შპს „სახელმწიფო სამშენებლო კომპანიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

შპს „სახელმწიფო სამშენებლო კომპანიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ
დოკუმენტის ნომერი	755
დოკუმენტის მიმღები	საქართველოს მთავრობა
მიღების თარიღი	31/12/2014
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 31/12/2014
ძალაში შესვლის თარიღი	01/01/2015
ძალის დაკარგვის თარიღი	28/02/2015
სარეგისტრაციო კოდი	040170020.10.003.018375

PDF გადმოწერა

შპს „სახელმწიფო სამშენებლო კომპანიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ

მუხლი 1

„სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ა.თ“ ქვეპუნქტის საფუძველზე, დადგენილების ამოქმედებიდან 2 თვის ვადით, დამტკიცდეს თანდართული „შპს „სახელმწიფო სამშენებლო კომპანიის“ სახსრებით საქონლისა და მომსახურების შესყიდვების სპეციალური წესი“.

მუხლი 2

დადგენილება ამოქმედდეს 2015 წლის 1 იანვრიდან.

პრემიერ-მინისტრი ირაკლი ღარიბაშვილი

შპს „სახელმწიფო სამშენებლო კომპანიის“ სახსრებით საქონლისა და მომსახურების შესყიდვების სპეციალური წესი

მუხლი 1. ზოგადი დებულებები

1. შპს „სახელმწიფო სამშენებლო კომპანიის“ სახსრებით საქონლისა და მომსახურების შესყიდვების სპეციალური წესი (შემდგომში – წესი) შემუშავებულია „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ა.თ“ ქვეპუნქტის შესაბამისად და ადგენს შპს „სახელმწიფო სამშენებლო კომპანიის“ სახსრებით ამ წესის №1 დანართით გათვალისწინებული საქონლისა და მომსახურების შესყიდვების სპეციალურ წესს.

2. ამ წესის მიზანია განსახორციელებელი მომსახურებისა და საქონლის შესყიდვების პროცედურების გამარტივება და შპს „სახელმწიფო სამშენებლო კომპანიის“ მიზნების შეუფერხებლად განხორციელების უზრუნველყოფა.

3. შპს „სახელმწიფო სამშენებლო კომპანიის“ მიერ სამუშაოებისა და ამ წესის №1 დანართით გაუთვალისწინებელი საქონლისა და მომსახურების შესყიდვაზე ვრცელდება საქართველოს კანონი „სახელმწიფო შესყიდვების შესახებ“ და სსიპ - სახელმწიფო შესყიდვების სააგენტოს თავმჯდომარის 2011 წლის 7 აპრილის №9 ბრძანება „გამარტივებული შესყიდვის, გამარტივებული ელექტრონული ტენდერისა და ელექტრონული ტენდერის ჩატარების წესის დამტკიცების შესახებ“.

4. ამ წესის მიხედვით, საქონლისა და მომსახურების შესყიდვების განხორციელებისას, შეიძლება გამოყენებულ იქნეს მსოფლიო ბანკის, გაერთიანებული ერების ორგანიზაციის, ევროპის რეკონსტრუქციისა და განვითარების ბანკის, აზიის განვითარების ბანკის, სხვა დონორი (დამფინანსებელი) ორგანიზაციებისა და ქვეყნების მიერ განსაზღვრული შესყიდვის პროცედურები, თუ შესყიდვის განხორციელებასთან დაკავშირებული სამართალურთიერთობის მონაწილე რომელიმე ზემოაღნიშნული სუბიექტია. იმ შემთხვევაში, თუ აღნიშნული სუბიექტები არ არიან შესყიდვის განხორციელებასთან დაკავშირებული სამართალურთიერთობის მონაწილენი, მათი, აგრეთვე, სხვა სუბიექტების შესყიდვის პროცედურები შესაძლებელია, გამოყენებულ იქნეს მხოლოდ საქართველოს მთავრობის განკარგულების საფუძველზე.

5. ამ წესის №1 დანართით გათვალისწინებული საქონლისა და მომსახურების შესყიდვების შესახებ გადაწყვეტილება მიიღება ამ წესის შესაბამისად.

მუხლი 2. ტერმინთა განმარტება

ამ წესში გამოყენებულ ტერმინებს აქვს შემდეგი მნიშვნელობა:

ა) შესყიდვა – შპს „სახელმწიფო სამშენებლო კომპანიის“ მიერ ამ წესის №1 დანართით განსაზღვრული თითოეული სახის საქონლისა და მომსახურების შესყიდვა;

ბ) შემსყიდველი ორგანიზაცია – შპს „სახელმწიფო სამშენებლო კომპანია“;

გ) შესყიდვის ობიექტი – ამ წესის №1 დანართით გათვალისწინებული შესასყიდი საქონელი ან/და მომსახურება;

დ) საქონელი – ნებისმიერი სახისა და აღწერილობის ქონება (გარდა უძრავი ქონებისა), როგორც მყარ, ისე თხევად ან აირად მდგომარეობაში, აგრეთვე, საქონლის მიწოდების თანმდევი მომსახურება, თუ ამ მომსახურების ღირებულება არ აღემატება საქონლის ღირებულებას;

ე) მომსახურება – შესყიდვის ნებისმიერი ობიექტი, საქონლისა და სამუშაოს გარდა. ამასთან, ამ წესის მიზნებისათვის, ტერმინი – მომსახურება მოიცავს იჯარას, ქირავნობასა და ლიზინგს;

ვ) ერთ პირთან მოლაპარაკება – ამ წესის №1 დანართით განსაზღვრული საქონლისა და მომსახურების შესყიდვებისას, გამარტივებული შესყიდვის საშუალება;

ზ) პირობათა გამოკითხვა – ამ წესის №1 დანართით განსაზღვრული საქონლისა და მომსახურების შესყიდვის საშუალება;

თ) გამარტივებული ელექტრონული ტენდერი – „სახელმწიფო შესყიდვების შესახებ“ საქართველოს კანონით გათვალისწინებული შესყიდვის საშუალება;

ი) ელექტრონული ტენდერი – „სახელმწიფო შესყიდვების შესახებ“ საქართველოს კანონით გათვალისწინებული შესყიდვის საშუალება;

კ) პრეტენდენტი – შესყიდვის მონაწილე პირი, რომელიც წარადგენს პირობათა გამოკითხვის წინადადებას;

ლ) მიმწოდებელი – პირი, რომელიც შპს „სახელმწიფო სამშენებლო კომპანიას“ აწვდის საქონელს ან/და უწევს მომსახურებას ამ წესის შესაბამისად;

მ) კომისია – შპს „სახელმწიფო სამშენებლო კომპანიის“ დირექტორის მიერ ამ წესის მე-6 მუხლის შესაბამისად შექმნილი კომისია;

ნ) სტრუქტურული ერთეული - შპს „სახელმწიფო სამშენებლო კომპანიის“ სასაწყობო მეურნეობები, ქარხნები, წარმოებები, საქმიანი ეზოები და სხვა.

მუხლი 3. შემსყიდველი ორგანიზაციის უფლება-მოვალეობები

შემსყიდველი ორგანიზაცია უფლებამოსილია:

ა) ამ წესის შესაბამისად მოახდინოს პრეტენდენტთა შერჩევა;

ბ) ამ წესის დაცვით შეარჩიოს მიმწოდებელი;

გ) ხელშეკრულების დადებამდე ნებისმიერ დროს შეაჩეროს ან შეწყვიტოს შესყიდვის პროცედურა;

დ) განახორციელოს მიმწოდებლის მიერ ხელშეკრულების პირობების შესრულების კონტროლი და ზედამხედველობა;

ე) შეაჩეროს ან შეწყვიტოს ხელშეკრულების მოქმედება საქართველოს კანონმდებლობით გათვალისწინებული შემთხვევების არსებობისას.

