„ვანის მუნიციპალიტეტის 2014 წლის ბიუჯეტის დამტკიცების შესახებ“ ვანის მუნიციპალიტეტის საკრებულოს 2013 წლის 27 დეკემბრის №18 დადგენილებაში ცვლილებების შეტანის თაობაზე

ვანის მუნიციპალიტეტის საკრებულო ადგენს:

                                          ,,თავი I

მუხლი 1. მუნიციპალიტეტის ბიუჯეტის ბალანსი

განისაზღვროს მუნიციპალიტეტის ბიუჯეტის ბალანსი თანდართული რედაქციით:

მუხლი 2.  მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

განისაზღვროს მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:

მუხლი 3. ვანის მუნიციპალიტეტის ბიუჯეტის შემოსავლები

განისაზღვროს ვანის მუნიციპალიტეტის ბიუჯეტის შემოსავლები 9686.7 ათასი ლარის ოდენობით თანდართული რედაქციით

მუხლი 4. მუნიციპალიტეტის ბიუჯეტის გადასახადები

განისაზღვროს ვანის მუნიციპალიტეტის ბიუჯეტის გადასახადები 160,0 ათასი ლარის ოდენობით თანდართული რედაქციით:

მუხლი 5. მუნიციპალიტეტის ბიუჯეტის გრანტები

განისაზღვროს მუნიციპალიტეტის ბიუჯეტის გრანტები 9073.7 ათასი ლარის ოდენობით თანდართული რედაქციით:

მუხლი 6. მუნიციპალიტეტის ბიუჯეტის სხვა შემოსავლები

განისაზღვროს მუნიციპალიტეტის ბიუჯეტის სხვა შემოსავლები 453.0 ათასი ლარის ოდენობით თანდართული რედაქციით:

მუხლი 7. მუნიციპალიტეტის ბიუჯეტის ხარჯები

განისაზღვროს მუნიციპალიტეტის ბიუჯეტის ხარჯები 6382.3 ათასი ლარის ოდენობით, თანდართული რედაქციით:

მუხლი 8. მუნიციპალიტეტის ბიუჯეტის არაფინანსური აქტივების ცვლილება

განისაზღვროს მუნიციპალიტეტის ბიუჯეტის არაფინანსური აქტივების ცვლილება 5525.5 ათასი ლარის ოდენობით, მათ შორის:

ა) განისაზღვროს ბიუჯეტის არაფინანსური აქტივების ზრდა 5545.5 ათასი ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 20,0 ათასი ლარის ოდენობით თანდართული რედაქციით:

მუხლი 9. მუნიციპალიტეტის ბიუჯეტის ხარჯებისა და არაფინანსური აქტივების ზრდის ფუნქციონალური კლასიფიკაცია

განისაზღვროს მუნიციპალიტეტის ბიუჯეტის ხარჯები და არაფინანსური აქტივების ზრდა ფუნქციონალურ ჭრილში თანდართული რედაქციით:

მუხლი 10. მუნიციპალიტეტის ბიუჯეტის მთლიანი სალდო

განისაზღვროს მუნიციპალიტეტის ბიუჯეტის მთლიანი სალდო -2,207.6 ათასი ლარის ოდენობით.

მუხლი 11. მუნიციპალიტეტის ბიუჯეტის ფინანსური აქტივების ცვლილება

განისაზღვროს მუნიციპალიტეტის ბიუჯეტის ფინანსური აქტივების ცვლილება    -2,244.6 ათასი ლარის ოდენობით და მიიმართოს იგი შემდეგი პროექტების განსახორციელებლად:

ა) საქართველოს მთავრობის 2013 წლის 4 აპრილის N311 განკარგულებით საქართველოს რეგიონებში განსახორციელებელი პროექტების ფონდიდან გამოყოფილი თანხიდან დარჩენილი ნაშთი 703,0 ათასი ლარი მიიმართოს იმავე დანიშნულებით;

ბ) საქართველოს მთავრობის 2013 წლის 17 მაისის N466 განკარგულებით სოფლის მხარდაჭერის პროგრამით გამოყოფილი თანხიდან დარჩენილი ნაშთი 203,4 ათასი ლარი მიიმართოს იმავე დანიშნულებით;

გ) საქართველოს მთავრობის 2013 წლის 6 სექტემბრის N1234 განკარგულებით სტიქიის შედეგების სალიკვიდაციო ღონისძიებებისათვის გამოყოფილი თანხიდან დარჩენილი ნაშთი 202,8 ათასი ლარი მიიმართოს იმავე დანიშნულებით;

დ) საქართველოს მთავრობის 2013 წლის 30 ოქტომბრის N1499 განკარგულებით სტიქიის შედეგების სალიკვიდაციო ღონისძიებებისათვის გამოყოფილი თანხიდან დარჩენილი ნაშთი 685,5 ათასი ლარი მიიმართოს იმავე დანიშნულებით;

ე) სპეციალური ტრანსფერის ნაშთი 1,1 ათასი ლარი დაბრუნდეს სახელმწიფო ბიუჯეტში.

ვ) 2013 წლის ადგილობრივი ბიუჯეტით გათვალისწინებული დაუმთავრებელი სამუშაოების ნაშთი 79,9 ლარი მიიმართოს იმავე დანიშნულებით;

ზ) აუთვისებელი მიზნობრივი ტრანსფერი დელეგირებული უფლებამოსილების განსახორციელებლად 5,9 ათასი ლარი დაბრუნდეს სახელმწიფო ბიუჯეტში.

თ) თავისუფალი ნაშთი 363.0 ათასი ლარი მიიმართოს მიმდინარე წლის ხარჯების დასაფინანსებლად.

 მუხლი 12.  მუნიციპალიტეტის ბიუჯეტის სარეზერვო ფონდი

მუნიციპალიტეტის ბიუჯეტით გაუთვალისწინებელი გადასახდელების დაფინანსების მიზნით მუნიციპალიტეტის ბიუჯეტში შეიქმნას სარეზერვო ფონდი 99,8 ათასი ლარის ოდენობით (მათ შორის 13,5 ათასი ლარი არის საქართველოს პრემიერ-მინისტრის 2014 წლის 31 ივლისის N258 ბრძანებით საქართველოს მთავრობის სარეზერვო ფონდიდან გამოყოფილი თანხა) და მისი განკარგვა განხორციელდეს მუნიციპალიტეტის გამგებლის ბრძანების საფუძველზე.

მუხლი 13. სახელმწიფო ბიუჯეტიდან მიღებული მიზნობრივი ტრანსფერი

1. დელეგირებული უფლებამოსილების განსახორციელებლად სახელმწიფო ბიუჯეტიდან მიღებული მიზნობრივი ტრანსფერი 150.0 ათასი ლარი მიიმართოს:

ა) ,,საზოგადოებრივი ჯანმრთელობის შესახებ”  საქართველოს კანონით განსაზღვრული უფლებამოსილების განსახორციელებლად 52,0 ათასი ლარი.

ბ) ,,სამხედრო ვალდებულებისა და სამხედრო სამსახურის შესახებ” და ,,სამხედრო სარეზერვო სამსახურის შესახებ” საქართველოს კანონებით განსაზღვრული უფლებამოსილებათა განხორციელებისათვის 95,0 ათასი ლარი.

გ) ,,სამშობლოს დაცვისას დაღუპულთა  და ომის შემდეგ გარდაცვლილ მეომართა ხსოვნის უკვდავყოფის შესახებ” საქართველოს კანონით განსაზღვრული უფლებამოსილებების განხორციელებისათვის 1.5 ათასი ლარი.

დ) ,,იძულებით გადაადგილებულ პირთა – დევნილთა შესახებ” საქართველოს კანონით განსაზღვრული უფლებამოსილებების განსახორციელებლად  1.5 ათასი ლარი.

2. ,,საქართველოს საბიუჯეტო კოდექსი”–ს 69-ე მუხლის საფუძველზე წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი  ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

მუხლი 14. მოსახლეობის სოციალური უზრუნველყოფა

მოსახლეობის სოციალური უზრუნველყოფის პროგრამისათვის გამოყოფილი ასიგნებების განკარგვა განხორცილდეს მუნიციპალიტეტის საკრებულოს მიერ დადგენილი წესის და საქართველოს კანონმდებლობის შესაბამისად.

თავი II

ვანის მუნიციპალიტეტის ბიუჯეტის პრიორიტეტები და პროგრამები

მუხლი 15.  მუნიციპალიტეტის ბიუჯეტის პრიორიტეტები და პროგრამები

1. თავდაცვა, საზოგადოებრივი წესრიგი და უსაფრთხოება

სტიქიური მოვლენების, უბედური შემთხვევებისა და სხვა საგანგებო სიტუაციების შემთხვევაში მოსახლეობის დახმარების გასაწევად  სულ უფრო დიდ მნიშვნელობას იძენს სამაშველო სამსახურის ოპერატიული მოქმედება, მათი მზადყოფნა დროული და სათანადო დახმარების აღმოსაჩენად.

ქვეყნის თავდაცვისუნარიანობის ამაღლების ხელშეწყობის მიზნით მუნიციპალიტეტი დელეგირებული უფლებამოსილების ფარგლებში ახორციელებს წვევამდელთა და რეზერვისტთა  მობილიზებას და მათი გაწვევის პუნქტებამდე გადაყვანას.

1.  საგანგებო სიტუაციების მართვა (პროგრამული კოდი 02 01)

სტიქიური მოვლენების, უბედური შემთხვევებისა და სხვა საგანგებო სიტუაციების შემთხვევაში მოსახლეობის დახმარების გასაწევად  სულ უფრო დიდ მნიშვნელობას იძენს სამაშველო სამსახურის ოპერატიული მოქმედება, მათი მზადყოფნა დროული და სათანადო დახმარების აღმოსაჩენად.

