დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესისა და პირობების, აგრეთვე პრივატიზების შედეგად ამონაგები თანხის განაწილების წესის დამტკიცების თაობაზე“ საქართველოს ფინანსთა მინისტრის 2012 წლის 2 აგვისტოს №310 ბრძანებაში ცვლილების შეტანის შესახებ | |
|---|---|
| დოკუმენტის ნომერი | 396 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 29/12/2014 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 30/12/2014 |
| ძალის დაკარგვის თარიღი | 18/06/2016 |
| სარეგისტრაციო კოდი | 040030000.22.033.016699 |
|
„საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესისა და პირობების, აგრეთვე პრივატიზების შედეგად ამონაგები თანხის განაწილების წესის დამტკიცების თაობაზე“ საქართველოს ფინანსთა მინისტრის 2012 წლის 2 აგვისტოს №310 ბრძანებაში ცვლილების შეტანის შესახებ
|
,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
,,საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესისა და პირობების, აგრეთვე პრივატიზების შედეგად ამონაგები თანხის განაწილების წესის დამტკიცების თაობაზე“ საქართველოს ფინანსთა მინისტრის 2012 წლის 2 აგვისტოს №310 ბრძანებით (ვებგვერდი, 02/08/2012, სარეგისტრაციო კოდი: 040030000.22.033.016432) დამტკიცებული ,,საჯარო სამართლის იურიდიული პირის – საქართველოს ფინანსთა სამინისტროს მომსახურების სააგენტოსათვის განსაკარგავად გადაცემული ქონების აღრიცხვის, შენახვის, შეფასებისა და განკარგვის წესის და პირობების“ (დანართი №1):
1. მე-7 მუხლს დაემატოს შემდეგი შინაარსის 133 პუნქტი: ,,133. თუ ინტერნეტაუქციონში გამარჯვებული კანონმდებლობით დადგენილ ვადაში სრულად არ გადაიხდის ქონების საპრივატიზებო საფასურს ან არ უზრუნველყოფს ქონების გატანას კანონმდებლობით დადგენილ ან/და სააგენტოს მიერ განსაზღვრულ დამატებით ვადაში, ინტერნეტაუქციონი გამოცხადდება იმავე პირობებით, რა პირობებითაც გამოცხადებული იყო წინა აუქციონი.“. 2. მე-8 მუხლს დაემატოს შემდეგი შინაარსის მე-15 პუნქტი: ,,15. თუ აუქციონში გამარჯვებული სააგენტოს მიერ დადგენილ ვადაში სრულად არ გადაიხდის ქონების საპრივატიზებო საფასურს ან არ უზრუნველყოფს ქონების გატანას კანონმდებლობით დადგენილ ან/და სააგენტოს მიერ განსაზღვრულ დამატებით ვადაში, საჯარო აუქციონი გამოცხადდება იმავე პირობებით, რა პირობებითაც გამოცხადებული იყო წინა აუქციონი.“. 3. მე-13 მუხლის პირველი პუნქტი ჩამოყალიბდეს შემდეგი რედაქციით: ,,1. აუქციონის შედეგები უქმდება, თუ: ა) აუქციონში გამარჯვებულმა კანონმდებლობით დადგენილ ან სააგენტოს მიერ განსაზღვრულ ვადაში სრულად არ გადაიხადა საპრივატიზებო საფასური; ბ) საჯარო აუქციონში გამარჯვებულმა ნასყიდობის ხელშეკრულების ხელმოწერაზე უარი განაცხადა; გ) აუქციონში გამარჯვებულმა კანონმდებლობით დადგენილ ან/და სააგენტოს მიერ განსაზღვრულ დამატებით ვადაში არ უზრუნველყო ქონების გატანა.“. |
| მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები