„ქალაქ ოზურგეთის მუნიციპალიტეტის მერიის, საფინანსო-საბიუჯეტო სამსახურის დებულების დამტკიცების შესახებ“ - ქალაქ ოზურგეთის მუნიციპალიტეტის საკრებულოს 2014 წლის 19 სექტემბრის N19 დადგენილებაში, ცვლილებების შეტანის შესახებ

1. მესამე მუხლი ჩამოყალიბდეს შემდეგი რედაქციით:

,,მუხლი 3. სამსახურის სტრუქტურა

1. სამსახური შედგება სამსახურის უფროსისა და სტრუქტურული ქვედანაყოფების - განყოფილებებისაგან.

2. სამსახურის სტრუქტურული ქვედანაყოფებია:

ა) საბიუჯეტო დაგეგმვის  და ბუღალტრული აღრიცხვების განყოფილება;

ბ) მატერიალურ-ტექნიკური უზრუნველყოფისა და შესყიდვების განყოფილება;

2. მე-6  მუხლი ამოღებულ  იქნეს.

3. მე-7 მუხლი ჩამოყალიბდეს შემდეგი რედაქციით:

,,მუხლი 7. საბიუჯეტო დაგეგმვისა  და ბუღალტრული აღრიცხვების განყოფილების ფუნქციებია:

ქალაქ ოზურგეთის მუნიციპალიტეტის მერიის, საბიუჯეტო დაგეგმვის  და ბუღალტრული აღრიცხვების განყოფილება, წარმოადგენს სამსახურის განყოფილებას, რომელიც უზრუნველყოფს:

ა) წლის ბიუჯეტის პროექტის შემუშავებას;

ბ) ბიუჯეტის პროექტის თაობაზე გამოთქმული შენიშვნებისა და წინადადებების სისტემატიზაციას, ანალიზს, შესაბამისი დასკვნებისა და რეკომენდაციების შემუშავებას;

გ) წლის ბიუჯეტის პროექტის რედაქტირებას, საკრებულოს საფინანსო-საბიუჯეტო კომისიის მიერ, გამოთქმული შენიშვნების გათვალისწინებით;

დ) წინადადებების მომზადებას მუნიციპალიტეტის მიერ, სესხის აღებისა და გაცემის შესახებ;

ე) წინადადებების მომზადებას ადგილობრივი გადასახადებისა და მოსაკრებლების შემოღება-გაუქმების, მათი განაკვეთების განსაზღვრის შესახებ;

ვ) მუნიციპალური პროგრამების საფინანსო გაანგარიშებას, შესაბამისი დასკვნებისა და რეკომენდაციების შემუშავებას;

ზ) მუნიციპალიტეტის მიერ, დაფუძნებული საწარმოების დივიდენდების, პროგნოზირებას;

თ) საჭირო ინფორმაციის შეკრებასა და დამუშავებას, ფინანსთა სამინისტროს მიერ გამოთანაბრებითი, მიზნობრივი და სპეციალური ტრანსფერების მოცულობათა გასაანგარიშებლად;

ი) წინადადებების მომზადებას, ბიუჯეტის სარეზერვო ფონდის ოდენობის ,თაობაზე;

კ) ბიუჯეტის შემოსულობებისა და გადასახდელების განწერას კვარტალებისა და თვეების მიხედვით;

ლ) მოქმედი კანონმდებლობით და მუნიციპალიტეტის სამართლებრივი აქტებით განსაზღვრული, სხვა ფუნქციების განხორციელებას.

მ) მუნიციპალიტეტის საბუღალტრო აღრიცხვას;

ნ) ბიუჯეტით გათვალისწინებული ასიგნებების შესაბამისად, ხარჯის გაწევას, საფინანსო ოპერაციების წარმოებას;

ო) მუნიციპალიტეტის საბანკო ანგარიშების მართვას, ურთიერთობებს ხაზინასთან და საბანკო დაწესებულებებთან;

პ) მუნიციპალიტეტის მიერ აღებული და გაცემული სესხების მართვას;

ჟ) საკრებულოს და მუნიციპალური სამსახურების  სარგებლობაში არსებული ქონების, აღწერა-ინვენტარიზაციას;

რ) მუნიციპალიტეტის საჯარო მოსამსახურეთა ხელფასების, სამივლინებო ხარჯების და სხვა გადასახდელების გაცემას;

ს) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას.