ოზურგეთის მუნიციპალიტეტის გამგებლისა და საკრებულოს თავმჯდომარის თანამდებობრივი სარგოების ოდენობების განსაზღვრის შესახებ

საქართველოს ორგანული კანონის „ადგილობრივი თვითმმართველობის კოდექსი“-ს 61-ე მუხლის მე-2 ნაწილის, „ნორმატიული აქტების შესახებ“ საქართველოს კანონის მე-20 მუხლის, 23-ე მუხლის 1-ლი პუნქტის,  „საჯარო სამსახურის შესახებ“ საქართველოს კანონში ცვლილების შეტანის თაობაზე“ 2013 წლის 20 სექტემბრის საქართველოს კანონის მე-2 მუხლის მე-4 პუნქტისა და საქართველოს პრეზიდენტის „ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე“ 2005 წლის 29 აგვისტოს №726 ბრძანებულების შესაბამისად ოზურგეთის მუნიციპალიტეტის საკრებულომ დაადგინა:

განისაზღვროს ოზურგეთის მუნიციპალიტეტის გამგებლის თანამდებობრივი სარგო 2650 ლარის ოდენობით.

განისაზღვროს ოზურგეთის მუნიციპალიტეტის საკრებულოს თავმჯდომარის თანამდებობრივი სარგო 2650 ლარის ოდენობით.

ამ დადგენილების ამოქმედებისთანავე ძალადაკარგულად გამოცხადდეს ოზურგეთის მუნიციპალიტეტის საკრებულოს 2014 წლის 5 ნოემბრის №41 და №42 დადგენილებები.

დადგენილება ამოქმედდეს 2015 წლის 1 იანვრიდან.