„საქართველოს გარემოსა და ბუნებრივი რესურსების დაცვის სამინისტროს მინისტრის აპარატის მოხელეთა დამატებითი საკვალიფიკაციო მოთხოვნების დამტკიცების შესახებ” საქართველოს გარემოსა და ბუნებრივი რესურსების დაცვის მინისტრის 2013 წლის 1 ოქტომბრის №76 ბრძანებაში ცვლილების შეტანის თაობაზე

მინისტრის  აპარატის  უფროსი უნდა აკმაყოფილებდეს შემდეგ საკვალიფიკაციო მოთხოვნებს:

ა) უმაღლესი განათლება;

ბ) მუშაობის არანაკლებ 2 წლიანი გამოცდილება, მათ შორის, საჯარო სამსახურში ან საჯარო სამართლის იურიდიულ პირში;

გ) კონტროლისა და ანალიზის ამოცანებზე მუშაობის გამოცდილება;

დ) ქართულ, რუსულ და ინგლისურ ენებზე გამართული ზეპირი და წერილობითი კომუნიკაციის უნარი;

ე) საერთაშორისო ორგანიზაციებთან მუშაობის გამოცდილება;

ვ) გამორჩეული ანალიტიკური უნარები;

ზ) ინფორმაციის მოგროვებისა და გაზიარების უნარი;

თ) საოფისე და სხვა კომპიუტერული პროგრამების ცოდნა;

ი) რთულ პირობებში მუშაობისა და შეზღუდულ დროში შედეგების მიღების უნარი;

კ) დაგეგმვისა და ორგანიზების უნარები;

ლ) საქართველოს კონსტიტუციის, საქართველოს ზოგადი ადმინისტრაციული კოდექსის, ,,საჯარო სამსახურის შესახებ’’ საქართველოს კანონის, საქართველოს პრეზიდენტის 2005 წლის 17 ნოემბრის №941 ბრძანებულებით დამტკიცებული საქართველოს სამსახურებრივი სარგებლობის პასპორტის დებულების, საქართველოს მთავრობის 2013 წლის 26 აპრილის №98 დადგენილებით დამტკიცებული საქართველოს  გარემოსა და ბუნებრივი რესურსების დაცვის სამინისტროს დებულების, საქართველოს გარემოსა და ბუნებრივი რესურსების დაცვის მინისტრის 2013 წლის 10 მაისის №22 ბრძანებით დამტკიცებული სამინისტროს მინისტრის აპარატის დებულების  ცოდნა;

მ) ოფიციალური  და სამუშაო შეხვედრების ორგანიზების გამოცდილება;

ნ) დიპლომატიური კორპუსის წარმომადგენლებთან (საელჩოებთან) თანამშრომლობის  გამოცდილება’’.