საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

საქართველოს მთავრობის

განკარგულება №2416

2014 წლის 24 დეკემბერი

ქ. თბილისი

საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ

1. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის ,,დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, საჯარო სამართლის იურიდიულმა პირმა - ლევან სამხარაულის სახელობის სასამართლო ექსპერტიზის ეროვნულმა ბიურომ, გამარტივებული შესყიდვის საშუალებით სახელმწიფო შესყიდვა განახორციელოს შემდეგი საქონლის ან/და მომსახურების შესყიდვის შემთხვევაში:

ა) ბიუროში არსებულ ლაბორატორიულ ტექნიკასთან თავსებადი, ქვეყნის გარეთ წარმოებული :

ა.ა) კონკრეტული ფირმის სახარჯი მასალები, სათადარიგო ნაწილები და აქსესუარები;

ა.ბ) პროგრამული უზრუნველყოფა;

ა.გ) პრეპარატები;

ა.დ) რეაქტივები;

ბ) საგამოცდო (მათ შორის, ტესტირების ნიმუშები) - საკვალიფიკაციო ტესტირება, ლაბორატორიათშორისი ტესტირება;

გ) შესადარებელი სტანდარტი;

დ) სტანდარტები (ნორმატიული დოკუმენტები);

ე) ლაბორატორიული ტექნიკის მწარმოებლის ოფიციალურად ავტორიზებული სერვის ინჟინრის მიერ აპარატურის შეკეთების, გეგმური და აუცილებელი სადიაგნოსტიკო და დაკალიბრების მომსახურება;

ვ) საერთაშორისო სტანდარტების შესაბამისი სერტიფიცირებული სატრენინგო მომსახურება.

2. საქართველოს ზოგადი ადმინისტრაციული კოდექსის 61-ე მუხლის საფუძველზე, ძალადაკარგულად გამოცხადდეს ,,საჯარო სამართლის იურიდიული პირის – ლევან სამხარაულის სახელობის სასამართლო ექსპერტიზის ეროვნული ბიუროს მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ“ საქართველოს მთავრობის 2012 წლის 25 ივნისის №1237 განკარგულება.

პრემიერ-მინისტრი                         ი. ღარიბაშვილი