1.2 ქვეყნის თავდაცვისუნარიანობის ამაღლების ხელშწყობა (პროგრამული კოდი 02 02)

ქვეყნის თავდაცვისუნარიანობის ამაღლების ხელშეწყობის მიზნით მუნიციპალიტეტი დელეგირებული უფლებამოსილების ფარგლებში ახორციელებს წვევამდელთა და რეზერვისტთა  მობილიზებას და მათი გაწვევის პუნქტებამდე გადაყვანას.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ერთ-ერთ მთავარ პრიორიტეტს წარმოადგენს მუნიციპალური ინფრასტრუქტურის შემდგომი გაუმჯობესება. მუნიციპალური ინფრასტრუქტურის მშენებლობისა და რეაბილიტაციის გარდა, პრიორიტეტების ფარგლებში მოხდება არსებული ინფრასტრუქტურის მოვლა-შენახვასთან დაკავშირებული ხარჯების დაფინანსება.

2.1 გზების მშენებლობის, რეკონსტრუქციისა და მოვლა შენახვის ხარჯები  (პროგრამული კოდი 03 01)

პროგრამის ფარგლებში განხორციელდება შემდეგი სამუშაოები: ქ. ვანში თამარ მეფის ქუჩისა და მშვიდობის ქუჩების დამაკავშირებელი საავტომობილო გზის ასფალტობეტონის შავი საფარით მოწყობა - 108.6 ათასი ლარით, მთისძირის თემის ცენტრიდან ჭაგან-ჭყვიშის  მიმართულებით საავტომობილო გზის ასფალტობეტონის შავი საფარით მოწყობა - 692.6 ათასი ლარით,  ქ. ვანში 26 მაისის ქუჩაზე მდ. ჭიშურაზე არსებული ფოლადის ხიდის რეაბილიტაცია - 20,4 ათასი ლარით, მთისძირის თემში ჭაგან-ჭყვიშში აჭარლების დასახლებაში გზის შეკეთება 8,3 ათასი ლარით.

  საქართველოს მთავრობის 2014 წლის 13 იანვრის N34 განკარგულებით გამოყოფილი  თანხებიდან დაფინანსდება ქ. ვანში ბარათაშვილის ქუჩაზე ასფალტობეტონის შავი საფარის მოწყობა 171.2 ათასი ლარით, ზედავანი-მერეს გზაზე ასფალტობეტონის შავი საფარის მოწყობა  284.1 ათასი ლარით, ისრითი-სულორის ცენტრალური საავტომობილო გზიდან ძულუხის თემის მიმართულებით ასფალტობეტონის შავი საფარით მოწყობა   269.3 ათასი ლარით, დიხაშხო-ბზვანის თემების დამაკავშირებელ საავტომობილო გზაზე ასფალტობეტონის შავი საფარით მოწყობის საპროექტო სახარჯთაღრიცხვო დოკუმენტაცია 9.4 ათასი ლარით.

გაგრძელდება საქართველოს მთავრობის 2013 წლის 4 აპრილის N311 განკარგულებით საქართველოს რეგიონებში განსახორციელებელი პროექტების ფონდიდან გამოყოფილი თანხიდან გათვალისწინებული სამუშაოები: ზეინდარი-ფერეთას გზის მშენებლობა 643,8 ათასი ლარი,  სააკაძის ქუჩაზე გზის რეაბილიტაცია - 11,2 ათასი ლარი.

დასრულდება საქართველოს მთავრობის 2013 წლის 6 სექტემბრისა N1234 განკარგულებით სტიქიის შედეგების სალიკვიდაციო ღონისძიებებისათვის გამოყოფილი თანხებიდან შესასრულებელი სამუშაოები 184,8 ათასი ლარის ოდენობით.

დასრულდება საქართველოს მთავრობის 2013 წლის 30 ოქტომბრის N1499 განკარგულებით სტიქიის შედეგების სალიკვიდაციო ღონისძიებებისათვის გამოყოფილი თანხებიდან შესასრულებელი სამუშაოები 382,8 ათასი ლარის ოდენობით.

შესრულდება საქართველოს მთავრობის 2014 წლის 14 იანვრის N47 განკარგულებით სტიქიის შედეგების სალიკვიდაციო ღონისძიებებისათვის გამოყოფილი  199,8 ათასი ლარით გათვალისწინებული სამუშაოები.

შესრულდება საქართველოს მთავრობის 2014 წლის 26 აგვისტოს N1480 განკარგულებით სტიქიის შედეგების სალიკვიდაციო ღონისძიებებისათვის გამოყოფილი  452,1 ათასი ლარით გათვალისწინებული სამუშაოები.

5,5 ათასი ლარით მომზადდება საპროექტო-სახარჯთაღრიცხვო დოკუმენტაცია საქართველოს მთავრობის 2014 წლის 3 ნოემბრის N1989 განკარგულებით სტიქიის შედეგების სალიკვიდაციო ღონისძიებებისათვის გამოყოფილი  თანხებიდან შესასრულებელი სამუშაოებისათვის.

2.2 კომუნალური ინფრასტრუქტურის მშენებლობა–რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში განხორციელდება სამუშაოები რომლითაც გაუმჯობესდება მოსახლეობის საყოფაცხოვრებო, სანიტარული და ჰიგიენური პირობები- დაფინანსდება სანიაღვრე საწრეტი არხების, გარე განათების მოწყობის და ექსპლოატაციის,  დასუფთავების ღონისძიებების ხარჯები.

