„მუნიციპალიტეტის ტერიტორიაზე მანგანუმისა და სხვა წიაღისეულის გადამზიდავი მძიმეწონიანი სატვირთო მანქანების მოძრაობის წესის დამტკიცების შესახებ“ ჭიათურის მუნიციპალიტეტის საკრებულოს 2013 წლის 02 აგვისტოს №18 დადგენილებაში ცვლილების შეტანის თაობაზე

 „საქართველოს კონსტიტუციის 37-ე მუხლის მე-3 პუნქტის, საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე–4 ნაწილისა და 61-ე მუხლის მე-2  ნაწილის  საფუძველზე, ჭიათურის მუნიციპალიტეტის საკრებულო ადგენს:“

„მუხლი 5

1. აკრძალულ ტერიტორიაზე გადაადგილება დასაშვებია მხოლოდ ფორსმაჟორულ შემთხვევაში (რაც წერილობით დასაბუთებული უნდა იყოს გადამზიდავის მიერ) საკრებულოს თანხმობით მუნიციპალიტეტის გამგებლის ინდივიდუალური ადმინისტრაციულ სამართლებრივი აქტის საფუძველზე, რომელშიც ასახული უნდა იყოს ამ დადგენილების მეოთხე მუხლის მოთხოვნები.

2. ამ დადგენილების მიზნებისათვის ფორსმაჟორში იგულისხმება სტიქიური მოვლენები, გაფიცვები, საბოტაჟი ან სხვა საწარმოო არეულობა, სამოქალაქო მღელვარება, ომი, ბლოკადა, აჯანყება, მიწისძვრა, მეწყერი, ეპიდემია, წყალდიდობა და სხვა მსგავსი სტიქიური მოვლენები, რომელიც არ ექვემდებარება მხარეთა კონტროლს და რომელთა თავიდან აცილებაც მათ მიერ შეუძლებელია. ფორსმაჟორად არ ითვლება ინვესტორის (მეწარმის) ფინანსური მდგომარეობის გაუარესება, თუ ეს ჩამოთვლილ მოვლენებთან არ არის დაკავშირებული.

3. აკრძალულ ტერიტორიაზე გადაადგილების ნებართვა გაიცემა მხოლოდ განსაზღრული ვადით, გადამზიდავი კომპანიის მიერ წერილობით დასაბუთებული პრობლემის აღმოფხვრამდე.“