მუხლი 4. ინტერესთა კონფლიქტის თავიდან აცილების პირობები და წესები

ამ წესის შესაბამისად განხორციელებულ/განსახორციელებელ შესყიდვებზე ვრცელდება „სახელმწიფო შესყიდვების შესახებ“ საქართველოს კანონით დადგენილი ინტერესთა კონფლიქტის თავიდან აცილების პირობები.

მუხლი 5. შესყიდვის საშუალებები

1. შესყიდვის საშუალებებია:

ა) ერთ პირთან მოლაპარაკება;

ბ) პირობათა გამოკითხვა;

გ) გამარტივებული ელექტრონული ტენდერი;

დ) ელექტრონული ტენდერი.

2. შესყიდვა ხორციელდება პირობათა გამოკითხვის საშუალებით, თუ ამ მუხლით სხვა რამ არ არის გათვალისწინებული.

3. შესყიდვა შეიძლება განხორციელდეს ერთ პირთან მოლაპარაკების საშუალებით, თუ:

ა) ამ წესის №1 დანართით განსაზღვრული თითოეული სახის საქონლის ან მომსახურების ღირებულება 1 კალენდარული წლის განმავლობაში არ აღემატება 500 000 ლარს;

ბ) საქონლის მიწოდება ან მომსახურების გაწევა მხოლოდ ერთი პირის ექსკლუზიური უფლებაა;

გ) მიმწოდებლისაგან შესყიდული შესყიდვის ობიექტის ხარისხის გაუარესების თავიდან აცილების ან/და მისი შემდგომი ექსპლუატაციის უზრუნველყოფის მიზნით, აუცილებელია შესყიდვა იმავე მიმწოდებლისაგან, გარდა იმ შემთხვევებისა, როდესაც განსახორციელებელი შესყიდვისას, შესყიდვის ობიექტის სავარაუდო ღირებულება აღემატება თავდაპირველი მიწოდების ღირებულებას;

დ) ხორციელდება შესყიდული საქონლის ახალი, იმავე ან გაუმჯობესებული პარამეტრების მქონე საქონლით ჩანაცვლება;

ე) ამ წესის მე-13 მუხლის მე-2 პუნქტით გათვალისწინებული შემთხვევის არსებობისას;

ვ) კომისიის გადაწყვეტილებით, თუ ამგვარი გადაწყვეტილება გამოწვეულია ობიექტური გარემოებებით ან/და გამართლებულია დროის, ტექნიკურ-ეკონომიკური და ფინანსური თვალსაზრისით.

4. პირობათა გამოკითხვის პროცედურებს ახორციელებს კომისია.

5. შემსყიდველი ორგანიზაციის დირექტორის გადაწყვეტილებით, შესყიდვა შეიძლება განხორციელდეს გამარტივებული ელექტრონული ტენდერისა და/ან ელექტრონული ტენდერის საშუალებით.

6. ელექტრონული ტენდერისა და გამარტივებული ელექტრონული ტენდერის საშუალებებით შესყიდვა ხორციელდება „სახელმწიფო შესყიდვების შესახებ“ საქართველოს კანონის შესაბამისად.

7. შესყიდვის განხორციელებისას შესყიდვის ობიექტის ღირებულება არ უჯამდება ამ წესის №1 დანართით განსაზღვრული შესყიდული ან/და შესასყიდი საქონლისა და მომსახურების ღირებულებას, თუ:

ა) შესყიდვა ხორციელდება ამ მუხლის მე-3 პუნქტის „ბ“-„დ“ ქვეპუნქტებით და ამ მუხლის მე-5 პუნქტით გათვალისწინებული შემთხვევებით;

ბ) შესყიდვა ხორციელდება შემსყიდველი ორგანიზაციის სხვადასხვა სამშენებლო პროექტისა და სტრუქტურული ერთეულის საჭიროებისთვის;

გ) შესყიდვა გამართლებულია სახსრების რაციონალური ხარჯვის თვალსაზრისით;

დ) შესყიდვის განხორციელება გამოწვეულია ობიექტური პირობებით, რომლებსაც შემსყიდველი ორგანიზაცია წინასწარ ვერ გაითვალისწინებდა.

მუხლი 6. კომისიის შექმნისა და საქმიანობის წესი

1. პირობათა გამოკითხვას ატარებს კომისია, რომელსაც ბრძანებით ქმნის შემსყიდველი ორგანიზაციის დირექტორი, არანაკლებ 3 წევრის შემადგენლობით.

2. კომისიის წევრებად ინიშნებიან შემსყიდველი ორგანიზაციის თანამშრომლები.

3. კომისიას თავმჯდომარეობს შემსყიდველი ორგანიზაციის ხელმძღვანელობაზე უფლებამოსილების მქონე პირი ან მის მიერ დანიშნული პირი.

4. კომისიის გადაწყვეტილების საფუძველზე, კომისიაში ექსპერტებად და კონსულტანტებად, სათათბირო ხმის უფლებით, შეიძლება, მოწვეულ იქნენ შესაბამისი დარგის სპეციალისტები.

5. კომისია გადაწყვეტილებებს იღებს კომისიის წევრთა სიითი შემადგენლობის უმრავლესობით. კომისიის წევრს, რომელიც არ ეთანხმება კომისიის გადაწყვეტილებას, უფლება აქვს, წერილობით წარადგინოს თავისი აზრი, რომელიც უნდა დაერთოს კომისიის გადაწყვეტილებას. ხმათა თანაბრად განაწილების შემთხვევაში, გადამწყვეტია კომისიის თავმჯდომარის ხმა.

6. კომისიის სხდომის შესახებ დგება ოქმი, რომელსაც ხელს აწერენ სხდომაზე დამსწრე კომისიის წევრები და კომისიის თავმჯდომარე.

მუხლი 7. განცხადება პირობათა გამოკითხვის ჩატარების შესახებ

1. პირობათა გამოკითხვის ჩატარებისას, კომისია, შემსყიდველი ორგანიზაციის სახელით, პირობათა გამოკითხვის დოკუმენტაციას (შემდგომში – დოკუმენტაცია) უგზავნის მის მიერ შერჩეულ არანაკლებ სამ პირს. თუ ვერ მოხერხდა სამი პირის შერჩევა, ასეთ შემთხვევაში, პირობათა გამოკითხვის შესახებ განცხადებას აქვეყნებს საინფორმაციო საშუალებებში.

2. პირობათა გამოკითხვის ჩატარების შესახებ განცხადებაში მითითებულ უნდა იყოს:

ა) შემსყიდველი ორგანიზაციის რეკვიზიტები;

ბ) შესასყიდი საქონლის ან/და მომსახურების სახეობა, რაოდენობა, ხარისხი და სავარაუდო ღირებულება. იმ შემთხვევაში, თუ შესყიდვის ობიექტის (ნავთობპროდუქცია და სხვა მსგავსი საქონელი) ღირებულება თავისი სპეციფიკის გამო დამოკიდებულია საერთაშორისო სასაქონლო ბირჟაზე არსებულ ცვალებად ფასებზე, შესაძლებელია, შესყიდვის ობიექტის სავარაუდო ღირებულების დადგენისას, შემსყიდველმა ორგანიზაციამ გაითვალისწინოს შემსყიდველის მიერ განსაზღვრული მომენტისათვის კონკრეტულ საერთაშორისო სასაქონლო ბირჟაზე არსებული მაჩვენებელი. ასეთ შემთხვევაში, შესყიდვის ობიექტის სავარაუდო ღირებულების დასადგენად, გამოიყენება კანონქვემდებარე ნორმატიული აქტით გათვალისწინებული წესი, მიწოდების ადგილი და ფორმა, შესრულების ადგილი, აგრეთვე, სხვა მონაცემები, რომელთა მითითებას შპს „სახელმწიფო სამშენებლო კომპანია“ საჭიროდ მიიჩნევს შესყიდვის ობიექტის აღწერის მიზნით;

გ) შესასყიდი საქონლის მიწოდების ან/და მომსახურების გაწევის სასურველი ან სავალდებულო ვადები;

დ) პირობათა გამოკითხვის შესახებ წინადადებების წარდგენის ვადა, ადგილი და ენა;

ე) საკვალიფიკაციო მონაცემების დამადასტურებელი დოკუმენტები, ასეთის მოთხოვნის შემთხვევაში;

ვ) დოკუმენტაციის გატანის წესი, ვადა და ადგილი.