2.2.1 სანიაღვრე-საწრეტი არხების და ნაპირსამაგრი ნაგებობების მოწყობა, რეაბილიტაცია და ექსპლოატაცია (პროგრამული კოდი 03 02 01)

პროგრამის ფარგლებში განხორციელდება შემდეგი სამუშაოები:

დასრულდება საქართველოს მთავრობის 2013 წლის 6 სექტემბრის N1234 განკარგულებით სტიქიის შედეგების სალიკვიდაციო ღონისძიებებისათვის გამოყოფილი თანხებიდან შესასრულებელი სამუშაოები  18,0 ათასი ლარის ოდენობით.

დასრულდება საქართველოს მთავრობის 2013 წლის 30 ოქტომბრის N1499 განკარგულებით სტიქიის შედეგების სალიკვიდაციო ღონისძიებებისათვის გამოყოფილი თანხებიდან შესასრულებელი სამუშაოები 277,2 ათასი ლარის ოდენობით.

დასრულდება საქართველოს მთავრობის 2013 წლის 4 აპრილის N311 განკარგულებით გათვალისწინებული სამუშაოები: ქ. ვანში თამარ მეფის ქუჩის პირველი ჩიხის გასწვრივ მდინარე სულორზე ნაპირსამაგრის მოწყობა - 14,3 ათასი ლარი; შუამთის თემში მდინარე ყუმურზე ნაპირსამაგრის მოწყობა 14,3 ათასი ლარი; ამაღლების თემში მდინარე კვინწყალისა და კორწყალის შესართავთან  ნაპირსამაგრის მოწყობა 4,6 ათასი ლარი.

შესრულდება საქართველოს მთავრობის 2014 წლის 14 იანვრის N47 განკარგულებით გამოყოფილი თანხებიდან შესასრულებელი სამუშაოები 190,1 ათასი ლარის ოდენობით.

შესრულდება საქართველოს მთავრობის 2014 წლის 26 აგვისტოს N1480 განკარგულებით სტიქიის შედეგების სალიკვიდაციო ღონისძიებებისათვის გამოყოფილი  426,1 ათასი ლარით გათვალისწინებული სამუშაოები.

6,6 ათასი ლარით მომზადდება საპროექტო-სახარჯთაღრიცხვო დოკუმენტაცია საქართველოს მთავრობის 2014 წლის 3 ნოემბრის N1989 განკარგულებით სტიქიის შედეგების სალიკვიდაციო ღონისძიებებისათვის გამოყოფილი  თანხებიდან შესასრულებელი სამუშაოებისათვის.

2.2.2 დასუფთავების ღონისძიებები – (პროგრამული კოდი 03 02 02)

მუნიციპალიტეტის ერთ-ერთ მთავარ ფუნქციას წარმოადგენს სანიტარულ-ჰიგიენური მდგომარეობის და სუფთა გარემოს შექმნის უზრუნველყოფა, შესაბამისად ქვეპროგრამის ფარგლებში გათვალისწინებულია შესაბამისი უბნებისა და ტერიტორიების ყოველდღიური დაგვა–დასუფთავება და ნარჩენების გატანა. 186,0 ათასი ლარით დაფინანსდება ა(ა)იპ ვანის კომუნალური გაერთიანება, ხოლო 22,5 ათასი ლარით მოხდება სანაგვე კონტეინერების შესყიდვა.

2.2.3  წყლის სისტემის რეაბილიტაცია და ექსპლოატაცია (პროგრამული კოდი 03 02 03)

პროგრამის ფარგლებში საქართველოს მთავრობის 2013 წლის 4 აპრილის N311 განკარგულების ნაშთით 14,9 ათასი ლარით და  ადგილობრივი ბიუჯეტით გამოყოფილი 9,8 ათასი ლარით დასრულდება  ტობანიერის თემში წყალმომარაგების სიტემის მოწყობა. საქართველოს მთავრობის 2013 წლის 30 ოქტომბრის N1499 განკარგულებით განხორციელდება სულორის თემში კურორტ სულორის უბნის სასმელი წყლის მაგისტრალის მოწყობა  - 25,5 ათასი ლარი.

შესრულდება საქართველოს მთავრობის 2014 წლის 26 აგვისტოს N1480 განკარგულებით სტიქიის შედეგების სალიკვიდაციო ღონისძიებებისათვის გამოყოფილი  2,5 ათასი ლარით გათვალისწინებული სამუშაოები.

