საქართველოს მთავრობას და შპს „მტკვარი ენერგიას“ შორის 2013 წლის 23 ოქტომბერს დადებული ურთიერთგაგების მემორანდუმის შესახებ

საქართველოს მთავრობის

განკარგულება №2347

2014 წლის 18 დეკემბერი

ქ. თბილისი

საქართველოს მთავრობას და შპს „მტკვარი ენერგიას“ შორის 2013 წლის 23 ოქტომბერს დადებული ურთიერთგაგების მემორანდუმის შესახებ

 1.ცნობად იქნეს მიღებული ინფორმაცია საქართველოს მთავრობას და შპს „მტკვარი ენერგიას“ შორის 2013 წლის 23 ოქტომბერს დადებული ურთიერთგაგების მემორანდუმის 3.8 პუნქტის „b“ ქვეპუნქტის და 6.2 პუნქტის „с“ ქვეპუნქტის შესაბამისად, გაუქმების (იურიდიული ძალის დაკარგვის) თაობაზე და ამ განკარგულების მიღების დღიდან გაუქმებულად ჩაითვალოს აღნიშნული მემორანდუმი, მისი №1 დანართით გათვალისწინებული ყველა ჰიდროელექტროსადგურის ნაწილში, შპს „მტკვარი ენერგიის“ მიერ ამავე მემორანდუმის 3.1 პუნქტის „a“ ქვეპუნქტით გათვალისწინებული ვალდებულების მემორანდუმით განსაზღვრულ ვადაში შეუსრულებლობის გამო.

 2. ამ განკარგულების პირველი პუნქტის გათვალისწინებით, საქართველოს ენერგეტიკის სამინისტრომ უზრუნველყოს შპს „მტკვარი ენერგიისათვის“ მემორანდუმის გაუქმების თაობაზე შესაბამისი შეტყობინების გაგზავნა.

პრემიერ-მინისტრი                                                   ირაკლი ღარიბაშვილი