3. პირობათა გამოკითხვის ჩატარების შესახებ განცხადებას ამტკიცებს კომისია.

4. კომისიას უფლება აქვს, შეცვალოს პირობათა გამოკითხვის ჩატარების შესახებ განცხადებაში მითითებული ინფორმაცია. ეს ცვლილებები უნდა გამოქვეყნდეს იმავე საინფორმაციო საშუალებებში, რომლებშიც გამოქვეყნდა განცხადება პირობათა გამოკითხვის ჩატარების შესახებ, ასევე, მიეწოდოთ ინფორმაცია წერილობითი სახით იმ პრეტენდენტებს, რომელთაც დაეგზავნათ ან რომლებმაც გაიტანეს დოკუმენტაცია.

5. პირობათა გამოკითხვის ჩატარების შესახებ განცხადებაში შეტანილი ცვლილებები უნდა გამოქვეყნდეს გონივრულ ვადებში, შესყიდვის ობიექტის სპეციფიკიდან გამომდინარე.

მუხლი 8. საკვალიფიკაციო მონაცემები

შესყიდვის მონაწილეობის მსურველთათვის საკვალიფიკაციო მონაცემების შესახებ მოთხოვნებს, ყოველ კონკრეტულ შემთხვევაში, განსაზღვრავს კომისია.

მუხლი 9. პირობათა გამოკითხვის დოკუმენტაცია

1. კომისია დოკუმენტაციას ამტკიცებს პირობათა გამოკითხვის ჩატარების შესახებ განცხადების გაგზავნამდე ან მის გამოქვეყნებამდე.

2. დოკუმენტაცია უნდა შეიცავდეს:

ა) განაცხადს პირობათა გამოკითხვის პროცედურაში მონაწილეობისათვის;

ბ) ინფორმაციას ტექნიკური შესაბამისობის შესახებ (შესყიდვის ობიექტის დასახელება, შესყიდვის ობიექტის აღწერილობა);

გ) ინფორმაციას ფასებისა და მიწოდების გრაფიკის შესახებ;

დ) პირობათა გამოკითხვის წინადადებას;

ე) შეფასების კრიტერიუმებს.

მუხლი 10. პრეტენდენტთა პირობათა გამოკითხვის წინადადების წარდგენისა და განხილვის წესი

1. პირობათა გამოკითხვის წინადადების (შემდგომში – წინადადება) წარდგენა შესაძლებელია დახურული კონვერტით. შეთავაზებული წინადადებების შერჩევა ხდება პრეტენდენტთა თანდასწრებით.

2. პრეტენდენტებს უფლება აქვთ, კონვერტების გახსნამდე ნებისმიერ დროს წერილობით გამოითხოვონ ან შეცვალონ წინადადება.

3. შესული წინადადებების შერჩევა ხდება იმავე დღეს წინადადების მიღების დამთავრებისთანავე, ხოლო გამარჯვებული გამოვლინდება შერჩევის დასრულებიდან არა უგვიანეს 3 დღის ვადაში.

4. კომისია პრეტენდენტის დისკვალიფიკაციას ახდენს იმ შემთხვევაში, თუ:

ა) პრეტენდენტის მიერ არ არის წარდგენილი ყველა საჭირო დოკუმენტი (თანმხლები დოკუმენტების ჩათვლით) ან/და ინფორმაცია, საჭიროების შემთხვევაში – ნიმუში;

ბ) შესყიდვის პროცედურების დროს ადგილი ექნება პრეტენდენტის არაკეთილსინდისიერ ქმედებას.

5. შემსყიდველი იტოვებს უფლებას, წარდგენილ დოკუმენტაციაში რაიმე სახის ეჭვის გამოვლენის შემთხვევაში, მოსთხოვოს პრეტენდენტს აღნიშნული დოკუმენტის ხელახალი (დაზუსტებული) წარდგენა.

6. წინადადების შერჩევის დროს უნდა შემოწმდეს, არის თუ არა მასში დაშვებული მექანიკური შეცდომები. შეცდომების გამოვლენის შემთხვევაში, კომისიამ ამ წინადადების წარმდგენ პრეტენდენტს უნდა შესთავაზოს შეცდომის გამოსწორება.

7. კომისია ვალდებულია, ზეპირ ვაჭრობაზე მოიწვიოს ის პრეტენდენტები, რომლებიც შერჩევის პროცედურების დასრულების შემდეგ დაიშვებიან შეფასებაზე. ამასთან, ზეპირი ვაჭრობის დროს დასაშვებია მხოლოდ წინადადებით წარდგენილი ფასის შეცვლა.

8. წინადადებები შეფასდება დოკუმენტაციაში მითითებული კრიტერიუმებისა და ამ კრიტერიუმების პრიორიტეტულობის გათვალისწინებით.

9. წინადადების შეფასებისას, შეიძლება, გამოყენებულ იქნეს შემდეგი კრიტერიუმები:

ა) წინადადების ღირებულება;

ბ) საქონლის მიწოდებისა და მომსახურების გაწევის ვადები;

გ) საქონლისა და მომსახურების ხარისხობრივი პარამეტრები და ფუნქციონალური მახასიათებლები;

დ) ანგარიშსწორების ფორმები და პირობები.

10. შეფასებისას გამოყენებულ თითოეულ კრიტერიუმს უნდა გააჩნდეს ციფრობრივად გამოსახული ხვედრითი წონა ჯამურ შეფასებაში (პრიორიტეტულობის მაჩვენებელი), რომელიც უნდა გამოიხატოს კოეფიციენტის სახით, ამასთან, ყველა კრიტერიუმის პრიორიტეტულობის კოეფიციენტების ჯამი უნდა უდრიდეს ერთ მთელს. მათ შორის, ფასთა გამოკითხვის კოეფიციენტი გათვალისწინებული იქნება არანაკლებ 0.4-ით.

11. კომისიის თითოეული წევრი წერილობითი ფორმით აფასებს ყოველი პრეტენდენტის წინადადებას ცალ-ცალკე, ყოველი კრიტერიუმის მიხედვით, ათქულიანი სისტემით. თითოეული კრიტერიუმის მიხედვით პრეტენდენტისათვის მინიჭებული ქულა მრავლდება ამ კრიტერიუმის პრიორიტეტულობის კოეფიციენტზე, ხოლო მიღებული ნამრავლის დაჯამებით გამოითვლება თითოეული პრეტენდენტის წინადადების ჯამური შეფასება. კომისიის წევრის მიერ ერთ-ერთი პრეტენდენტისათვის მინიჭებული ყველაზე მაღალი ჯამური შეფასება ჩაითვლება ამ პრეტენდენტისათვის მიცემულ ერთ ხმად.

12. პრეტენდენტი გამარჯვებულად ჩაითვლება, თუ მას კომისიის წევრთა სიითი შემადგენლობის უმრავლესობის დასკვნით მიენიჭება უპირატესობა. ხმათა თანაბრად განაწილების შემთხვევაში, გადამწყვეტია კომისიის თავმჯდომარის დასკვნა.

