დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს სოფლის მეურნეობის სამინისტროს ცენტრალური აპარატის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე“ საქართველოს სოფლის მეურნეობის მინისტრის 2013 წლის 13 ნოემბრის N2-247 ბრძანებაში ცვლილების შეტანის შესახებ | |
|---|---|
| დოკუმენტის ნომერი | 2-23 |
| დოკუმენტის მიმღები | საქართველოს სოფლის მეურნეობის მინისტრი |
| მიღების თარიღი | 30/01/2015 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 02/02/2015 |
| ძალის დაკარგვის თარიღი | 08/04/2016 |
| სარეგისტრაციო კოდი | 010320040.22.032.016170 |
|
„საქართველოს სოფლის მეურნეობის სამინისტროს ცენტრალური აპარატის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე“ საქართველოს სოფლის მეურნეობის მინისტრის 2013 წლის 13 ნოემბრის №2-247 ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ
:
|
| მუხლი 1 |
„საქართველოს სოფლის მეურნეობის სამინისტროს ცენტრალური აპარატის მოხელეთა ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე“ საქართველოს სოფლის მეურნეობის მინისტრის 2013 წლის 13 ნოემბრის №2-247 ბრძანებაში (ვებგვერდი, 13/11/2013, სარეგისტრაციო კოდი 010320040.22.032.016127) შეტანილ იქნეს ცვლილება და ბრძანების პირველი მუხლის „კ“ ქვეპუნქტით დამტკიცებული „საქართველოს სოფლის მეურნეობის მინისტრის და მინისტრის მოადგილეების მდივან-სპეციალისტების, მინისტრის პირველი მოადგილის მრჩევლის და მინისტრის პირველი მოადგილისა და მოადგილეების თანაშემწეების ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკის (დანართი №10)“:
1. პირველი მუხლის „ბ“ და „გ“ ქვეპუნქტები ჩამოყალიბდეს შემდეგი რედაქციით: „ბ) ორგანიზაციის/დაწესებულების ხელმძღვანელის თანაშემწედ ან ასისტენტად, ან ოფისის მენეჯერად მუშაობის არანაკლებ 2 წლიანი გამოცდილება, მათ შორის ადმინისტრაციულ ორგანოში მუშაობის არანაკლებ 6 თვიანი გამოცდილება; გ) სასურველია ინგლისური და/ან რუსული ენის ცოდნა;“. 2. მე-2 მუხლი ამოღებულ იქნეს. 3. მე-3 მუხლის „ბ“ და „გ“ ქვეპუნქტები ჩამოყალიბდეს შემდეგი რედაქციით: „ბ) არანაკლებ 3 წლიანი სამუშაო გამოცდილება, მათ შორის ადმინისტრაციულ ორგანოში მუშაობის არანაკლებ 2 წლიანი სამუშაო გამოცდილება, მსგავს პოზიციაზე ადმინისტრაციულ ორგანოში მუშაობის გამოცდილება ჩაითვლება უპირატესობად; გ) სავალდებულოა ინგლისური და რუსული ენის ცოდნა;“. 4. მე-4 მუხლის „ბ“ და „გ“ ქვეპუნქტები ჩამოყალიბდეს შემდეგი რედაქციით: „ბ) ორგანიზაციის/დაწესებულების ხელმძღვანელის თანაშემწედ ან ასისტენტად, ან ოფისის მენეჯერად მუშაობის არანაკლებ 2-წლიანი გამოცდილება, მსგავს პოზიციაზე ადმინისტრაციულ ორგანოში მუშაობის გამოცდილება ჩაითვლება უპირატესობად; გ) სავალდებულოა ინგლისური და/ან რუსული ენის ცოდნა;“. |
| მუხლი 2 |
ბრძანება ამოქმედდეს გამოქვეყნებისთანავე.
|
|
დოკუმენტის კომენტარები