„საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებაში ცვლილების შეტანის თაობაზე

„მუხლი 9. სამინისტროს აპარატი

სამინისტროს აპარატის ძირითად ამოცანებსა და კომპეტენციას განეკუთვნება:

ა) მინისტრისა და მინისტრის მოადგილეების საქმიანობის ორგანიზაციული უზრუნველყოფა;

ბ) მინისტრის მოხსენებების, საჯარო გამოსვლებისა და ანგარიშების მომზადება;

გ) მინისტრის ცალკეულ დავალებათა შესრულების უზრუნველყოფა;

დ) მინისტრისა და მინისტრის მოადგილეების თათბირების ორგანიზაციული უზრუნველყოფა, გაცემული დავალებების აღრიცხვა და შესრულების მონიტორინგი;

ე) სამინისტროს ურთიერთობის კოორდინაცია საერთაშორისო და დონორ ორგანიზაციებთან;

ვ) სამინისტროს მიერ დასადები საერთაშორისო ხელშეკრუ­ლებებისა და დონორ ორგანიზაციებთან დასადები შეთანხმებების (ხელშეკრუ-ლებების, მემორანდუმების) მომზადების პროცესის კოორდინაცია და ხელმოწერის პროცედურის ორგანიზაციული უზრუნველყოფა;

ზ) ევროკავშირთან ინტეგრაციის მიმართულებით (მათ შორის, ერთის მხრივ, ევროკავშირს და ევროპის ატომური ენერგიის გაერთიანებას და მათ წევრ სახელმწიფოებსა და მეორეს მხრივ, საქართველოს შორის ასოცირების შესახებ შეთანხმებით, ასოცირების დღის წესრიგით, ევროპული სამეზობლო პოლიტიკით) სამინისტროს კომპეტენციის სფეროს მიკუთვნებულ საკითხებზე  შესაბამისი სამსახურების საქმიანობის კოორდინაცია  და ჰარმონიზაციის პროცესის ხელშეწყობა;

თ) ჯანდაცვის ხარისხის გაუმჯობესებისკენ მიმართული ღონისძიებების კოორდინაცია ჯანდაცვის სახელმწიფო პროგრამების ეფექტიანობის გაუმჯობესების მიზნით;

ი) სამინისტროს ცენტრალური აპარატის თანამშრომელთა საერთაშორისო მივლინებების ორგანიზება და საპროტოკოლო უზრუნველყოფა;

კ) აპარატის დებულებით განსაზღვრული სხვა უფლებამოსილებების განხორციელება.“.