13. კომისიის გადაწყვეტილება პირობათა გამოკითხვის პროცედურაში გამარჯვებული პრეტენდენტის შესახებ ფორმდება კომისიის სხდომის ოქმით, რომელსაც თან ერთვის კომისიის წევრთა დასკვნები. ოქმში აგრეთვე მოკლედ უნდა იყოს აღწერილი პრეტენდენტების მიერ წარდგენილი წინადადებები.

მუხლი 11. პირობათა გამოკითხვისას, ზეპირი ვაჭრობის ჩატარების წესი და პირობები

1. ზეპირი ვაჭრობა გაიმართება შემსყიდველი ორგანიზაციის მიერ დოკუმენტაციაში მითითებულ ადგილზე და დროს.

2. შემსყიდველი ორგანიზაცია უფლებამოსილია, დოკუმენტაციაში არ მიუთითოს ზეპირი ვაჭრობის დაწყების კონკრეტული დრო. ასეთ შემთხვევაში, შემსყიდველი ორგანიზაცია ვალდებულია, შერჩევის პროცედურის დასრულებისთანავე, დაადგინოს დოკუმენტაციაში მითითებულ დღეს ზეპირი ვაჭრობის დაწყების კონკრეტული დრო და ამის შესახებ აცნობოს შეფასებაზე დაშვებულ პრეტენდენტებს.

3. კომისია ვალდებულია, ზეპირ ვაჭრობაზე მოიწვიოს ის პრეტენდენტები, რომლებიც შერჩევის პროცედურების დასრულების შემდეგ დაიშვებიან შეფასებაზე.

4. ზეპირ ვაჭრობაზე გამოუცხადებლობა ან/და ზეპირ ვაჭრობაში მონაწილეობაზე უარი არ გამოიწვევს პრეტენდენტის დისკვალიფიკაციას. ასეთ შემთხვევაში, ძალაში რჩება და ფიქსირდება პრეტენდენტის მიერ წარდგენილი წინადადების პირვანდელი ფასი.

5. ზეპირი ვაჭრობის გამართვის დროს, კომისია წარუდგენს ზეპირი ვაჭრობის მონაწილე პრეტენდენტებს მათ მიერ წინადადებებით წარდგენილ ფასებს ან/და ერთეულის ფასებს (მათი არსებობის შემთხვევაში) (შემდგომში – ფასი). აღნიშნული ინფორმაციის მიღების შემდეგ თითოეულ მონაწილე პრეტენდენტს უფლება აქვს, სამჯერ მოახდინოს წინადადების ფასის ცვლა კლებადობის პრინციპის დაცვით.

6. ზეპირი ვაჭრობის მონაწილე პრეტენდენტების მიერ წინადადების ფასის ცვლა ხორციელდება რიგითობით. წინადადების ფასის ცვლას იწყებს შეფასებაზე დაშვებული უმაღლესი წინადადების ფასის მქონე და რიგითობის პრინციპით აგრძელებს ყოველი წინაზე უფრო დაბალი ფასის წარმდგენი.

7. ზეპირი ვაჭრობა დასრულებულად ითვლება ყოველი მონაწილის მიერ თავისი ფასის სამჯერ შეცვლის ან/და საბოლოო ფასის დაფიქსირების მომენტში. ზეპირი ვაჭრობის პროცედურა უნდა დასრულდეს მისი ჩატარების დღეს.

8. ზეპირი ვაჭრობის მსვლელობა, მათ შორის, თითოეული მონაწილე პრეტენდენტის წინადადების ფასი და ყოველ ჯერზე შეცვლილი დაფიქსირებული ფასი, უნდა აისახოს შესაბამის ოქმში, რომელსაც ხელს აწერენ კომისიის ყველა წევრი და მონაწილე პრეტენდენტები. ზეპირი ვაჭრობის მონაწილე პრეტენდენტების მიერ ოქმის ხელმოწერაზე უარის თქმა მიიჩნევა, როგორც უარი მის მიერ ზეპირ ვაჭრობაზე დაფიქსირებულ ყველა შეცვლილ ფასზე და ძალაში დარჩება მისი წინადადების პირვანდელი ფასი.

9. ზეპირ ვაჭრობაზე საბოლოო ფასების დაფიქსირების შემდეგ შეფასება ხორციელდება ამ წესის შესაბამისად.

მუხლი 12. გამარჯვებულ პრეტენდენტთან ხელშეკრულების დადება

1. ამ წესის შესაბამისად, გამარჯვებული პრეტენდენტის წინადადებით განსაზღვრული პირობების საფუძველზე, გამარჯვებულ პრეტენდენტსა და შპს „სახელმწიფო სამშენებლო კომპანიას“ შორის იდება ხელშეკრულება.

2. გამარჯვებული პრეტენდენტის დისკვალიფიკაციის ან მის მიერ ხელშეკრულების დადებაზე უარის თქმის შემთხვევაში, კომისია მიმართავს პირობათა გამოკითხვის პროცედურის მონაწილე დანარჩენ პრეტენდენტებს წინადადებათა ხელახალ განხილვაში მონაწილეობის თაობაზე. თუ არც ერთმა პრეტენდენტმა არ გამოთქვა თანხმობა წინადადებათა ხელახალ განხილვაში მონაწილეობის მიღების თაობაზე, ტარდება ხელახალი პირობათა გამოკითხვა. თუ წინადადებათა ხელახალ განხილვაში მონაწილეობაზე თანხმობა გამოთქვა ერთმა ან რამდენიმე პრეტენდენტმა, ხდება მათი წინადადებების ხელახალი განხილვა.

მუხლი 13. ჩაშლილი პირობათა გამოკითხვა

1. პირობათა გამოკითხვა ითვლება ჩაშლილად, თუ:

ა) დადგენილ ვადებში არ იქნა წარდგენილი არც ერთი პირის საკვალიფიკაციო მონაცემები და/ან წინადადება;

ბ) არც ერთი პირის მიერ წარდგენილი საკვალიფიკაციო მონაცემები ან/და წინადადება არ შეესაბამებოდა შპს „სახელმწიფო სამშენებლო კომპანიის“ მოთხოვნებს;

გ) წარდგენილი წინადადების ფასებიდან არც ერთი არ შეესაბამებოდა შპს „სახელმწიფო სამშენებლო კომპანიის“ ფინანსურ შესაძლებლობებს.

2. ამ მუხლის პირველი პუნქტით გათვალისწინებულ შემთხვევებში, ტარდება ხელახალი პირობათა გამოკითხვა, ან კომისიის გადაწყვეტილებით, აუცილებლობის შემთხვევაში, შესყიდვა ხორციელდება ერთ პირთან მოლაპარაკების საშუალებით.

მუხლი 14. ხელახალი პირობათა გამოკითხვა

1. პირობათა გამოკითხვის ჩაშლილად გამოცხადების შემდეგ, კომისიას შეაქვს საჭირო ცვლილებები ახალ დოკუმენტაციაში და ატარებს ხელახალ პირობათა გამოკითხვას.

2. ამ მუხლის პირველი პუნქტით გათვალისწინებულ შემთხვევაში, შპს „სახელმწიფო სამშენებლო კომპანიის“ დირექტორს უფლება აქვს, შეცვალოს კომისიის შემადგენლობა.

მუხლი 15. შესყიდვის შესახებ ხელშეკრულების პირობები და მათი გადასინჯვის წესი

1. შესყიდვის შესახებ ხელშეკრულება შეიძლება დაიდოს ზეპირი ან წერილობითი ფორმით, თუ ამ წესით სხვა რამ არ არის გათვალისწინებული.

2. შესყიდვის განხორციელება დასაშვებია წერილობითი ხელშეკრულების გარეშე, ერთ პირთან მოლაპარაკების საშუალებით, თუ შესყიდვის საერთო ღირებულება არ აღემატება 20 000 ლარს.

3. შესყიდვის შესახებ ხელშეკრულების შესრულების უზრუნველყოფის მიზნით, როგორც წესი, გამოიყენება ხელშეკრულების შესრულების გარანტირების მექანიზმი.

