სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №82

2015 წლის 29 იანვარი

ქ. თბილისი

სახელმწიფო საკუთრებაში არსებული უძრავი ნივთის შპს „კატევე ხობისათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-7 მუხლის მე-3 პუნქტისა და მე-10 მუხლის მე-2 პუნქტის შესაბამისად, სახელმწიფო საკუთრებაში არსებული, ხობის მუნიციპალიტეტში, სოფელ ნოჯიხევში მდებარე 1142024 კვ.მ სასოფლო-სამეურნეო (სახნავი) დანიშნულების მიწის ნაკვეთი (მიწის (უძრავი ნივთის) საკადასტრო კოდი №45.07.24.007) და ხობის მუნიციპალიტეტში, სოფელ ნოჯიხევში მდებარე 936275 კვ.მ სასოფლო-სამეურნეო (სახნავი) დანიშნულების მიწის ნაკვეთი (მიწის (უძრავი ნივთის) საკადასტრო კოდი №45.07.24.006) პირდაპირი მიყიდვის ფორმით, 200 000 (ორასი ათასი) ლარად საკუთრებაში გადაეცეს შპს ,,კატევე ხობს“ (ს/კ 405062612).

2. ამ განკარგულების პირველი პუნქტით გათვალისწინებული უძრავი ნივთის საპრივატიზებო პირობებად განისაზღვროს:

ა) საპრივატიზებო თანხის გადახდა, შესაბამისი ხელშეკრულების გაფორმებიდან 30 (ოცდაათი) კალენდარული დღის ვადაში;

ბ) გადაცემული უძრავი ნივთის ტერიტორიის, არანაკლებ 90%-ზე დაფნის პლანტაციის გაშენება შესაბამისი ნასყიდობის ხელშეკრულების გაფორმებიდან არა უმეტეს 2 (ორი) წლის განმავლობაში;

გ) გადაცემული უძრავი ნივთის ტერიტორიის არანაკლებ 10%-ის კეთილმოწყობა, რაც მოიცავს (მაგრამ არ შემოიფარგლება) შემოღობვას , ქარსაფარი ზოლ(ებ)ის მოწყობას შესაბამისი ნასყიდობის ხელშეკრულების გაფორმებიდან არა უმეტეს 2 (ორი) წლის განმავლობაში;

დ) ამ პუნქტის „ბ“ და „გ“ ქვეპუნქტებით განსაზღვრული საპრივატიზებო პირობების შესრულების მიზნით, არანაკლებ 1 100 000 (ერთი მილიონ ასი ათასი) ლარის ინვესტიციის განხორციელება შესაბამისი ნასყიდობის ხელშეკრულების გაფორმებიდან არა უმეტეს 2 (ორი) წლის განმავლობაში;

ე) ამ განკარგულების პირველი პუნქტით გადაცემულ უძრავ ნივთზე, ყოველი წლის დეკემბრის თვეში, საქართველოს სოფლის მეურნეობის სამინისტროსათვის ინფორმაციის წარდგენა ამ განკარგულების დანართი №1 -ის შესაბამისად;

ვ) ამ განკარგულების პირველი პუნქტით გადაცემულ უძრავ ნივთზე, 5 (ხუთი) წელიწადში ერთხელ ნიადაგის ნაყოფიერებისა და ხარისხის შენარჩუნება-გაუმჯობესების გამოკვლევის მიზნით, ნიადაგის ანალიზის დამადასტურებელი დოკუმენტის, საქართველოს სოფლის მეურნეობის სამინისტროსათვის წარდგენა.

3. შპს „კატევე ხობი“ ვალდებულია ამ განკარგულების მე-2 პუნქტის ,,ბ“, ,,გ“ და ,,დ“ ქვეპუნქტებით გათვალისწინებული საპრივატიზებო პირობებ ის შესრულების (მათ შორის, საპრივატიზებო პირობ(ებ)ის შეუსრულებლობისათვის დაკისრებული პირგასამტეხლოს გადახდის) უზრუნველსაყოფად, შესაბამისი ხელშეკრულების გაფორმებამდე წარმოადგინოს, ამავე განკარგულების მე-2 პუნქტის „დ“ ქვეპუნქტით განსაზღვრული განსახორციე ლებელი ინვე სტიციის არანაკლებ 1 0%-ის ოდენობის უპირობო და გამოუხმობი საბანკო გარანტია , რომლის ვადაც, ამავე განკარგულების მე-2 პუნქტის ,,დ“ ქვეპუნქტით გათვალისწინებული ვალდებულების შესრულების ვადას უნდა აღემატებოდეს არანაკლებ 4 (ოთხი) თვით.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწიფო ქონების ეროვნულმა სააგენტომ და საქართველოს სოფლის მეურნეობის სამინისტრომ, ამ განკარგულების შესრულების მიზნით, უზრუნველყონ კანონმდებლობით გათვალისწინებული ღონისძიებების განხორციელება.

პრემიერ - მინისტრი                               ი . ღარიბაშვილი