2.2.4 გარე განათების  რეაბილიტაცია და ექსპლოატაცია (პროგრამული კოდი 03 02 04)

გარე განათება წარმოადგენს ღამის პერიოდში საზოგადოების კომფორტული და უსაფრთხო გადაადგილების აუცილებელ პირობას. ქვეპროგრამის ფარგლებში დაფინანსდება შემდეგი ღონისძიებები: გარე განათების არსებული ქსელის ექსპლოატაციის  ხარჯები 63,0 ათასი ლარით, გარე განათების მიმდინარე რემონტის ხარჯები 19,8 ათასი ლარი, დამიწების ხარჯები 1,2 ათასი ლარით, გარე განათების ქსელში ჩართვის ხარჯები 2,4 ათასი ლარით, ქ. ვანში რუსთაველის ქუჩაზე - ავტოსადგურის მიმდებარე ტერიტორიაზე გარე განათების მოწყობა- 4,7 ათასი ლარით, ერისთავის ქუჩაზე გარე განათების მოწყობა 6,0 ათასი ლარით, 26 მაისის ქუჩაზე გარე განათების მოწყობა - 11,3 ათასი ლარით, გიორგაძის ქუჩაზე გარე განათების მოწყობა - 8,8 ათასი ლარით, ბარათაშვილის ქუჩაზე გარე განათების მოწყობა 7,0 ათასი ლარით, დიხაშხოს თემში ისრითის სკოლის მიმდებარე ტერიტორიაზე არსებულ გარე განათებაზე 10 სანათის დამატება - 3,7 ათასი ლარით, ქ. ვანში მშვიდობის ქუჩაზე გარე განათების 13 სანათის მოწყობა - 6.3 ათასი ლარით, ქ. ვანში თამარ მეფის ქუჩის პირველ შესახვევში გარე განათების 7 სანათის მოწყობა - 3,4 ათასი ლარით, ქ. ვანში თავისუფლების ქუჩის შესახვევში ახალ უბანში მ. ღვინიანიძის სახლიდან გარე-განათების 8 სანათის მოწყობა- 3,9 ათასი ლარით, შუამთის თემში კულტურის სახლთან გარე განათების მოწყობა- 1,8 ათასი ლარით, ქ. ვანში ტაბიძის ქუჩაზე (ფურნის დასახლება) გარე განათების 5 სანათის მოწყობა 2,3 ათასი ლარი.

საქართველოს მთავრობის 2014 წლის 13 იანვრის N34 განკარგულებით გამოყოფილი  თანხებიდან დაფინანსდება სალხინოს თემში ჯვარისერის გადასახვევიდან სალხინოს სკოლამდე 45 სანათის მოწყობა - 22.3 ათასი ლარით, ვანი-გაღმავანის გზაზე 40 სანათის მოწყობა 20.8 ათასი ლარით.

 2.3 ურბანული ტერიტორიის კეთილმოწყობა (პროგრამული კოდი 03 03)

არსებული პროგრამის ფარგლებში დაფინანსდება შემდეგი სამუშაოები: ქ. ვანში თამარ მეფის ქუჩაზე არსებული სკვერის რეაბილიტაცია 16,6 ათასი ლარით, ქ. ვანში თავისუფლების ქუჩა №65-ში არსებული შენობის აღმოსავლეთ მხარეს სკვერის მოწყობა 11,4 ათასი ლარით, ქ. ვანში თავისუფლების ქუჩა №65-ში არსებული შენობის დასავლეთ მხარეს სკვერის და პარკინგის ადგილის მოწყობა 15,2 ათასი ლარით, ქ. ვანში თამარ მეფის ქუჩაზე ცენტრალური საავტომობილო გზის გასწვრივ ფეხით მოსიარულეთა ბილიკის მოწყობა 14,9 ათასი ლარით, მუნიციპალიტეტის სახელის აღმნიშვნელი ბილბორდის მოწყობა მუნიციპალიტეტის შემოსასვლელში ზეინდრის თემში 7,0 ათასი ლარით, მუნიციპალიტეტის სახელის აღმნიშვნელი ბილბორდის მოწყობა მუნიციპალიტეტის შემოსასვლელში მთისძირის თემში 7,0 ათასი ლარით, ქალაქის შემოსასვლელში ქალაქის აღმნიშვნელი წარწერის მოწყობა 0,8 ათასი ლარით, ქ. ვანში თავისუფლების 82-84 მდებარე მრავალბინიან საცხოვრებელ სახლებთან დასასვენებელი პარკის და მინი სპორტული მოედნის მოწყობა 49.8 ათასი ლარით, ქ. ვანში 9 აპრილის სკვერის რეაბილიტაცია 15,0 ათასი ლარით, ტ. ტაბიძის სკვერში ფანტანისა და გ. ყიფიანის პარკში წყლის მაგისტრალის ქსელზე დაერთება 1,3 ათასი ლარი, ქალაქ ვანში სოლომონ მე-2-ის N35(ა)-ში მდებარე მასწავლებელთა ყოფილ საერთო საცხოვრებლის საკანალიზაციო ორმოს მოწყობა 4,4 ათასი ლარით.

საქართველოს მთავრობის 2014 წლის 13 იანვრის N34 განკარგულებით გამოყოფილი  თანხებიდან დაფინანსდება ქ. ვანში მშვიდობის გორაზე დასასვენებელი პარკის მოწყობა 85,0 ათასი ლარის ოდენობით.