4. ხელშეკრულების შესრულების უზრუნველყოფის გარანტიის მექანიზმის მოთხოვნა სავალდებულოა, თუ ხელშეკრულების საერთო ღირებულება საქონლის ან/და მომსახურების შესყიდვის შემთხვევაში, შეადგენს ან აღემატება 200 000 ლარს, გარდა ამ მუხლის მე-8 პუნქტით გათვალისწინებული შემთხვევისა.

5. ავანსის უზრუნველყოფის გარანტიის მოთხოვნა სავალდებულოა, თუ ხელშეკრულებით გათვალისწინებულია წინასწარი ანგარიშსწორება (ავანსი) და მისი ოდენობა აღემატება ხელშეკრულების საერთო ღირებულების 50%-ს, გარდა ამ მუხლის მე-6 პუნქტით გათვალისწინებული შემთხვევისა.

6. შესყიდვის განხორციელებისას, დასაშვებია წინასწარი ანგარიშსწორება ავანსის უზრუნველყოფის გარანტიის მოთხოვნის გარეშე, თუ შესყიდვის ობიექტის ღირებულება არ აღემატება 5 000 ლარს.

7. ამ მუხლის მე-4 პუნქტით გათვალისწინებულ შემთხვევაში, ხელშეკრულების შესრულების გარანტია შეიძლება მოთხოვნილ იქნეს ხელშეკრულების ღირებულების 1%-იდან 5%-მდე ოდენობით.

8. ობიექტური პირობების არსებობისას, კომისიის გადაწყვეტილებით, ხელშეკრულების შესრულების უზრუნველყოფის გარანტია შეიძლება არ იქნეს მოთხოვნილი.

9. მიმწოდებელთან დადებული ხელშეკრულების პირობების გადასინჯვის წესი განისაზღვრება საქართველოს კანონმდებლობით.

მუხლი 16. ანგარიშის წარდგენა

1. შპს „სახელმწიფო სამშენებლო კომპანია“ განხორციელებული საქონლისა და მომსახურების შესყიდვების შესახებ ანგარიშს ყოველწლიურად წარუდგენს სსიპ - სახელმწიფო შესყიდვების სააგენტოს არა უგვიანეს მომდევნო წლის 20 თებერვლისა.

2. ანგარიში წარდგენილ უნდა იქნეს ამ წესის №2 და №3 დანართების შესაბამისად.

დანართი №1

შპს „სახელმწიფო სამშენებლო კომპანიის“ მიერ ამ წესის შესაბამისად შესასყიდი საქონლისა და მომსახურების ჩამონათვალი

