საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის „საქართველოს იუსტიციის სასწავლო ცენტრის“ დირექტორის ვაკანტური თანამდებობის დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების თაობაზე

1. კონკურსში მონაწილე კანდიდატი უნდა იყოს საქართველოს ქმედუნარიანი მოქალაქე 21 წლის ასაკიდან, ჰქონდეს უმაღლესი განათლება და ფლობდეს სახელმწიფო ენას.

2. კონკურსში მონაწილე კანდიდატებისათვის დამატებით დადგენილია  შემდეგი საკვალიფიკაციო მოთხოვნები:

ა) უმაღლესი განათლება (მაგისტრის ხარისხი ჰუმანიტარულ/სოციალურ მეცნიერებათა მიმართულებით);

ბ) მენეჯერულ პოზიციაზე მუშაობის არანაკლებ ორწლიანი გამოცდილება (სასურველია ასევე გამოცდილების ქონა პროდუქტების განვითარებისა და გაყიდვების მიმართულებით);

გ) ინგლისური და რუსული ენის კარგად ცოდნა (სასურველია დამატებით სხვა ენების ცოდნა);

დ)  კომპიუტერული საოფისე პროგრამების სრულყოფილი ცოდნა.