„საქართველოს იუსტიციის სამინისტროს ცენტრალური აპარატის შინაგანაწესის დამტკიცების შესახებ“ საქართველოს იუსტიციის მინისტრის 2010 წლის 31 მაისის №104 ბრძანებაში ცვლილების შეტანის თაობაზე

1. მე-2 მუხლი ჩამოყალიბდეს შემდეგი რედაქციით:

„მუხლი 2. სამუშაო დროის დასაწყისი და დასასრული. შესვენების დრო

1. სამინისტროში მოსამსახურის სამუშაო დრო განისაზღვრება 5-დღიანი სამუშაო კვირით. სამუშაო დროის ხანგრძლივობა არ უნდა აღემატებოდეს კვირაში 40 საათს. სამუშაო დროის ყოველდღიური ხანგრძლივობაა 8 საათი.

2. სამინისტროს ცენტრალურ აპარატში, გარდა გენერალური ინსპექციისა, სამუშაოს დაწყების დროდ განისაზღვრება 09.00 საათი, ხოლო დასრულების დროდ - 18.00 საათი. გენერალურ ინსპექციაში სამუშაო დღე იწყება 09.00-დან 10.00 საათამდე  და სრულდება, შესაბამისად, 18.00-დან 19.00 საათამდე. გენერალური ინსპექციის მოსამსახურეთა სამუშაოს დაწყებისა და დასრულების ზუსტი დრო განისაზღვრება საქმიანობის სპეციფიკიდან გამომდინარე, გენერალური ინსპექციის უფროსთან შეთანხმებით.

3. დღის განმავლობაში მოსამსახურისათვის განსაზღვრულია სავალდებულო შესვენების დრო 13.00-დან 14.00 საათამდე ან 14.00-დან 15.00 საათამდე.

4. მოსამსახურის სამსახურში გამოცხადება და სამუშაო ადგილის დატოვება ფიქსირდება სპეციალური ტექნიკური საშუალებით, პირადობის ელექტრონული მოწმობის გამოყენებით.“.

2. მე-9 მუხლის:

ა) პირველ პუნქტს დაემატოს შემდეგი შინაარსის „გ¹“ ქვეპუნქტი:

„გ¹) სამსახურებრივ დოკუმენტებზე (ოფიციალური წერილები, დასკვნები, პრესრელიზები, კანონპროექტები, კვლევები, თარგმანები და სხვ.) მუშაობა (დოკუმენტის შექმნა, რედაქტირება და შენახვა) დოკუმენტების მენეჯმენტის პროგრამაში - SmartDoc;“;

ბ) მე-3 პუნქტი ჩამოყალიბდეს შემდეგი რედაქციით:

„3. სამინისტროს ადმინისტრაციულ შენობაში მყოფი მოსამსახურე ვალდებულია დაიცვას პროფესიული იმიჯი და ოფიციალური ჩაცმულობის სტილი.“.