საქონელი
1	სამუშაო იარაღები და ხელსაწყოები
2	სპეცტანსაცმელი და აღჭურვილობა
3	რეციკლირების მანქანის საჭრისები, საჭრისის ბუდეები, საჭრისის ბუდის ძირები და საჭრისის ბუდეების სამაგრები
4	რაციები, ტელესაკომუნიკაციო აპარატურა და მოწყობილობა -დანადგარები
5	ოპტიკური ხელსაწყოები
6	გეოლოგიური და გეოფიზიკური ხელსაწყოები
7	სხვადასხვა მასალის მილები
8	გრეიდერის სათადარიგო ნაწილები
9	„ვირტგენ ინტერნაციონალის“ ჯგუფში შემავალი სპეც. ტექნიკის სათადარიგო ნაწილები
10	„კატერპილარის“ ჯგუფში შემავალი სპეც. ტექნიკის სათადარიგო ნაწილები
11	ავტომანქანებისა და სამშენებლო ტექნიკის სათადარიგო ნაწილები
12	სპეც. სამშენებლო ტექნიკა
13	სამეურნეო და საკანცელარიო საქონელი
14	ქვის სამსხვრევი საამქროს მალცვეთადი ნაწილები
15	ქვის სამსხვრევი საამქროს სათადარიგო ნაწილები
16	ქვის სამსხვრევის ელ. ნაწილები და აგრეგატები
17	სამსხვრევის ყბები
18	ქვის სამსხვრების ბადეები
19	ტრანსპორტიორის ლენტები
20	ბეტონის ქარხნის მალცვეთადი ნაწილები
21	ბეტონის ქარხნის სათადარიგო ნაწილები
22	ბეტონის ქარხნის ელ. ნაწილები და აგრეგატები
23	ბიტუმი
24	ბიტუმის ემულსია
25	ბიტუმის მასტიკა და სხვა სპეციალური დანიშნულების ნავთობპროდუქტები
26	სამშენებლო მასალები
27	გენერატორები
28	ღორღი და სხვადასხვა ფრაქციის ქვიშა-ღორღოვანი მასალები
29	სპეც. ზეთები და საცხებ-საპოხი მასალები
30	დიზელის საწვავი
31	ბენზინი
32	საგზაო ნიშნები, ბოძკინტები, თვალამრიდები
33	გამაფრთხილებელი ნიშნები
34	არმირებული გრუნტის ელემენტები
35	სხვადასხვა ჭურჭელი-რეზერვუარი
36	ჟანგბადი, ჟანგბადის ბალონები
37	თხევადი გაზი
38	ბეტონის ქარხანა
39	მუშებისა და მომსახურე პერსონალის საცხოვრებელი ვაგონები
40	სასაწყობე ვაგონები
41	ელექტრონული აღრიცხვის სისტემები
42	სარქველები
43	ურდულები
44	კონსტრუქციული მასალები
45	ქვიშა-ხრეშის ნარევი
46	საბეტონე მასალა
47	ყვითელი ქვიშა
48	პემზა
49	კიბეები
50	კიბის საფეხურები
51	ბეტონის ჭები
52	პოლიეთილენის ჭები
53	ლიუკებისა და ჭების ელემენტები
54	ლიუკებისა და ჭების სახურავები
55	საკეტიანი კაბინები და კარადები
56	ლამპიონები
57	გარე განათება
58	განათების სისტემები
59	ბეტონისა და ქვის ფილები
60	მოზაიკური ფილები
61	ბუნებრივი ქვის ფილები
62	კედლისა და იატაკის კერამიკული ფილები
63	საოფისე და კომპიუტერული მანქანები, აქსესუარები, მოწყობილობები და მარაგი პროგრამების პაკეტის ჩათვლით
64	ლამინატისა და ხის პლინტუსები
65	ხის პარკეტი
66	სხვადასხვა დანიშნულების ავეჯი და აქსესუარები
67	ლამინირებული პარკეტი
68	ლინოლეუმი
69	კარ-ფანჯრების საკეტები და მოწყობილობები (ფურნიტურა)
70	ხის და მონათესავე მასალის კარ-ფანჯრები
71	მეტალოპლასტმასის კარ-ფანჯრები
72	მეტალის კარ-ფანჯრები
73	მინა, მინა პაკეტი
74	ქლორვინილის ქაფი
75	ხის კოჭები
76	გადასახური მასალები
77	მეტალოკრამიტი
78	ფურცლოვანი თუნუქი
79	პოლიკარბონატი
80	წყალშემკრები ძაბრები
81	სანტექნიკური მასალები
82	პოლიმერული მასალის წყალსადენის მილები
83	პოლიეთილენის მუხლები
84	პოლიეთილენის სამკაპები
85	პოლიეთილენის რედუქტორები
86	პოლიეთილენის ადაპტორები
87	პოლიეთილენ ფოლადის გადამყვანები
88	პოლიეთილენ თუჯის გადამყვანები
89	პოლიეთილენის ე/შ ქუროები
90	პოლიეთილენის ე/შ უნაგირები
91	პოლიეთილენის ჯვარედინები
92	სახანძრო ჰიდრანტები
93	თუჯის შიბერული ურდულები
94	ჭედადი თუჯის ურდულები
95	თუჯის სოლისებრი ურდულები
96	თუჯის დროსირებული ურდულები
97	თუჯის საჰაერო ურდულები
98	ვენტილები (ხრახნიანი)
99	რკინის ფლანეცები
100	შესადუღებელი აპარატები
101	ელექტროდები
102	ფოლადის დემონტირებადი ქუროები
103	ლითონის მილები
104	ლითონის კვადრატული მილები
105	ლითონის კუთხოვანა
106	შველერები
107	კონდიცირებისა და სავენტილაციო სისტემის მასალები და დანადგარები
108	კანალიზაციისა და ვენტილაციის პლასტმასის მილები
109	კანალიზაციის მასალები
110	თბოიზოლაციის მასალები
111	ჰიდრო და თბოსაიზოლაციო მასალები
112	ელექტრო, გაზისა და წყლის მრიცხველები
113	წყალსადენის მასალები
114	უნიტაზები
115	პირსაბანი ნიჟარები
116	საშხაპის ქვესადგამები
117	ონკანები
118	სანათები, ნათურები, ჭაღები
119	ელექტრო ფურნიტურა
120	ელექტრო კაბელები
121	სამონტაჟო მასალები
122	ელექტრო სამონტაჟო მასალები
123	ელექტრო გამანაწილებელი ფარები
124	წყალემულსიის საღებავები
125	ზეთოვანი საღებავები
126	ფასადის საღებავები
127	საფითხნი მასალა („შპაკლი“), შპალერი და სხვა საფარი
128	თაბაშირ-მუყაოს ფილები
129	თაბაშირ-მუყაოს ნესტგამძლე ფილები
130	პლასტიკატის შეკიდული ჭერის მასალები, ამსტრონგის ფილები
131	სამსხმელო ყალიბები/ფორმები
132	ხარაჩოები
133	ხისა და მონათესავე პროდუქტის საყალიბე მასალა
134	ხის მასალა
135	ლურსმნები
136	გაზქურები, გაზისა და დენის გამათბობლები
137	წყლის გამაცხელებლები
138	მყარი საწვავი
139	ქიმიური პროდუქტები
140	ქუჩების, ბაღების გასაფორმებელი სეზონური მცენარეები, ბალახი, ბალახის თესლი
141	წიწვოვანი და ფოთლოვანი ხე-მცენარეები და ნერგები
142	მუშებისა და მომსახურე პერსონალის საკვები
143	საყოფაცხოვრებო დანიშნულების ჭურჭელი
144	თეთრეული, ლეიბები, ბალიშები, საბნები, პირსახოცები
145	არმატურა დ=6მმ
146	არმატურა დ=8მმ
147	არმატურა დ=10მმ
148	არმატურა დ=12მმ
149	არმატურა დ=14მმ
150	არმატურა დ=16მმ
151	არმატურა დ=18მმ
152	არმატურა დ=20მმ
153	არმატურა დ=22მმ
154	არმატურა დ=25მმ
155	არმატურა დ=28მმ
156	არმატურა დ=32მმ
157	არმატურა დ=36მმ
158	არმატურა დ=40მმ
159	სპეცარმატურა
160	არმატურის საჭრელები და საღუნები
161	მავთული შესაკრავი
162	მავთული შედუღების
163	გლინულა დ=2-6მმ
164	გლინულა დ=6-12მმ
165	ორტესებრი ძელები №10-18
166	ორტესებრი ძელები №20-36
167	შველერები
168	კუთხოვანა 20X20X2,5-დან 45X45X5-მდე
169	კუთხოვანა 50X50X3-დან 100X100X10-მდე
170	კვადრატი 6X6-დან 16X16-მდე
171	კვადრატი 18X18-დან 32X32-მდე
172	შიფერი თუნუქის მოთუთიებული
173	მეტალოპროფილი
174	მეტალოპროფილი გალვანიზებული
175	პენოპლასტირი
176	მეტალოფურცელი, მეტალოკრამიტი
177	პარაგრიტები
178	ტერამიშები
179	გაბიონები
180	ბიომატერია
181	გეოტექსტილი
182	რენოს მატრასები
183	სპილენძის რგოლები, სტეპლერები
184	თუნუქი ფურცლოვანი 0,5მმ-დან 0,8მმ-დე
185	თუნუქი ფურცლოვანი 1,0მმ-დან-1,4მმ-მდე
186	ზოლოვანა 18X3-დან 50X3-მდე
187	ზოლოვანა 50X4-დან 100X10-მდე
188	შავი ლითონის კონსტრუქციები
189	ბადეები წყობის, უჯრედის
