„ქალაქ ოზურგეთის მუნიციპალიტეტის საკრებულოს სოციალურ საკითხთა კომისიის დებულების დამტკიცების შესახებ“ ქალაქ ოზურგეთის მუნიციპალიტეტის საკრებულოს 2014 წლის 1 სექტემბრის №8 დადგენილებაში ცვლილებების შეტანის შესახებ

,,ქალაქ ოზურგეთის მუნიციპალიტეტის  საკრებულოს განათლების, კულტურის, სპორტის, ტურიზმის, ახალგაზრდულ საქმეთა, გენდერული, ჯანმრთელობისა და სოციალურ  საკითხთა კომისიის დებულება.

 ეს დებულება, საქართველოს ორგანული კანონის ,,ადგილობრივი თვითმმართველობის კოდექსი“ და ქალაქ ოზურგეთის მუნიციპალიტეტის საკრებულოს (შემდგომში – ,,საკრებულო“) რეგლამენტის (დამტკიცებულია ქალაქ ოზურგეთის მუნიციპალიტეტის საკრებულოს 2014 წლის 02 აგვისტოს №1 დადგენილებით) შესაბამისად, განსაზღვრავს ქალაქ ოზურგეთის მუნიციპალიტეტის საკრებულოს განათლების, კულტურის, სპორტის, ტურიზმის, ახალგაზრდულ საქმეთა, გენდერული, ჯანმრთელობისა და სოციალურ  საკითხთა კომისიის უფლებამოსილებას, სტრუქტურასა და საქმიანობის წესს.".

2. განათლების, კულტურის, სპორტის, ტურიზმის, ახალგაზრდულ საქმეთა, გენდერული, ჯანმრთელობისა და სოციალურ  საკითხთა კომისიის დებულების 1-ლი მუხლის 1-ლი პუნქტი ჩამოყალიბდეს შემდეგი რედაქციით:

,,1) განათლების, კულტურის, სპორტის, ტურიზმის, ახალგაზრდულ საქმეთა, გენდერული, ჯანმრთელობისა და სოციალურ საკითხთა კომისია (შემდგომ ,,კომისია") წარმოადგენს საკრებულოს მუდმივმოქმედ ორგანოს, რომელიც უზრუნველყოფს ადგილობრივი თვითმმართველობის კოდექსით, საკრებულოს რეგლამენტით და ამ დებულებით განსაზღვრულ უფლებამოსილებათა განხორციელებას.".

3. განათლების, კულტურის, სპორტის, ტურიზმის, ახალგაზრდულ საქმეთა, გენდერული, ჯანმრთელობისა და სოციალურ  საკითხთა კომისიის დებულების მე-4 მუხლის მე-4 პუნქტის ,,ა“ და ,,ბ“ ქვეპუნქტები  ჩამოყალიბდეს შემდეგი რედაქციით:

,,ა) განათლების, კულტურის, გენდერული, სპორტისა და ახალგაზრდულ საქმეთა     სამუშაო ჯგუფი;

 ,,ბ.) სოციალური უზრუნველყოფის, ჯანმრთელობისა და დასაქმების საკითხთა სამუშაო ჯგუფი;".

4. განათლების, კულტურის, სპორტის, ტურიზმის, ახალგაზრდულ საქმეთა, გენდერული, ჯანმრთელობისა და სოციალურ  საკითხთა კომისიის დებულების მე-4 მუხლის მე-5 და მე-6  პუნქტები  ჩამოყალიბდეს შემდეგი რედაქციით:

,,5) განათლების, კულტურის, გენდერული, სპორტის, ტურიზმისა და ახალგაზრდულ საქმეთა     სამუშაო ჯგუფი წინასწარ განიხილავს და კომისიას განსახილველად წარუდგენს ამ დებულების მე-2 მუხლის ,,ა" – ,,გ" და  „ი“  პუნქტებით განსაზღვრულ საკითხებს.

 ,,6)  სოციალური უზრუნველყოფის, ჯანმრთელობისა და დასაქმების საკითხთა სამუშაო ჯგუფი წინასწარ განიხილავს და კომისიას განსახილველად წარუდგენს ამ დებულების მე-2 მუხლის ,,დ" – ,,თ" პუნქტებით განსაზღვრულ საკითხებს.".