2.4 სოფლის მხარდაჭერის პროგრამის ფარგლებში განსახორციელებელი პროექტები (პროგრამული კოდი 03 04)

პროგრამის ფარგლებში ღონისძიებები განხორციელდება მოსახლეობის ინტერესებისა და გადაწყვეტილებების შესაბამისად. დასრულდება  2013 წლის სოფლის მხარდაჭერის პროგრამით გათვალისწინებული პროექტები 203,4 ათასი ლარის ოდენობით. განხორციელდება საქართველოს მთავრობის 2014 წლის 20 მარტის N471 განკარგულებით გამოყოფილი 694,6 ათასი ლარით გათვალისწინებული პროექტები, კერძოდ, თანხები მიიმართება შემდეგ ღონისძიებებზე: გზების შეკეთებაზე, ხიდების, ბოგირებისა და წყალგამტარი მილების მოწყობასა და შეკეთებაზე 244.5 ათასი ლარი, სანიაღვრე საწრეტი არხებისა და ნაპირსამაგრების მოწყობასა და შეკეთებაზე 44.3 ათასი ლარი, გარე განათების მოწყობაზე 104.7 ათასი ლარი, კეთილმოწყობის სამუშაოებზე 160.9 ათასი ლარი, თვითდინებითი წყალსადენი სიტემების მოწყობასა და შეკეთებაზე 90.0 ათასი ლარი,  დასუფთავების ღონისძიებებზე 3,4 ათასი ლარი, სპორტული ინვენტარის შეძენაზე 2,5 ათასი ლარი, წისქვილის მოწყობაზე 1,7 ათასი ლარი, ტრაქტორის შეძენაზე 42,6 ათასი ლარი.

3.განათლება (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა, მნიშვნელოვანი როლი ენიჭება სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში  განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, არსებული შენობების რეაბილიტაცია და  ინვენტარით უზრუნველყოფა.

3.1 სკოლამდელი განათლება (პროგრამული კოდი 04 01)

პროგრამა მოიცავს ა(ა)იპ სკოლამდელი და სკოლისგარეშე სააღმზრდელო დაწესებულებების გაერთიანების დაფინანსებას. მუნიციპალიტეტში ფუნქციონირებს 21 საბავშვო ბაღი, სადაც სკოლამდელ განათლებას იღებს 450-ზე მეტი ბავშვი. პროგრამის ფარგლებში მუნიციპალიტეტი აფინანსებს საბავშვო ბაღების ფუნქციონირებისათვის საჭირო ყველა ხარჯს.  გაერთიანებაში ასევე შედის  მოსწავლე–ახალგაზრდობის სახლი. ა(ა)იპ ვანის სკოლამდელი და სკოლისგარეშე სააღმზრდელო დაწესებულებების გაერთიანება დაფინანსდება 668,0 ათასი ლარით.

მუნიციპალიტეტის მიერ განხორციელდება ქ. ვანის N1 საბავშვო ბაღის კაპიტალური რემონტის საპროექტო სახარჯთაღრიცხვო დოკუმენტაციის შედგენა  4.1 ათასი ლარით, ხოლო  საქართველოს მთავრობის 2014 წლის 13 იანვრის N34 განკარგულებით გამოყოფილი  თანხებიდან 296.9 ათასი ლარით დაფინანსდება ქ. ვანის N2, ზედავანის, სალხინოს და ამაღლების საბავშვო ბაღების კაპიტალური რემონტი,  ხოლო 10.0 ათასი ლარით მომზადდება საპროექტო-სახარჯთაღრიცხვო დოკუმენტაციები საბავშვო ბაღების კაპიტალურ რემონტზე.

4. კულტურა, რელიგია, ახალგაზრდული და სპორტული ღონისძიებები (პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალელურად  აუცილებელია ხელი შეეწყოს კულტურული ტრადიციების დაცვას და მათ ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა მომავალმა თაობამ შეძლოს მათი  შესაძლებლობების გამოვლინება.

4.1 სპორტის განვითარების ხელშეწყობა (პროგრამული კოდი 05 01)

პროგრამის ფარგლებში განხორციელდება  (ა(ა)იპ საფეხბურთო კლუბი „სულორი ვანი“–ს, ა(ა)იპ „სასპორტო და სახელოვნებო დაწესებულებების გაერთიანების’’, სპორტული ღონისძიებების ხარჯების, სპორტული ინფრასტრუქტურის მშენებლობის და რეაბილიტაციის დაფინანსება.

4.1.1 სპორტული ღონისძიებების დაფინანსება (პროგრამული კოდი 05 01 01)

პროგრამის ფარგლებში დაფინანსდება სხვადასხვა სპორტული ღონისძიებები 15,0 ათასი ლარით, კერძოდ: ეროვნულ ჩემპიონატებში მძლეოსნობასა და ჭიდაობაში სპორტსმენთა მივლინების ხარჯები, მინი ფეხბურთის ტურნირი მუნიციპალიტეტში.

4.1.2 - ა(ა)იპ სასპორტო და სახელოვნებო დაწესებულებების გაერთიანება (პროგრამული კოდი 05 01 02)

გაერთიანება დაფინანსდება 441.0 ათასი ლარით, მასში ფუნქციონირებს ფეხბურთის, ჭიდაობის, მძლეოსნობისა და  ჭადრაკის სექციები. გაერთიანება უზრუნველყოფს სხვადასხვა ტურნირებში მათი მივლინებისა და კვების ხარჯების დაფინანსებას. ხელს უწყობს ნიჭიერი სპორტსმენების აღზრდას, წარმოჩინებას და ფართო ასპარეზზე გაყვანას. გაერთიანებაში ასევე ფუნქციონირებს მუსიკალური სკოლა.

