სოფლის ექიმებისა და სოფლის ექთნებისათვის ერთჯერადი გასაცემლის სახით დაფინანსების შესახებ

  საქართველოს მთავრობის

განკარგულება №2 452

2014 წლის 25 დეკემბერი

ქ. თბილისი

  სოფლის ექიმებისა და სოფლის ექთნებისათვის ერთჯერადი გასაცემლის სახით დაფინანსების შესახებ

  ,,საქართველოს 2014 წლის სახელმწიფო ბიუჯეტის შესახებ“ საქართველოს კანონის 31-ე მუხლის მე-2 პუნქტის საფუძველზე,  საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა სსიპ – სოციალური მომსახურების სააგენტომ, სოფლის ექიმებისა (350 ლარის ოდენობით) და სოფლის ექთნებისათვის (250 ლარის ოდენობით), ერთჯერადი გასაცემლის სახით (მიუხედავად ხელშეკრულებით გათვალისწინებული მომსახურების გაწევისა), „საქართველოს 2014 წლის სახელმწიფო ბიუჯეტის შესახებ“ საქართველოს კანონით „ჯანმრთელობის დაზღვევის“ პროგრამიდან (პროგრამული კოდი: 35 03 01) განახორციელოს „სოფლის ექიმის“ პროგრამის (პროგრამული კოდი: 35 03 04 08) „პირველადი ჯანდაცვის მომსახურება სოფლად“ კომპონენტის ფარგლებში 2014 წლის 15 დეკემბრის მდგომარეობით დაკონტრაქტებული პირებისათვის 820 000 ლარის ფარგლებში თანხის გაცემა.

პრემიერ-მინისტრი                                           ირაკლი ღარიბაშვილი