ყაზბეგის, ლენტეხის, ონის, ბორჯომის, ლაგოდეხისა და მცხეთის იუსტიციის სახლების მშენებლობასთან დაკავშირებული მომსახურებების სახელმწიფო შესყიდვების გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №303

2015 წლის 19 თებერვალი

ქ. თბილისი

ყაზბეგის, ლენტეხის, ონის, ბორჯომის, ლაგოდეხისა და მცხეთის იუსტიციის სახლების მშენებლობასთან დაკავშირებული მომსახურებების სახელმწიფო შესყიდვების გამარტივებული შესყიდვის საშუალებით განხორციელების შესახებ  

„საჯარო სამართლის იურიდიული პირის შესახებ“ საქართველოს კანონის მე-13 მუხლის მე-2 პუნქტისა და „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად:

1. ყაზბეგის, ბორჯომისა და ლაგოდეხის იუსტიციის სახლების მშენებლობასთან დაკავშირებული საკადასტრო აზომვითი ნახაზების მომზადებისა და ტოპოგრაფიული მომსახურების სახელმწიფო შესყიდვები, 2015 წლის განმავლობაში, განხორციელდეს გამარტივებული შესყიდვის საშუალებით.

2. ლენტეხისა და ონის იუსტიციის სახლების მშენებლობასთან დაკავშირებული საპროექტო დოკუმენტაციის შედგენის, საკადასტრო აზომვითი ნახაზების მომზადების, გეოლოგიური კვლევისა და ტოპოგრაფიული მომსახურების სახელმწიფო შესყიდვები, 2015 წლის განმავლობაში, განხორციელდეს გამარტივებული შესყიდვის საშუალებით.

3. აუცილებლობის შემთხვევაში, მცხეთის იუსტიციის სახლის მშენებლობასთან დაკავშირებული საპროექტო დოკუმენტაციის შედგენის, საკადასტრო აზომვითი ნახაზის მომზადების, გეოლოგიური კვლევის ან/და ტოპოგრაფიული მომსახურების სახელმწიფო შესყიდვები, 2015 წლის განმავლობაში, განხორციელდეს გამარტივებული შესყიდვის საშუალებით.

4. ამ განკარგულების პირველი, მე-2 და მე-3 პუნქტებით გათვალისწინებული სახელმწიფო შესყიდვებისათვის ფინანსური რესურსების მობილიზება განახორციელოს საქართველოს იუსტიციის სამინისტროს მმართველობის სფეროში მოქმედმა საჯარო სამართლის იურიდიულმა პირმა - იუსტიციის სახლმა კანონმდებლობით ნებადართული შემოსავლებიდან და სახელმწიფო ბიუჯეტიდან მიღებული სახსრებით, მისთვის კანონმდებლობით დაკისრებული მიზნებისა და ფუნქციების განხორციელების შეუფერხებლად.

პრემიერ-მინისტრი ი. ღარიბაშვილი