ქალაქ თბილისის მუნიციპალიტეტში მოქმედ დაწესებულებებზე, ორგანიზაციებზე, ინდივიდუალურ მეწარმეებზე, ფიზიკურ და იურიდიულ პირებზე ერთჯერადად დარიცხული დასახლებული ტერიტორიის დასუფთავების მოსაკრებლის დარიცხვის თარიღის განსაზღვრის შესახებ

საქართველოს ორგანული კანონი “ადგილობრივი თვითმმართველობის კოდექსის“ მე-16 მუხლის მე-2 პუნქტის „დ“ ქვეპუნქტის, 61-ე მუხლის მე-2 პუნქტის, 68-ე მუხლის პირველი პუნქტის „კ“ ქვეპუნქტის,  „ადგილობრივი მოსაკრებლების შესახებ“ საქართველოს კანონის მე-3 მუხლის პირველი პუნქტისა და მე-4 მუხლის მე-2  პუნქტის საფუძველზე, ქალაქ თბილისის მუნიციპალიტეტის საკრებულო ადგენს:

განხორციელდეს კორექტირება იმ დაწესებულებების, ორგანიზაციების, ინდივიდუალური მეწარმეების, ფიზიკური და იურიდიული პირების (შემდგომში - აბონენტი) დასახლებული ტერიტორიის დასუფთავების მოსაკრებლის (შემდგომში - მოსაკრებელი) დარიცხვის თარიღში, რომელთაც 2014 წლის 22 სექტემბრიდან 2014 წლის 12 დეკემბრამდე მოსაკრებელი დაერიცხათ (განხორციელდა კორექტირება) მომსახურების მიღების მთელს პერიოდზე და ერთჯერადად დარიცხვის პერიოდი  აღემატება ერთ თვეს.

პირველ მუხლში აღნიშნულ აბონენტზე მოსაკრებლის დარიცხვის (კორექტირების) ათვლის თარიღად განისაზღვროს ობიექტის შემოწმების თარიღი, იმ დროისათვის არსებული ფაქტობრივი მდგომარეობის გათვალისწინებით. 

წინამდებარე დადგენილების ამოქმედების დღიდან 6 (ექვსი) თვის ვადაში აბონენტები ვალდებულნი არიან მოსაკრებლის დარიცხვის თარიღის ცვლილების მიზნით მიმართონ მოსაკრებლის გადახდევინებისათვის პასუხისმგებელ ქალაქ თბილისის მუნიციპალიტეტის მერიის კეთილმოწყობის  საქალაქო სამსახურს ან მოსაკრებლის გადახდევინებისათვის (ამოღებისათვის) უფლებამოსილ იურიდიულ პირს.    

დადგენილება ძალაში შედის გამოქვეყნებისთანავე.