„საქართველოს განათლებისა და მეცნიერების სამინისტროს ადამიანური რესურსების მართვის სამმართველოს დებულების დამტკიცების შესახებ“ საქართველოს განათლებისა და მეცნიერების მინისტრის 2013 წლის 10 ოქტომბრის №155 ბრძანებაში ცვლილების შეტანის თაობაზე

1. „ზ¹“ ქვეპუნქტი ჩამოყალიბდეს შემდეგი რედაქციით:

„ზ¹) საჯარო დაწესებულებაში („საჯარო დაწესებულებებში პრემიის ოდენობის განსაზღვრის წესის დამტკიცების შესახებ“ საქართველოს მთავრობის 2014 წლის 15 ივლისის N449 დადგენილების შესაბამისად)  დასაქმებულ პირებზე პრემიის გაცემისას მინისტრის წერილობითი თანხმობის პროექტის მომზადება;".

2. „ი“ ქვეპუნქტი ჩამოყალიბდეს შემდეგი რედაქციით:

„ი) საქართველოს მოქმედი კანონმდებლობის შესაბამისად, მინისტრის ინდივიდუალური ადმინისტრაციულ-სამართლებრივი აქტით დანიშნულ თანამშრომელთა პირადი საქმეების შედგენა, წარმოება და კანონმდებლობით დადგენილი საბუთების წარდგენა/აღრიცხვის კონტროლი;“.

3. „რ“ ქვეპუნქტი ამოღებულ იქნეს;

4. „ს“ ქვეპუნქტი ჩამოყალიბდეს შემდეგი რედაქციით:

„ს) მოტივაციის სისტემის ჩამოყალიბება და დანერგვა, კორპორატიული ფასეულობების ანალიზი, საორგანიზაციო კულტურის ჩამოყალიბება და მისი დანერგვა;“.

5. „წ“ ქვეპუნქტი ჩამოყალიბდეს შემდეგი რედაქციით:

,,წ) სხვადასხვა ტიპის ბაზების წარმოება (საგრანტო ხელშეკრულებებისა და სამინისტროს მიერ დამტკიცებული პროგრამების ფარგლებში, ხელშეკრულებების აღრიცხვა - ბაზის განახლება; მოსამსახურეთა საშტატო ნუსხისა და თანამდებობრივი სარგოების ბაზის წარმოება/შესაბამისი ცვლილებების ასახვა; სამინისტროს ტერიტორიული ორგანოების - საგანმანათლებლო რესურსცენტრების უფროსების მონაცემების შემცველი ბაზების წარმოება/განახლება; საკონკურსო-საატესტაციო კომისიის სხდომის ოქმების აღრიცხვა და შესაბამის ბაზაში ასახვა; სამინისტროს სისტემაში შემავალი საჯარო სამართლის იურიდიული პირების (აგრეთვე პროფესიული საგანმანათლებლო დაწესებულებების, ზოგადსაგანმანათლებლო დაწესებულებების) მონაცემების შემცველი ბაზების წარმოება; სამინისტროს თანამშრომელთა შვებულება/მივლინების ბაზების წარმოება და სხვა);".