4.1.3 - ა(ა)იპ საფეხბურთო კლუბი ,,სულორი–ვანი“ დაფინანსება (პროგრამული კოდი 05 01 03)

ა(ა)იპ საფეხბურთო კლუბ სულორი-ვანის დაფინანსება შეადგენს 295,0 ათას ლარს, ქვეპროგრამის ფარგლებში დაგეგმილია ფეხბურთელთათვის სავარჯიშო და სათამაშო პირობების შექმნა, ნიჭიერი სპორტსმენების წახალისება და ცხოვრების ჯანსაღი წესის დამკვიდრების პოპულარიზაცია.

4.1.4 - სპორტული ინფრასტრუქტურის მშენებლობა და რეაბილიტაცია (პროგრამული კოდი 05 01 04)

ქვეპროგრამის ფარგლებში დაფინანსდება ვანის ცენტრალური სტადიონის კაპიტალური რემონტი 190,1 ათასი ლარით, ხოლო საქართველოს მთავრობის 2014 წლის 13 იანვრის N34 განკარგულებით გამოყოფილი 186.6 ათასი ლარით განხორციელდება ქ. ვანში თავისუფლების ქუჩაზე სპორტული კომპლექსის რეაბილიტაცია.

4.2. კულტურის განვითარების ხელშეწყობა (პროგრამული კოდი 05 02)

კულტურის განვითარების ხელშეწყობის პროგრამის ფარგლებში მოხდება კულტურული ღონისძიებების ფინანსური მხარდაჭერა, მათ შორის  მნიშვნელოვანია იმ სახალხო–სადღესასწაულო ღონისძიებათა დაფინანსება, რომლებიც ყოველწლიურად მასშტაბურად იმართება - ,,ვანელობა“, ,,გალაკტიონობა“, ,,ტიციანობა“ , 26 მაისის, 9 აპრილისა და 8 აგვისტოსადმი მიძღვნილი ღონისძიებები.  პროგრამის ფარგლებში ასევე განხორციელდება ა(ა)იპ კულტურის დაწესებულებების გაერთიანების დაფინანსება.

4.2.1 ა(ა)იპ კულტურის დაწესებულებების გაერთიანება (პროგრამული კოდი 05 02 01)

ქვეპროგრამის ფარგლებში განხორციელდება კულტურის დაწესებულებების გაერთიანებაში შემავალი კულტურის სახლების, ბიბლიოთეკის, მუზეუმების, ცეკვისა და ქართული ხალხური სიმღერის ანსამბლების დაფინანსება, არსებული წიგნადი ფონდის შენარჩუნება და გაზრდა.  ა(ა)იპ კულტურის დაწესებულებების გაერთიანების დაფინანსება 417,0 ათას ლარს შეადგენს.

4.2.2 კულტურის სფეროს ინფრასტრუქტურის მშენებლობა და  რეაბილიტაცია  (პროგრამული კოდი 05 02 02)

ქვეპროგრამის ფარგლებში დაფინანსდება ვანის კულტურის ცენტრის რეაბილიტაცია 337,6 ათასი ლარით.

4.3 ახალგაზრდული ორგანიზაციების ღონისძიებების დაფინანსება (პროგრამული კოდი 05 03)

პროგრამის ფარგლებში მუნიციპალიტეტი უზრუნველყოფს ახალგაზრდული ღონისძიებების დაფინანსებას 18,0 ათასი ლარით.

მუნიციპალიტეტი ფინანსურად უზრუნველყოფს ახალგაზრდების პატრიოტულ ბანაკებში დასვენების, ინტელექტუალური გუნდების მომზადებისა და შეჯიბრებებში მონაწილეობის, მხიარულთა და საზრიანთა კლუბის დაფინანსების ხარჯებს.

4.4 ეპარქიის დაფინანსება (პროგრამული კოდი 05 04)

პროგრამის ფარგლებში განხორციელდება მუნიციპალიტეტის ტერიტორიაზე არსებული ეკლესია მონასტრების ფინანსური მხარდაჭერა 40,0 ათასი ლარით.

5.მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა, სოციალურად დაუცველ ოჯახებზე დახმარების გაწევა  მუნიციპალიტეტის ერთ-ერთ მთავარ პრიორიტეტს წარმოადგენს.

5.1 ჯანმრთელობის დაცვის პროგრამები (პროგრამული კოდი 06 01)

პროგრამა გულისხმობს ქვეპროგრამების: ა(ა)იპ საზოგადოებრივი ჯანდაცვის ცენტრისა და ჯანმრთელობის დაცვის სფეროს ინფრასტრუქტურის მშენებლობისა და რეაბილიტაციის ხარჯების დაფინანსებას.

