„აფხაზეთის ავტონომიური რესპუბლიკის დევნილთა საქმეების დეპარტამენტის დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 7 ნოემბერის №49 დადგენილებაში ცვლილებების შეტანის თაობაზე

აფხაზეთის ავტონომიური რესპუბლიკის მთავრობის

დადგენილება №62

2014 წლის 30 დეკემბერი

  ქ. თბილისი 

„აფხაზეთის  ავტონომიური რესპუბლიკის დევნილთა საქმეების დეპარტამენტის დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 7 ნოემბრის №49 დადგენილებაში ცვლილებების შეტანის თაობაზე

მუხლი 1. „ნორმატიული აქტების შესახებ“ საქართველოს კანონის მე-20 მუხლისა და „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის შესაბამისად, „აფხაზეთის ავტონომიური რესპუბლიკის დევნილთა საქმეების დეპარტამენტის დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2014 წლის 7 ნოემბრის №49 დადგენილებით (სსმ, ვებგვერდი, 19/11/2014, 010340000.32.061.016124) დამტკიცებულ „აფხაზეთის ავტონომიური რესპუბლიკის დევნილთა საქმეების დეპარტამენტის დებულებაში“ შეტანილ იქნეს შემდეგი სახის ცვლილებები:

1. დებულების მე-6 მუხლის მე-2 პუნქტი ამოღებულ იქნეს.

2. დებულების მე-8 მუხლს დაემატოს შემდეგი შინაარსის „ბ¹“პუნქტი:

„ბ¹. წარმომადგენლობების მართვის, კოორდინაციისა და მონიტორინგის სამმართველოს მონიტორინგის განყოფილება.“.

3. დებულების მე-9 მუხლს დაემატოს შემდეგი შინაარსის „2¹“ პუნქტი:

„2¹. მონიტორინგის განყოფილების ფუნქციებია:

ა) დევნილ, სოციალურად დაუცველ კატეგორიებზე ერთიანი საინფორმაციო ბაზის შექმნა, არსებული ხარვეზების აღმოფხვრასთან დაკავშირებული ღონისძიებების გატარება და წარმომადგენლობებში შექმნილი კომისიების საქმიანობის მონიტორინგი;

ბ) წარმომადგენლობების საქმიანობაში შესაძლო დარღვევების პრევენციის, მათი რისკ-ფაქტორების გამოვლენისა და ანალიზის მიზნით წინადადებების შემუშავება და დეპარტამენტის ხელმძღვანელობისათვის წარდგენა.“.

მუხლი 2. დადგენილება ამოქმედდეს გამოქვეყნებისთანავე.

აფხაზეთის ავტონომიური რესპუბლიკის

მთავრობის თავმჯდომარის

მოვალეობის შემსრულებელი                                             ვახტანგ ყოლბაია