სსიპ - საქართველოს მუნიციპალური განვითარების ფონდის მიერ განსახორციელებელი ღონისძიებების შესახებ

საქართველოს მთავრობის

განკარგულება №2424

2014 წლის 24 დეკემბერი

ქ. თბილისი

სსიპ – საქართველოს მუნიციპალური განვითარების ფონდის მიერ განსახორციელებელი ღონისძიებების შესახებ

1. „საჯარო სამართლის იურიდიული პირის – საქართველოს მუნიციპალური განვითარების ფონდის დებულებისა და სამეთვალყურეო საბჭოს დამტკიცების შესახებ“ საქართველოს მთავრობის 2005 წლის 23 ივლისის №118 დადგენილებით დამტკიცებული დებულების მე-2 მუხლის მე-2 პუნქტის „ღ“ ქვეპუნქტის საფუძველზე, საქართველოს რეგიონული განვითარებისა და ინფრასტრუქტურის სამინისტროს სახელმწიფო კონტროლს დაქვემდებარებულმა სსიპ – საქართველოს მუნიციპალური განვითარების ფონდმა უზრუნველყოს:

ა) რეგიონული განვითარების მე-3 პროექტისათვის (RDP-III) კულტურული მემკვიდრეობისა და ბუნებრივი და სოციალური გარემოს სტრატეგიული შეფასების ანგარიშის (SECHSA) მოსამზადებლად მომსახურების შესყიდვა;

ბ) რეგიონული განვითარების მე-3 პროექტის (RDP-III) ეკონომიკური ანალიზის დოკუმენტაციის მოსამზადებლად მომსახურების შესყიდვა;

გ) რეგიონული განვითარების მე-3 პროექტის (RDP-III) ფარგლებში გათვალისწინებული ქვეპროექტების წინასწარი ტექნიკურ-ეკონომიკური დასაბუთებებისა და დეტალური საპროექტო-სახარჯთაღრიცხვო დოკუმენტაციის მოსამზადებლად მომსახურების შესყიდვა;

დ) ამ პუნქტის „ა“, „ბ“ და „გ“ ქვეპუნქტებით გათვალისწინებული, 2014 წელს განსახორციელებელი ღონისძიებების დაფინანსება „საქართველოს 2014 წლის სახელმწიფო ბიუჯეტის შესახებ“ საქართველოს კანონის საფუძველზე , სსიპ - საქართველოს მუნიციპალური განვითარების ფონდისათვის დამტკიცებული „საქართველოს მუნიციპალური განვითარების ფონდის მიერ განსახორციელებელი პროექტები“ ქვეპროგრამით (პროგრამული კოდი: 25 03 01) განსაზღვრული ასიგნებებიდან;

ე) სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, „სახელმწიფო შესყიდვების შესახებ“ საქართველოს კანონის 10 ¹ მუხლის მ ე-3 პუნქტის „ დ“ ქვეპუნქტის შესაბამისად, ამ პუნქტის „ა“ და „ბ“ ქვეპუნქტებით და მსოფლიო ბანკთან შეთანხმებული ქვეპროექტებიდან პირველი 5 (ხუთი) ქვეპროექტისათვის ამავე პუნქტის „გ“ ქვეპუნქტით გათვალისწინებული ღონისძიებების განხორციელებისათვის საჭირო სახელმწიფო შესყიდვის გამარტივებული შესყიდვი ს საშუალებით განხორციელება;

ვ) სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის შესაბამისად, ამ პუნქტის „გ“ ქვეპუნქტით გათვალისწინებული ღონისძიებების, გარდა ამავე პუნქტის „ე“ ქვეპუნქტით გათვალისწინებული, მსოფლიო ბანკთან შეთანხმებული ქვეპროექტებიდან პირველ 5 (ხუთი) ქვეპროექტთან დაკავშირებული ღონისძიებებისა, განხორციელებისათვის საჭირო სახელმწიფო შესყიდვის გამარტივებული ელექტრონული ტენდერის მეშვეობით განხორციელება.

2. საქართველოს რეგიონული განვითარებისა და ინფრასტრუქტურის სამინისტრომ, სსიპ – საქართველოს მუნიციპალური განვითარების ფონდის მიერ წარდგენილი მონაცემების საფუძველზე, საქართველოს ფინანსთა სამინისტროს წარუდგინოს წინადადებები 2015 წელს განსახორციელებელი ღონისძიებების დაფინანსებასთან დაკავშირებით.

პრემიერ-მინისტრი                                 ი . ღარიბაშვილი