმაციას, რომელსაც ნებართვის გამცემი ჩათვლის მიზანშეწონილად.“.