5.1.1  ა(ა)იპ ვანის მუნიციპალიტეტის საზოგადოებრივი ჯანდაცვის  ცენტრი (პროგრამული კოდი 06 01 01)

ქვეპროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას 52,0 ათასი ლარის ოდენობით, კერძოდ: გადამდებ დაავადებათა ეპიდზედამხედველობა და კონტროლის ღონისძიებები, იმუნოპროფილაქტიკის დაგეგმვა, განხორციელების ხელშეწყობა, საინფორმაციო სისტემის უზრუნველყოფა, იმუნოპროფილაქტიკის ლოჯისტიკის უზრუნველყოფა, მუნიციპალიტეტის ტერიტორიაზე გადამტანების ფაუნის გავრცელების შესწავლა და დადგენა, პრევენციული და კონტროლის ღონისძიებები, პარაზიტული დაავადებების პირველადი კვლევა, დაავადებების დიაგნოსტიკა, პროფილაქტიკური მკურნალობა, სანიტარული ღონისძიებები, მოსახლეობის ჯანმრთელობის მდგომარეობაზე ზედამხედველობა და ჯანმრთელობის ხელშეწყობა.

            5.1.2  ჯანმრთელობის დაცვის სფეროს ინფრასტრუქტურის მშენებლობა და რეაბილიტაცია (პროგრამული კოდი 06 01 02)

             ქვეპროგრამა ითვალისწინებს ვანის მუნიციპალიტეტის საპრასიის თემში ამბულატორიის მშენებლობისათვის შენობის საფუძვლის მოწყობას, ღირებულებით 6,8 ათასი ლარი.

                 5.2  სოციალური პროგრამები ( პროგრამული კოდი 06 02)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული სოციალური დახმარებებით უზრუნველყოფას. სარიტუალო მომსახურების ხარჯების ანაზღაურებას, მზრუნველობამოკლებულ პირთა კვებით უზრუნველყოფას, დემოგრაფიული მდგომარეობის გაუმჯობესების მიზნით ახალშობილთა ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის  მოსახლეობის სოციალური მდგომარეობის გაუმჯობესებას.

5.2.1 - მზრუნველობამოკლებულთა კვებით უზრუნველყოფა  (პროგრამული კოდი 06 02 01)

           გათვალისწინებულია 31 ბენეფიციარის ყოველდღიურად კვებით უზრუნველყოფა, რომელიც დაფინანსდება  21.0 ათასი ლარით.

5.2.2   დაკრძალვის ხარჯები ( პროგრამული კოდი 06 02 02 )

ქვეპროგრამის ფარგლებში გათვალისწინებულია: მე-2 მსოფლიო ომის მონაწილე ვეტერანთა და მათთან გათანაბრებულ პირთა დაკრძალვის ხარჯების ანაზღაურება, 250 ლარის ოდენობით. იძულებით გადაადგილებულ პირთა-დევნილთა დაკრძალვის ხარჯების ანაზღაურება, თითოეულ ბენეფიციარზე 100 ლარის ოდენობით. ქვეპროგრამა დაფინანსდება 3,0 ათასი ლარით.

 5.2.3 ერთჯერადი დახმარება ბავშვის შეძენასთან დაკავშირებით ( პროგრამული კოდი 06 0203)

ქვეპროგრამის ფარგლებში 70,0 ათასი ლარის დახმარება გაეწევა ახალშობილთა ოჯახებს: პირველ და მეორე ახალშობილ ბავშვზე 200 ლარით, მესამე და მეტი შვილის შეძენისას 300 ლარით, ხოლო ტყუპების შეძენისას 500 ლარის ოდენობით.

5.2.4 სტიქიის შედეგად დაზარალებული  მოსახლეობისათვის ფულადი კომპენსაცია (პროგრამული კოდი 06 02 04)

ქვეპროგრამის ფარგლებში მუნიციპალიტეტი დახმარებას გაუწევს  სტიქიის შედეგად დაზარალებული მოსახლეობას ფულადი კომპენსაციის სახით, რაც მათ ნაწილობრივ აუნაზღაურებს სტიქიის გამო მიყენებულ  ზარალს.  დაფინანსების მოცულობა 82,0 ათას ლარით განისაზღვრება.

5.2.5 სხვა სოციალური ღონისძიებების დაფინანსება (პროგრამული კოდი 06 02 05)

პროგრამის ფარგლებში დაგეგმილია სამედიცინო ხარჯების ნაწილობრივი ანაზღაურება – 61,0 ათასი ლარის, ერთჯერადი ფულადი დახმარება სოციალურად შეჭირვებული მოსახლეობისათვის – 27,7 ათასი ლარის, ერთჯერადი სოციალური დახმარება სასაქონლო ფორმით 0,9 ათასი ლარის, ხოლო ღირსშესანიშნავი თარიღების აღმნიშვნელი ღონისძიებების დაფინანსებისათვის 10.3 ათასი ლარის ოდენობით.

ვანის მუნიციპალიტეტის ბიუჯეტის ასიგნებები

მუხლი 16. მუნიციპალიტეტის ბიუჯეტის ასიგნებები

განისაზღვროს მუნიციპალიტეტის ბიუჯეტის ასიგნებები  11951.3 ათასი ლარის ოდენობით შემდეგი რედაქციით: