დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოსა და ევროკავშირს შორის სავიზო რეჟიმის შემდგომი ლიბერალიზაციის მიზნით დიალოგის წარმოებისათვის, სამუშაო ჯგუფის შექმნის შესახებ | |
|---|---|
| დოკუმენტის ნომერი | 2365 |
| დოკუმენტის მიმღები | საქართველოს მთავრობა |
| მიღების თარიღი | 19/12/2014 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 29/12/2014 |
| სარეგისტრაციო კოდი | 000000000.00.003.018250 |
საქართველოს მთავრობის
განკარგულება №2365
2014 წლის 19 დეკემბერი
ქ. თბილისი
საქართველოსა და ევროკავშირს შორის სავიზო რეჟიმის შემდგომი ლიბერალიზაციის მიზნით დიალოგის წარმოებისათვის, სამუშაო ჯგუფის შექმნის შესახებ
1. სავიზო რეჟიმის შემდგომ ლიბერალიზაციასთან დაკავშირებით, ევროკავშირის გადაწყვეტილებებიდან გამომდინარე, ევროკავშირთან უვიზო რეჟიმის შემოღების შესახებ დიალოგის წარმოების მიზნით, შეიქმნას სამუშაო ჯგუფი შემდეგი შემადგენლობით:
| გიგი გიგიაძე | საქართველოს საგარეო საქმეთა მინისტრის მოადგილე, სამუშაო ჯგუფის ხელმძღვანელი |
| ვლადიმერ გურგენიძე | საქართველოს საგარეო საქმეთა მინისტრის მოადგილე |
| ლევან იზორია | საქართველოს შინაგან საქმეთა მინისტრის მოადგილე |
| გოჩა ლორთქიფანიძე | საქართველოს იუსტიციის მინისტრის მოადგილე |
| შიო ხეცურიანი | საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სახელმწიფო სერვისების განვითარების სააგენტოს თავმჯდომარის მოვალეობის შემსრულებელი |
| მარიამ რაქვიაშვილი | ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მოადგილე |
| გიორგი თაბუაშვილი | საქართველოს ფინანსთა მინისტრის პირველი მოადგილე |
| გრიგოლ გიორგაძე | საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველი მოადგილე |
| გიორგი შარვაშიძე | საქართველოს განათლებისა და მეცნიერების მინისტრის მოადგილე |
| ქეთევან ციხელაშვილი | შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე |
| დავით ლომიძე | საქართველოს შრომის, ჯანმრთელობისა და სოციალური დაცვის მინისტრის მოადგილე |
| გიორგი გოგაძე | საქართველოს იუსტიციის სამინისტროს საქართველოს პროკურატურის საქართველოს მთავარი პროკურორის პირველი მოადგილე |
| პაატა ბელთაძე | საქართველოს სახალხო დამცველის მოადგილე |
| გიორგი თევდორაშვილი | სსიპ – საქართველოს ფინანსური მონიტორინგის სამსახურის უფროსის მოადგილე |
| მაია დვალიშვილი | სსიპ – საჯარო სამსახურის ბიუროს უფროსის მოადგილე |
| მარინა მესხი | საჯარო სამართლის იურიდიული პირის-ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდის დირექტორი |
| დავით სოლომონია | საქართველოს საგარეო საქმეთა სამინისტროს ევროინტეგრაციის დეპარტამენტის დირექტორი |
| გიორგი ტაბატაძე | საქართველოს საგარეო საქმეთა სამინისტროს საკონსულო დეპარტამენტის დირექტორი |
| ირინე ბართაია | საქართველოს საგარეო საქმეთა სამინისტროს საერთაშორისო სამართლებრივი დეპარტამენტის დირექტორის მოვალეობის შემსრულებელი |
| ნინო სარიშვილი | პერსონალურ მონაცემთა დაცვის ინსპექტორის აპარატის საერთაშორისო ურთიერთობებისა და კომუნიკაციის დეპარტამენტის უფროსი |
| ნოდარ ტანგიაშვილი | შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის საერთაშორისო ორგანიზაციებთან ურთიერთობისა და სამართლებრივი უზრუნველყოფის დეპარტამენტის უფროსი |
| ეკატერინე ქარდავა | საქართველოს მთავრობის ადმინისტრაციის პარლამენტთან და პრეზიდენტთან ურთიერთობის სამმართველოს I კატეგორიის მრჩეველი. |
2. სამუშაო ჯგუფს დაევალოს, მიგრაციის საკითხთა სამთავრობო კომისიასთან კოორდინირებულად სათანადო ღონისძიებების გატარება, ევროკავშირთან უვიზო რეჟიმის შემოღების შესახებ დიალოგის მომზადებისა და წარმოების მიზნით საქართველოს პოზიციის შემუშავება.
3. საჭიროების შემთხვევაში ეთხოვოთ საქართველოს პარლამენტის წარმომადგენლებს, არასამთავრობო ორგანიზაციებსა და შესაბამის ექსპერტებს სამუშაო ჯგუფის მუშაობაში მონაწილეობის მიღება.
4. სამუშაო ჯგუფი ანგარიშვალდებულია საქართველოს ევროკავშირში ინტეგრაციის კომისიის წინაშე.
5. სამუშაო ჯგუფის სამდივნოს ფუნქციების შესრულება დაევალოს საქართველოს საგარეო საქმეთა სამინისტროს ევროინტეგრაციისა და საკონსულო დეპარტამენტებს.
პრემიერ მინისტრი ირაკლი ღარიბაშვილი
დოკუმენტის კომენტარები