„მეწარმეთა შესახებ“ საქართველოს კანონში ცვლილებებისა და დამატების შეტანის თაობაზე

საქართველოს კანონი

„მეწარმეთა შესახებ“ საქართველოს კანონში ცვლილებებისა და დამატების შეტანის თაობაზე

    მუხლი 1.

„მეწარმეთა შესახებ“ საქართველოს კანონში (საქართველოს პარლამენტის უწყებები, 1994, №21-22, მუხ. 455) შეტანილ იქნეს შემდეგი ცვლილებები და დამატება:

1. კანონს დაემატოს შემდეგი შინაარსის 5.41 მუხლი:

„5.4.1 შეზღუდული პასუხისმგებლობის საზოგადოებაში წილის გირავნობის სარეგისტრაციოდ წარმოდგენილი უნდა იქნეს:

ა) დამგირავებლისა და მოგირავნის მიერ შედგენილი განცხადება;

ბ) სანოტარო წესით დამოწმებული წილის გირავნობის ხელშეკრულება;

გ) საზოგადოების ან პარტნიორთა თანხმობა, თუ ეს გათვალისწინებულია საზოგადოების წესდებით.“.

2. 46-ე მუხლის 46.3 პუნქტი ჩამოყალიბდეს შემდეგი რედაქციით:

„46.3. პარტნიორის მიერ წილის დათმობა ან დაგირავება მოითხოვს სანოტარო წესით დამოწმებულ ხელშეკრულებას და რეგისტრაციას სამეწარმეო რეესტრში. სანოტარო დამოწმება და სამეწარმეო რეესტრში რეგისტრაცია საჭიროა ასევე შეთანხმებისათვის, რომლითაც წარმოიშობა პარტნიორის ვალდებულება წილის გასხვისების ან დაგირავების შესახებ.“.

3. ამ კანონის II დანართით დამტკიცებული სარეგისტრაციო ბარათის ნიმუში შეზღუდული პასუხისმგებლობის საზოგადოებებისათვის ჩამოყალიბდეს შემდეგი რედაქციით:

სარეგისტრაციო ბარათი (ნიმუში)

შეზღუდული პასუხისმგებლობის საზოგადოებებისათვის

    მუხლი 2

2006 წლის 1 მარტამდე განხორციელდეს საქართველოს საერთო სასამართლოების უზრუნველყოფა ამ კანონით განსაზღვრული შეზღუდული პასუხისმგებლობის საზოგადოებათა სარეგისტრაციო ბარათებით.

    მუხლი 3

1. ეს კანონი, გარდა მე-2 მუხლისა, ამოქმედდეს 2006 წლის 1 მარტიდან.

2. ამ კანონის მე-2 მუხლი ამოქმედდეს გამოქვეყნებისთანავე.

საქართველოს პრეზიდენტი            მ. სააკაშვილი

თბილისი,

2005 წლის 30 ივნისი.

№1830–რს