190	მოაჯირის ბადეები, მოაჯირის ელემენტები
191	ბადეები, ეკალმავთული
192	თოკები, ტროსები, საჭიმები
193	გისოსები სხვადასხვა ფორმის
194	ლითონის ვიტრაჟები
195	მდფ-კარები
196	ავტოფარეხის კარები
197	გოფრირებული კარები
198	ფარდა-ჟალუზები
199	სხვადასხვა მასალისა და დანიშნულების კარები
200	სპეციალური დანიშნულების კარები
201	სვეტების კონსტრუქციები, ფერმის კონსტრუქციები, რიგელების კონსტრუქციები
202	განათების ანძები რადიორელეური
203	ფოლადის მილები დ=15მმ
204	ფოლადის მილები დ=20მმ
205	ფოლადის მილები დ=25მმ
206	ფოლადის მილები დ=32მმ
207	ფოლადის მილები დ=40მმ
208	ფოლადის მილები დ=50მმ
209	ფოლადის მილები დ=57მმ
210	ფოლადის მილები დ=65მმ
211	ფოლადის მილები დ=80მმ
212	ფოლადის მილები დ=90მმ
213	ფოლადის მილები დ=100მმ
214	ფოლადის მილები დ=100-150მმ
215	ფოლადის მილები დ=150-250მმ
216	ფოლადის მილები დ=250-500მმ
217	ფოლადის მილები დ=500მმ და ზევით
218	ფოლადის ელექტროშედუღებადი მილები
219	მაგისტრალური ნავთობსადების მილები
220	კერამიკული მილები, თუჯის მილები
221	პოლივინილპლასტის მილები
222	კანალიზაციის გოფრირებული მილები
223	გოფრირებული მილები
224	ფერადი ლითონები, ფერადი ლითონის ნაკეთობები
225	ძვირფასი ლითონები, ძვირფასი ლითონის ნაკეთობები
226	აგური თიხის, კერამიკული
227	აგური თიხის, კერამიკული ორმაგი
228	აგური თიხის, მოსაპირკეთებელი
229	აგური თიხის, ფასადის
230	თიხის სატიხრე კერამიკული ბლოკი
231	აგური სილიკატური
232	ბეტონის ბლოკი წერტილოვანი საფუძვლის
233	ბეტონის ბლოკი საძირკვლის
234	ბეტონის ბლოკი ზეძირკვლის
235	ბლოკი მცირე ზომის
236	ტიხრის ბლოკი
237	ბეტონის სასარტყლე ბლოკი
238	ფასადის მოსაპირკეთებელი ბლოკი
239	ბეტონის წყლის სანიაღვრე ფილა
240	რკინაბეტონის მილები
241	ტეტრაპოდები
242	რკინაბეტონის ნაკეთობები
243	რკინაბეტონის ხიმინჯები L=6,5-9მ-მდე
244	რკინაბეტონის ხიმინჯები L=9მ-მეტი
245	რკინაბეტონის ზღუდარი
246	რკინაბეტონის გადახურვის ფილები
247	სასაქონლო ბეტონი მძიმე (ღორღის) კონსტრუქციული მ-50, მ-75 (B-7)
248	სასაქონლო ბეტონი მძიმე (ღორღის) კონსტრუქციული მ-100, (B-7,5)
249	სასაქონლო ბეტონი მძიმე (ღორღის) კონსტრუქციული მ-150, (B-11)
250	სასაქონლო ბეტონი მძიმე (ღორღის) კონსტრუქციული მ-200, (B-15)
251	სასაქონლო ბეტონი მძიმე (ღორღის) კონსტრუქციული მ-250, (B-18,5)
252	სასაქონლო ბეტონი მძიმე (ღორღის) კონსტრუქციული მ-270, (B-20)
253	სასაქონლო ბეტონი მძიმე (ღორღის) კონსტრუქციული მ-300, (B-22,5)
254	სასაქონლო ბეტონი მძიმე (ღორღის) კონსტრუქციული მ-327, (B-25)
255	სასაქონლო ბეტონი მძიმე (ღორღის) კონსტრუქციული მ-400, (B-30)
256	სასაქონლო ბეტონი მძიმე (ღორღის) კონსტრუქციული მ-460, (B-35)
257	სასაქონლო ბეტონი მძიმე (ღორღის) კონსტრუქციული მ-521, (B-40)
258	სასაქონლო ბეტონი მძიმე (ხრეშოვანი) მომზადებისათვის მ-50, მ-75
259	სასაქონლო ბეტონი მძიმე (ხრეშოვანი) მომზადებისათვის მ-100
260	სასაქონლო ბეტონი მძიმე (ხრეშოვანი) მომზადებისათვის მ-200
261	სასაქონლო მსუბუქი ბეტონი მ-50
262	სასაქონლო მსუბუქი ბეტონი მ-75
263	სასაქონლო მსუბუქი ბეტონი მ-100
264	სასაქონლო სულფატმედეგი ბეტონი მ-100 (B-7,5)
265	სასაქონლო სულფატმედეგი ბეტონი მ-150 (B-11)
266	სასაქონლო სულფატმედეგი ბეტონი მ-200 (B-15)
267	სასაქონლო სულფატმედეგი ბეტონი მ-270 (B-20)
268	სასაქონლო სულფატმედეგი ბეტონი მ-300 (B-22,5)
269	სასაქონლო სულფატმედეგი ბეტონი მ-320 (B-25)
270	ცემენტი მ-300
271	ცემენტი მ-400
272	ცემენტი მ-500
273	ცემენტი მ-300 (ნაყარი)
274	ცემენტი მ-400 (ნაყარი)
275	ცემენტი მ-500 (ნაყარი)
276	სულფატომედეგი ცემენტი
277	დეკორატიული ცემენტი
278	ჰიდროსაიზოლაციო ცემენტი
279	ცემენტის მზა ნარევი ჭიმის მოსაწყობათ
280	ბეტონის ანტიფრიზი
281	ცარცი, გაჯი
282	საბურულე მასალები
283	წიდა
284	სახიდე გადასასვლელები
285	სახიდე გადასასვლელების ელემენტები
286	ხსნარი წყობის
287	ხსნარი მოსაპირკეთებელი
288	ასფალტობეტონი მსხვილმარცვლოვანი
289	ასფალტობეტონი საშუალომარცვლოვანი
290	ასფალტობეტონი წვრილმარცვლოვანი
291	ასფალტობეტონი ტროტუარის
292	ფილერი
293	სამშენებლო ქიმია
294	სენდვიჩ პანელები
295	სენდვიჩ გადახურვა
296	რადიატორები
297	გათბობის ქვაბები
298	სანთურები
299	კოლექტორები
300	სამაცივრო დანადგარები
301	ლიფტები
302	ხანძარსაწინააღმდეგო მოწყობილობები და აქსესუარები
303	ჯაჭვები, ბაგირები, გვარლები, თოკები
304	ავტობიტუმმზიდები
305	ავტოცემენტმზიდები
306	შასი თვითმავალი
307	კოშკურა ამწეები
308	ჯოჯგინა ამწეები
309	ამწეები საავტომობილო სვლაზე
310	ამწეები მუხლუხა სვლაზე
311	ჯალამბარები
312	სასწორები
313	კონვეიერი ლენტური
314	გრეიდერები მცირე სიმძლავრის
315	გრეიდერები საშუალო სიმძლავრის
316	გრეიდერები მაღალი სიმძლავრის
317	კომპრესორი მოძრავი
318	კომპრესორი თვითმოძრავი
319	ექსკავატორი ერთციცხვიანი 0,25-1 კუბ.მ
320	ექსკავატორი ერთციცხვიანი 1-2,5 კუბ.მ
321	ექსკავატორი კოდალა
322	ქანმგრევი მექანიზმები
323	მუხლუხა ექსკავატორი
324	პნევმატურთვლებიანი ექსკავატორი
325	ბულდოზერები 37-79 კვტ
326	ბულდოზერები 96-228 კვტ
327	ბულდოზერ-გამფხვიერებლები
328	ორმოსმთხრელი მანქანები
329	ბეტონმრევები
330	ბეტონის ტუმბოები
331	ავტოგუდრონატორები
332	სატკეპნი ვიბრაციული
333	სატკეპნი გლუვი
334	სატკეპნი თვითმავალი პნევმოსვლაზე
335	ქვაბი ბიტუმის მოძრავი
336	მოსარწყავ-მოსარეცხი მანქანა
337	ასფალტობეტონის დამგები
338	ხიმინჯის აგრეგატები
339	საბურღი აგრეგატები
340	საველე მილშესადუღებელი ბაზა
341	ბიტუმსადნობი აგრეგატები
342	ანკერების ჩასახრახნი მანქანა
343	დასაწნეხი აგრეგატები
344	ავტობეტონმრევი
345	ავტოთვითმცლელები 12-27ტ
346	ავტოთვითმცლელები 40-180 ტ
347	სანგრევი ჩაქუჩები
348	ავტომობილები ბორტიანი
349	ავტოთვითსაცლელი
350	საწევარი-ტრაილერები
351	ელექტრომოწყობილობები ძრავებისა და სატრანსპორტო საშუალებებისათვის
352	განათების არმატურა, განათების სისტემები
353	სპეციალური დანიშნულების ელექტროკაბელები
354	ელექტრო მოწყობილობები და აპარატურა
355	წყლის ტუმბოები
356	სამედიცინო ყუთები, მედიკამენტები, პირველადი დახმარების საშუალებები, საყოფაცხოვრებო მოხმარების ნივთები
357	მოწყობილობები სანიტარიული მომსახურებებისათვის
358	ბლოკის საჭრელი დანადგარები
359	მსუბუქი ავტომობილები
360	მაღალი გამავლობის ავტომობილები
361	რაფის ტიპის ავტომობილები
362	ფრაქციული ღორღი 0-5
363	ფრაქციული ღორღი 0-20
364	ფრაქციული ღორღი 0-40
