საჯარო სამართლის იურიდიული პირის - საქართველოს ტურიზმის ეროვნული ადმინისტრაციის მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №2407

2014 წლის 24 დეკემბერი

ქ. თბილისი

საჯარო სამართლის იურიდიული პირის – საქართველოს ტურიზმის ეროვნული ადმინისტრაციის მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, სსიპ – საქართველოს ტურიზმის ეროვნულმა ადმინისტრაციამ, 2015 წლის განმავლობაში საერთაშორისო და ადგილობრივ გამოფენა-ბაზრობებზე (საერთაშორისო გამოფენების ჩამონათვალი დანართის შესაბამისად) მონაწილეობასთან, საქართველოს კომპლექსური სარეკლამო კამპანიების წარმოებასთან, პრეზენტაციების გამართვასა და სხვადასხვა სახის საპრომოციო/საინფორმაციო აქტივობების განხორციელებასთან დაკავშირებული, დანართით განსაზღვრული საქონლისა და მომსახურების სახელმწიფო შესყიდვა განახორციელოს გამარტივებული შესყიდვის საშუალებით, „საქართველოს 2015 წლის სახელმწიფო ბიუჯეტის შესახებ“ საქართველოს კანონით მისთვის განსაზღვრულ ასიგნებათა ფარგლებში.

2. „სახელმწიფო შესყიდვების შესახებ“ საქართველოს კანონის 21-ე მუხლის მე-4 პუნქტისა და „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“ სსიპ – სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანებით დამტკიცებული წესის მე-19 მუხლის მე-12 პუნქტის შესაბამისად, ზემოაღნიშნული მომსახურებებისა და საქონლის შესყიდვასთან დაკავშირებით გასაფორმებელი ხელშეკრულებების მიმართ არ გავრცელდეს ამავე ბრძანებით დამტკიცებული წესის მე-19 მუხლის მე-6 და მე-7 პუნქტებითა და 21-ე მუხლით დადგენილი მოთხოვნები.

პრემიერ-მინისტრი                                      ი . ღარიბაშვილი

დანართი

1. 2015 წლის საერთაშორისო გამოფენები

2. შესასყიდი საქონელი და მომსახურება

● საგამოფენო სტენდის დიზაინის შექმნის მომსახურება

● საგამოფენო სტენდის აგების  მომსახურება

● სტენდის აღჭურვილობის დაქირავება

● სახელოვნებო მომსახურებები (კონცერტი, შოუ, და სხვა)

● გამოფენის ფარგლებში პრესკონფერენციების, პრეზენტაციების მოწყობა და მასთან დაკავშირებული მომსახურებების შესყიდვა

● გამოფენის ფარგლებში გასავრცელებელი მოსაწვევების ბეჭდვა

● ქართული ღვინის შესყიდვა და ადგილზე მიწოდება

● ტელერეკლამა

● ინტერნეტრეკლამა

● რადიორეკლამა

● რეკლამა კინოთეატრებში

● ვიდეო რგოლის დამზადება

● ბეჭდვითი რეკლამა (რეკლამა რეიტინგულ ჟურნალ-გაზეთებში, საბორტე ჟურნალებში, კორპორატიულ გამოცემებში და სხვა)

● გარე რეკლამა (ბილბორდებისა და ბანერების, კონსტრუქციების დამზადება, დაბეჭდვა და განთავსება, LED მონიტორებზე რეკლამის განთავსება და სხვა)

● რეკლამის გავრცელება საზოგადოებრივი ტრანსპორტით

● საპრომოციო მასალისთვის/ვებგვერდისთვის ტექსტების შექმნა, რედაქტირება და თარგმნა

● თარჯიმნის მომსახურება

● საქართველოს კუთხის/საქართველოს საინფორმაციო დახლის (დროებითი ან მუდმივი კონსტრუქციები) შესყიდვა

● მარკეტინგულ მენეჯმენტთან დაკავშირებული საკონსულტაციო მომსახურებები

● პროგრამული მომსახურების უზრუნველყოფა ინტერნეტისთვის (ინტ. აპლიკაცია)

● სარეკლამო/მარკეტინგული კამპანიის ორგანიზების მომსახურება