,,გარდაბნის მუნიციპალიტეტის საკრებულოს რეგლამენტის დამტკიცების შესახებ" გარდაბნის მუნიციპალიტეტის საკრებულოს 2014 წლის 14 ივლისის N17 დადგენილებაში ცვლილებებისა და დამატებების შეტანის შესახებ

1.1. მე-7 მუხლის პირველი პუნქტიდან ამოღებულ იქნეს სიტყვები: „საკრებულოს სხდომა ტარდება, როგორც წესი, ყოველი თვის დასაწყისის სრულ კვირა დღეს.“

1.2. მე-7 მუხლის პირველი პუნქტი ჩამოყალიბდეს შემდეგი რედაქციით: „1. საკრებულოს მორიგი სხდომები, ადგილობრივი თვითმმართველობის კოდექსის 26-ე მუხლის პირველი ნაწილის შესაბამისად, ამ რეგლამენტით დადგენილი წესით, მოიწვევა თვეში ერთხელ მაინც, ყოველი თვის მეორე ნახევარში, ხოლო რიგგარეშე სხდომა ტარდება საჭიროებისამებრ.“

1.3. შეიცვალოს მე-17 მუხლის მეორე პუნქტის „ს“ ქვეპუნქტი და ჩამოყალიბდეს შემდეგი რედაქციით:

„ს) გამოსცემს ბრძანებებს საკრებულოს თანამშრომელთა წახალისების შესახებ – უცხადებს მადლობას, ანიჭებს უფრო მაღალ საკლასო ჩინს, აჯილდოებს ფასიანი საჩუქრით, ფულადი ჯილდოთი, პრემიით. შეიძლება ერთდროულად გამოყენებულ იქნეს წახალისების რამდენიმე ფორმა.“.

1.4. მე-17 მუხლის მეორე პუნქტს დაემატოს შემდეგი შინაარსის „ს¹“ ქვეპუნქტი:

„ს¹) გამოსცემს ბრძანებებს საკრებულოს თანამშრომლების მიმართ დისციპლინური პასუხისმგებლობის ზომების გამოყენების შესახებ – უცხადებს შენიშვნას, გაფრთხილებას,  საყვედურს, ათავისუფლებს სამსახურიდან „საჯარო სამსახურის შესახებ“ საქართველოს კანონის საფუძველზე.  ერთი დისციპლინური გადაცდომისათვის შეიძლება გამოყენებულ იქნეს დისციპლინური პასუხისმგებლობის მხოლოდ ერთი ზომა“;

1.5. მე-20 მუხლის პირველ პუნქტში სიტყვები „თვეში ორჯერ მაინც“ შეიცვალოს სიტყვებით „თვეში ერთხელ მაინც“;

1.6. 47-ე მუხლის პირველი პუნქტიდან ამოღებული იქნას სიტყვები: „როგორც წესი, ყოველ თვის დასაწყისის სრულ კვირა დღეს. საკრებულოს მორიგი სხდომა, თუ არ იცვლება მისი თარიღი და ჩატარების ადგილი, არ საჭიროებს ოფიციალურად მოწვევას.“;

1.7. 47-ე მუხლის პირველი პუნქტი ჩამოყალიბდეს შემდეგი რედაქციით: „1. საკრებულოს მორიგი სხდომა მოიწვევა თვეში ერთხელ მაინც, ყოველი თვის მეორე ნახევარში, ხოლო რიგგარეშე სხდომა მოიწვევა საჭიროებისამებრ.“.

1.8. 54-ე მუხლის პირველ პუნქტში სიტყვები „დილის 10 საათზე“ შეიცვალოს სიტყვებით „დილის 12 საათზე“.

1.9. 54-ე მუხლის პირველი პუნქტიდან ამოღებულ იქნეს სიტყვები „სხდომები მიმდინარეობს შემდეგი განრიგით:“.

1.10. 54-ე მუხლის პირველი პუნქტიდან ამოღებულ იქნეს „ა“, „ბ“ და „გ“ ქვეპუნქტები.

1.11. XIX თავს დაემატოს შემდეგი შინაარსის 139-ე მუხლი:

„მუხლი 139. გარდაბნის მუნიციპალიტეტის საკრებულოში პრემიის გაცემის წესი

1.  გარდაბნის მუნიციპალიტეტის საკრებულოს თანამშრომელზე ერთჯერადად გაცემული პრემიის ოდენობა არ უნდა აღემატებოდეს აღნიშნული პირის თანამდებობრივ სარგოს.

2. გარდაბნის მუნიციპალიტეტის საკრებულოს თანამშრომელზე პრემია გაიცემა კვარტალში ერთხელ.

3.  პრემია გაიცემა, ასევე, არაუმეტეს წელიწადში სამჯერ, საქართველოს შრომის კოდექსით განსაზღვრულ უქმე დღეებთან დაკავშირებით.

4.  განსაკუთრებულ შემთხვევებში, შესაძლებელია დაშვებულ იქნეს გამონაკლისი ამ მუხლის პირველი და მეორე პუნქტებით გათვალისწინებული წესებიდან.“