შპს „აჭარ ენერჯი-2007“-ის სასარგებლო წიაღისეულის მოპოვების ლიცენზიისაგან გათავისუფლების თაობაზე

საქართველოს მთავრობის

განკარგულება №90

2015 წლის 29 იანვარი

ქ. თბილისი

შპს „აჭარ ენერჯი-2007“-ის სასარგებლო წიაღისეულის მოპოვების ლიცენზიისაგან გათავისუფლების თაობაზე

1. ,,სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკი­ცების თაობაზე“ საქართველოს მთავ­რობის 2005 წლის 11 აგვისტოს №136 დადგენილებით დამტკი­ცე­ბული დებულების (შემდგომში - დებულება) 7⁴   მუხლის საფუძველზე, სახელმწიფოებრივი და საზოგადოებრივი ინტერესის გათვალისწინებით, შპს „აჭარ ენერჯი-2007“-ის მიერ აჭარის რეგიონში მშენებარე ჰიდროელექტროსადგურების პროექტის შეუფერხებლად განხორციელების უზრუნველსაყოფად, მშენებლობის პროცესში გამოყენების მიზნით, შპს „აჭარ ენერჯი-2007“ (ს/კ 245591426) გათავისუფლდეს სასარგებლო წიაღისეულის (საშენი მასალა) მო­პო­ვების ლიცენზიისაგან 3 (სამი) თვის ვადით და მიეცეს უფლება:

ა) ხელვაჩაურის მუნიციპალიტეტის სოფ. ერგეს მიმდებარე ტერიტორიაზე მოიპოვოს 46 000 (ორმოცდაექვსი ათასი) მ³ ქვიშა-ხრეში შემდეგ X და Y კო­­ორ­დინა­ტების საზღვრებში:

ბ) ხელვაჩაურის მუნიციპალიტეტის სოფ. კირნათის მიმდებარე ტერიტორიაზე მოიპოვოს 70 000 (სამოცდაათი ათასი) მ³ ტუფობრექჩია შემდეგ X და Y კო­­ორ­დინა­ტების საზღვრებში:

2. შპს „აჭარ ენერჯი-2007“ ვალდებულია:

 ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ - გარემოს ეროვნული სააგენტოს შესაბამისი დასკვნებით (გეოსაინფორმაციო პაკეტები) განსაზ­ღვრული პირობების შესრულება;

ბ) მოპოვებული სასარგებლო წიაღისეული გამოიყენოს მხოლოდ ამ განკარგულების პირველი პუნქტით გათვალისწინებული მიზნისთვის;

გ) განკარგულების ძალაში შესვლიდან 1 (ერთი) თვის ვადაში, საქართველოს სახელმწიფო ბიუჯეტში უზრუნველყოს:

გ.ა) 8 000 (რვა ათასი) ლარის გადახდა - 46 000 მ³ ქვიშა-ხრეშის მოპოვების ლიცენზიისაგან გათავისუფლებისათვის;

გ.ბ) 10 000 (ათი ათასი) ლარის გადახდა - 70 000 მ³ ტუფობრექჩიის მოპოვების ლიცენზიისაგან გათავისუფლებისთვის;

დ) სასარგებლო წიაღისეულის მოპოვების ვადის გასვლიდან 2 კვირის ვადაში საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულება - გარემოსდაცვითი ზედამხედველობის დეპარტამენტში (შემდეგში - გარემოსდაცვითი ზედამხედველობის დეპარტამენტი) წარადგინოს ინფორმაცია მოპოვებული რესურსის ოდენობის შესახებ.

3. შპს „აჭარ ენერჯი-2007“-ის მიერ ამ განკარგულების საფუძველზე, მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს გარემოსდაცვითი ზედამხედველობის დეპარტამენტმა.

პრემიერ-მინისტრი                      ი . ღარიბაშვილი