„საქართველოს რეგიონული განვითარებისა და ინფრასტრუქტურის სამინისტროს მოხელეთა დამატებითი საკვალიფიკაციო მოთხოვნების დამტკიცების შესახებ“ საქართველოს რეგიონული განვითარებისა და ინფრასტრუქტურის მინისტრის 2015 წლის 9 იანვრის №1/ნ ბრძანებაში ცვლილების შეტანის თაობაზე

1. მე-7 მუხლის „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ბ) უმაღლესი განათლება: მიმართულება/დარგი/სპეციალობა: სავალდებულო - სამართალი, ბიზნესის ადმინისტრირება, საბუნებისმეტყველო მეცნიერებანი ან ეკონომიკა; უცხო ენა: სასურველი - ინგლისური ან რუსული;

გ) მუშაობის არანაკლებ 5 წლის სტაჟი, მათ შორის, მენეჯერულ პოზიციაზე მუშაობის არანაკლებ 2 წლის სტაჟი;“.

2. 31-ე მუხლის „ბ“ და „გ“ ქვეპუნქტები ჩამოყალიბდეს შემდეგი რედაქციით:

„ბ) უმაღლესი განათლება: მიმართულება/დარგი/სპეციალობა: სავალდებულო - ჰუმანიტარული მეცნიერებანი ან სოციალური მეცნიერებები; უცხო ენა: სავალდებულო - ინგლისური, სასურველი - რუსული;

გ) სავალდებულო - მუშაობის არანაკლებ 5 წლის სტაჟი საზოგადოებასთან ურთიერთობის (PR მენეჯმენტის) მიმართულებით, მათ შორის, არანაკლებ 2 წლის სტაჟი მენეჯერულ პოზიციაზე, შესაბამისი მიმართულებით; სასურველი - საჯარო სამსახურში, შესაბამისი მიმართულებით, მუშაობის არანაკლებ 2 წლის სტაჟი;“.

3. 45-ე მუხლს დაემატოს შემდეგი შინაარსის მე-4 პუნქტი:

„4. ინფრასტრუქტურის განვითარების დეპარტამენტის ინფრასტრუქტურული ობიექტების დაგეგმვის სამმართველოს სპეციალისტს, გარდა ამ საკვალიფიკაციო მოთხოვნების პირველი მუხლით გათვალისწინებული სამართლებრივი აქტებისა, მოეთხოვება:

ა) შემდეგი სამართლებრივი აქტების ცოდნა:

ა.ა) საქართველოს კანონი „საავტომობილო გზების შესახებ“;

ა.ბ) საქართველოს კანონი „გარემოს დაცვის შესახებ“;

ა.გ) საქართველოს კანონი „საგზაო მოძრაობის შესახებ“;

ა.დ) „საქართველოს საავტომობილო გზების საგზაო სამუშაოების კლასიფიკაციის ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 10 ივლისის №172 დადგენილება;

ა.ე) საქართველოს ეკონომიკური განვითარების მინისტრის 2008 წლის 10 იანვრის №1-1/23 ბრძანება „საერთაშორისო და შიდასახელმწიფოებრივი მნიშვნელობის საავტომობილო გზებზე დასრულებული საგზაო სამუშაოების (გარდა მშენებლობის, მოდერნიზაციისა და რეკონსტრუქციის) მიღების წესის შესახებ დებულების დამტკიცების თაობაზე“;

ბ) უმაღლესი განათლება: სასურველი - მაგისტრის ხარისხი; მიმართულება/დარგი/სპეციალობა: სასურველი - ეკონომიკა, საჯარო მმართველობა ან ინჟინერია; უცხო ენა: სასურველი - ინგლისური ან რუსული;

გ) სასურველი - მუშაობის არანაკლებ 1 წლის სტაჟი; სასურველი - ეკონომიკის ან ინჟინერიის სფეროში;

დ) საოფისე კომპიუტერული პროგრამების (Microsoft Office Word, Microsoft Office Excel და Microsoft Office PowerPoint) სამომხმარებლო დონეზე ცოდნა.“.