365	ფრაქციული ღორღი 0-80
366	ბალასტი
367	ფლეთილი ქვა
368	საგზაო ზღუდარები და მათი ცალკეული ელემენტები
369	ადგეზიური დანამატი
370	ასფალტობეტონის ქარხანა
371	ასფალტობეტონის ქარხნის მალცვეთადი ნაწილები
372	ასფალტობეტონის ქარხნის ელ. ნაწილები და აგრეგატები
373	ასფალტობეტონის ქარხნის სათადარიგო ნაწილები
374	სხვადასხვა ქიმიური დანამატები ასფალტის წარმოებისთვის
375	მობილური ქვის სამსხვრევი აგრეგატები
376	სტაციონარული ქვის სამსხვრევი აგრეგატები
მომსახურება
377		საპროექტო მომსახურება
378		რუკების ბეჭდვა
379		ნებართვებისა და სპეცფორმების აღება
380		„ვირტგენ ინტერნაციონალის“ ჯგუფში შემავალი სპეც. ტექნიკის რემონტი
381		„კატერპილარის“ ჯგუფში შემავალი სპეც. ტექნიკის რემონტი
382		ქვის სამსხვრევი საამქროს რემონტი
383		ბეტონის ქარხნის კვანძების რემონტი
384		ა/მანქანებისა და სამშენებლო ტექნიკის ტექნიკური მომსახურება
385		ა/მანქანებისა და სამშენებლო ტექნიკის რემონტი
386		მძიმე გაბარიტული და არაგაბარიტული ტვირთების ტრანსპორტირება
387		ა/მანქანებისა და სპეცტექნიკის ტექდათვალიერება
388		დაზგა-დანადგარებისა და ელ. გენერატორების რემონტი
389		იურიდიული, სანოტარო, აუდიტური, საკონსულტაციო, საინფორმაციო, სარეკლამო, სადაზღვევო, თარგმნისა და ფოსტის მომსახურებები
390		კომპიუტერული მომსახურება და პროგრამული უზრუნველყოფა
391		ექსპერტიზის მომსახურება
392		საბროკერო და საშუამავლო მომსახურება
393		ლაბორატორიული მომსახურება
394		წარმომადგენლობითი ხარჯები
395		დაცვის მომსახურება
396		სატრანსპორტო მომსახურება
397		სპეც. ტექნიკით მომსახურება
398		ა/მანქანებისა და სპეც. ტექნიკის იჯარა
399		მუშებისა და მომსახურე პერსონალის კვება
400		ასფალტის ქარხნის კვანძების რემონტი
401		სამრეცხაო მომსახურეობა
402		ბეჭდვა და მასთან დაკავშირებული მომსახურებები
403		სამხერხაო მომსახურება
404		სატყეო მომსახურებასთან დაკავშირებული მომსახურებები
405		სოფლის მეურნეობასთან დაკავშირებული მომსახურებები
406		გრეიდერების იჯარა
407		გრეიდერებით მომსახურება
408		ექსკავატორების იჯარა
409		ექსკავატორებით მომსახურება
410		ავტოდამტვირთავების იჯარა
411		ავტოდამტვირთავებით მომსახურება
412		ბულდოზერების იჯარა
413		ბულდოზერებით მომსახურება
414		„კატერპილარის“ ჯგუფში შემავალი ბულდოზერების იჯარა
415		„კატერპილარის“ ჯგუფში შემავალი ბულდოზერებით მომსახურება
416		სატკეპნების იჯარა
417		სატკეპნებით მომსახურება
418		ვიბროსატკეპნის იჯარა
419		ვიბროსატკეპნით მომსახურება
420		რესაიკლერის იჯარა
421		რესაიკლერით მომსახურება
422		საბურღი აგრეგატებით მომსახურება
423		საბურღი აგრეგატების იჯარა
424		ფრეზის იჯარა
425		ფრეზით მომსახურება
426		მაღალი ტევადობის თვითმცლელების იჯარა
427		მაღალი ტევადობის თვითმცლელებით მომსახურება
428		ავტოთვითმცლელების იჯარა
429		ავტოთვითმცლელებით მომსახურება
430		ასფალტის დამგების იჯარა
431		ასფალტის დამგებით მომსახურება
432		ემულსიამზიდის იჯარა
433		ემულსიამზიდით მომსახურება
434		ემულსიის მოსასხმელი მანქანის იჯარა
435		ემულსიის მოსასხმელი მანქანით მომსახურება
436		წყლის მზიდი მანქანების იჯარა
437		წყლის მზიდი მანქანებით მომსახურება
438		დასასუფთავებელი მანქანების იჯარა
439		დასასუფთავებელი მანქანებით მომსახურება
440		ავტოამწეების იჯარა
441		ავტოამწეებით მომსახურება
442		ამწეების იჯარა
443		ამწეებით მომსახურება
444		ბეტონმზიდი მანქანების იჯარა
445		ბეტონმზიდი მანქანებით მომსახურება
446		ტრაილერების იჯარა
447		ტრაილერებით მომსახურება
448		ქანმნგრევი მექანიზმებით მომსახურება
449		ქანმნგრევი მექანიზმების იჯარა
450		ბეტონის დამგების იჯარა
451		ბეტონის დამგებით მომსახურება
452		გრუნტის ტრანსპორტირების მომსახურება
453		ბალასტის ტრანსპორტირების მომსახურება
454		სატვირთო მანქანების დაქირავება მძღოლებთან ერთად
455		ავტომობილების დაქირავება მძღოლებთან ერთად
456		ქვიშა-ხრეშის ტრანსპორტირების მომსახურება
457		ბიტუმის ტრანსპორტირების მომსახურება
458		არმატურის ტრანსპორტირების მომსახურება
459		ხე-ტყის ტრანსპორტირების მომსახურება
460		სამშენებლო ბლოკის ტრანსპორტირების მომსახურება
461		შეფუთული ცემენტის ტრანსპორტირების მომსახურება
462		ნაყარი ცემენტის ტრანსპორტირების მომსახურება
463		ქვიშის ტრანსპორტირების მომსახურება
464		გაჯის ტრანსპორტირების მომსახურება
465		ტეტრაპოდების ტრანსპორტირების მომსახურება
466		ფლეთილი ლოდების, ფლეთილი ქვის ტრანსპორტირების მომსახურება
467		კარ-ფანჯრების მონტაჟისა და რეგულირების მომსახურება
468		საკეტების მონტაჟისა და რეგულირების მომსახურება
469		ტუმბოების იჯარა
470		ტუმბოების შეკეთება და მომსახურება
471		სარქველების შეკეთება და მომსახურება
472		ონკანების შეკეთება და მომსახურება
473		ძრავების, ტრანსფორმატორებისა და გენერატორების მონტაჟი
474		ელექტროგამანაწილებელის და საკონტროლო მოწყობილობების მონტაჟი
475		ელექტრო და მექანიკური მოწყობილობების მონტაჟი
476		საინჟინრო მომსახურება
477		ტექნიკური შემოწმება, ანალიზი და საკონსულტაციო მომსახურება
478		მონიტორინგი და კონტროლი
479		კვლევასა და დამუშავებასთან დაკავშირებული საკონსულტაციო მომსახურებები
480		კვლევისა და დამუშავების დაპროექტება და განხორციელება
481		საყალიბე მასალის იჯარა
482		კონსტრუქციული მასალების იჯარა
483		დასუფთავება და სანიტარიული მომსახურება
484		ასფალტობეტონის ქარხნის კვანძების რემონტი
485		ქვის სამსხვრევი აგრეგატების იჯარა
486		ასფალტობეტონის ქარხნის იჯარა
487		ქვის სამსხვრევი აგრეგატებით მომსახურება
488		ასფალტობეტონის ქარხნით მომსახურება

დანართი №2

ანგარიში

შპს „სახელმწიფო სამშენებლო კომპანიის“ მიერ _____ წელს ერთ პირთან მოლაპარაკების საშუალებით განხორციელებული შესყიდვების შესახებ

№	მიმწოდებელი მხარის დასახელება	მიწოდებული საქონლის ღირებულება	გაწეული მომსახურების ღირებულება	შესყიდვის საერთო ღირებულება	შესყიდვისათვის ფაქტობრივად გადახდილი თანხა

დანართი №3

ანგარიში

შპს „სახელმწიფო სამშენებლო კომპანიის“ მიერ _____ წელს პირობათა გამოკითხვის საშუალებით განხორციელებული შესყიდვების შესახებ

№	მიმწოდე ბელი მხარის დასახელება	მიწოდებული საქონლის ან გაწეული მომსახურების დასახელება	მიწოდებული საქონლის ან გაწეული მომსახურების ღირებულება	შესყიდვის შედეგად დადებული ხელშეკრუ ლების მოქმედების ვადა	შესყიდვი სათვის ფაქტობრივად გადახდილი თანხა